MoAfisu 6:1 - Ohwihwim Olehe

¹ Agimi anwye, o dzu omgbybi angyiŋ ba agimi la e lu Ekristi ma e fa olbi e da moadigimi, okyku eshi alo o wo ekplo la e raŋ e gre angyiŋ.

MoAfisu 6:1 Referans Kwoze

1 Etimoti 5:4

Ambo o wo ba ashe-eshaku a wo la moanwye o mbo le moanwye ba moanwye baŋ ma le, o raŋ o gre ba moanwye lo a nye eda nga a dzu la odzudzu ba ozhẽ ba Ahogbrẽ pa la moadimo. Ozhẽ he lo moadimo á hwiŋ owlama mo. Moanwye he lo á raŋ Ahogbrẽ esõ ozhẽ he lo angyiŋ.

MoaOroma 12:2

Agimi e kpo otum okyku o da obiŋ hi angyiŋ o gno oraŋ ka la gimi mbo, ambo agimi e da Ahogbrẽ angyiŋ a kpo otum eso bimi nga a zhiŋ gimi pyeŋ. O wo baŋ a zhiŋ gimi le, agimi é kpo é gbu bimi é ka okoklo ba Ahogbrẽ é bmye. Agimi é kpo é gbu bimi é yi aga baŋ la a wo adzadzi nga a raŋ ŋa eso nga a wo zhezheŋ.

MoaOroma 7:12

Odaŋ o wo la esesla, nga odlo lo a mbo o wo la esesla, nga o wo odzi.

Oluka 2:51

Eyesu a sa a bla a gre Anazarata pa la mo. A dzu ahe lo nga a fa olbi a da mo. Anaŋ a sko ekployaŋ a mbo a shri a zga eso.

1 Ebitru 2:13

Agimi e fa olbi e da moarehwĩ la a ri ekʼpo okyku Adigi-odne. E fa olbi e da Ekeza la a wo andakʼpo ekpyemgbyeŋ,

1 MoaOkorinti 15:58

Okyku eka he agimi anáŋ, e tspi osheshye kye, nga e kpo otum bimi ombamba pyeŋ okyku Adigi-odne. Agimi a mbo e sheŋ e yi ba otumyaŋ a mbo bimi e kpo ozhẽ ba Adigi-odne, ba alo o wo otum ba ototno mbo.

MoaOroma 16:2

Agimi e yga ŋa eshko ba Adigi-odne, eka moa la a lu Ahogbrẽ ma a la a kpo. Nga agimi e shri ekployaŋ a mbo baŋ a klo e shri e daŋ. Okyku eshi aŋa a kpo a ghwo la moare nzenze, nga a kpo a ghwo la me a mbo.