MoAfisu 5:21 - Ohwihwim Olehe

²¹ Agimi e fa olbi e da egimi, okyku oklo ba agimi e wo la alo ma okyku Ekristi.

MoAfisu 5:21 Referans Kwoze

MoaEfilibi 2:3

O raŋ o gre ba agimi e kpo ekplokyeŋ la e shri ogogʼba e ba angyiŋ mbo, o mbo le la oklo ekʼpoeshri mbo. Ambo e pre esõ obiŋ ta la egimi. Arekyeŋ a la a sko eshri baŋ a zga eka baŋ a yi a kpo a gre moahwõ mbo.

MoAfisu 5:24

Okyku eka he o raŋ o gre ba moashe a fa olbi a da moarealom mo ogbukyekyeŋ, eka ba Eklisiya e la e fa olbi e da Ekristi.

MoAfisu 5:22

Agimi ashe, e fa olbi e da moarealom bimi eka ba agimi e la e fa olbi e da Adigi-odne.

1 Ebitru 5:5

Nga ozhẽ he lo, agimi ola anwye, o raŋ o gre ba agimi e fa olbi e da moare la a kʼpo gimi. Nga o raŋ o gre ba agimi pyeŋ e kpo ble-ble, nga agimi e kpo e ghwo la egimi. Odlo ba Ahogbrẽ o lu mi le, Ahogbrẽ a tla moare la a nyom egʼba, ambo aŋa a la a kpo a ghwo la moarehwĩ la a wo ble-ble.

MoaIbrani 13:17

O raŋ o gre ba agimi e ka moandakʼpo la olbi nga e kpaŋ odlo mo. Moa a la a kpaŋ esõ bimi a la a dzu a dum mbo, okyku eshi o dzu mo omgbybi ba moa á ba a shri etsko otum mo á ba a shri á da Ahogbrẽ. O wo ba agimi e la e fa olbi e da mo le, moa á kpo otum mo la esõ ekyle. O wo eka he mbo le, moa á kpo lo la esõ ebili. Nga alo ó kpo ó ghwo la gimi mbo.

1 Ebitru 2:17

Agimi e fa olbi e da moarehwĩ pyeŋ. Agimi e klo moa la a bmi ba adlidzi otsotse ka la gimi. Nga agimi e la e kpo eyli ba Ahogbrẽ, nga e fa olbi e da Ekeza.

1 Etimoti 3:4

O raŋ o gre baŋ a dzu are la a kpaŋ odne baŋ adzadzi a gbu, nga a kpo a gbu baŋ a kpaŋ moanwye baŋ ozhẽ ba o fa olbi o di.

MoaEgalasiya 5:13

Agimi anáŋ, moa a bzi gimi okyku o da gimi e hwiŋ odzudum angyiŋ. Ambo agimi e da ozhẽ he lo o dzu ekplo ba agimi é ba e da ogroayi ba egʼba o ri ekʼpo eshri bimi mbo. Ambo agimi e bmi e da oklo o da gimi e kpo e ghwo la egimi.

1 Etimoti 2:11

O raŋ o gre ba moashe a dzu tki la opresõ-obiŋ omba moarealom a nye ekployaŋ a mbo.

1 MoaOkorinti 16:16

okyku o da gimi a mbo e kpo edgu ekplo moahi lo a mbo a kpo. Nga e kpo eka ba areyaŋ a mbo la a kpo otum pa la mo.

1 Ebitru 2:13

Agimi e fa olbi e da moarehwĩ la a ri ekʼpo okyku Adigi-odne. E fa olbi e da Ekeza la a wo andakʼpo ekpyemgbyeŋ,

2 MoaOkorinti 7:1

Agimi akyemeazba, moa a hwim ayakplo he lo pyeŋ okyku gi angyiŋ! Okyku eka he, e da gi e tspi kyekye, nga e ngʼba e sku ekployaŋ a mbo la e ta egʼba o mbo le eso bi eshre. Agi e zga gble okyku o da gi e dzu zhezheŋ la esesla ibu eyli ba Ahogbrẽ.

2 MoaOkorinti 5:11

Agi e yi ekplo la e raŋ e gre ba moa a kpo eyli ba Adigi-odne, okyku eka he agi e la e zga ayi pa la moarehwi. Ahogbrẽ a yi gi zhezheŋ, nga ame e wo la okayiozhẽ ma ba agimi e yi me zhezheŋ eso bimi a mbo.