MoAfisu 5:19 - Ohwihwim Olehe

¹⁹ Agimi e lu odlo ta la egimi ozhẽ ba ohlueshko ta la ofuabmo. E fu abmo nga e hlu Adigi-odne eshko la ohlueshko esõ bimi.

MoAfisu 5:19 Referans Kwoze

MoaOkolosi 3:16

Oshpa ba Ekristi ozhẽyaŋ a mbo eka ba alo o wo, o raŋ o gre ba agimi e da lo o dzu esõ bimi. Agimi e nye nga e tsa egimi la okaobmye pyeŋ. E fu abmo nga e fu abmo ba ohlueshko. E fu abmo egi ayi ba Ahogbrẽ la ovye esõ bimi.

1 MoaOkorinti 14:26

Agimi anáŋ, odlo ba ame e lu hi o wo ozhẽyaŋ? Omba bimi e shki okyku o hlu Ahogbrẽ eshko le, arekyeŋ a ba a dzu okyku o fu abmo, nga ahwõ a ba a dzu okyku onyenye, nga ahwõ a ba a dzu okyku o nyum oshpa la elom moazhẽ, nga ahwõ a ba a dzu okyku otsotsa ba Ahgobrẽ, nga ahwõ a ba a dzu okyku o zhiŋ oshpa he lo. O raŋ o gre ba ekployaŋ a mbo e dzu okyku o kpo o ghwo la Eklisiya.

Otum 16:25

Ekpatspe okyukyku nga, Oblus ta la Esila moa a la a fa olu nga moa a fu abmo a la a hlu Ahogbrẽ eshko. Moahwõ moa a shri mo a ygi aku pa la mo nga, moa a la a ngli a gno.

Eyakubu 5:13

Arekyeŋ eshki bimi a wo ewu ko? O raŋ o gre baŋ a fa olu. Arekyeŋ eshki bimi a wo la ovye ma? O raŋ o gre baŋ a fu abmo ba ohlueshko.

Amatiyu 26:30

Ambla moa a ri abgo a khwo nga, moa a fu abmo nga, moa a zgi a gre Akũ ba Olivi.

Amatiyu 15:8

Moarehwĩ hi a la a hlu me eshko la anyu mo, Ambo esõ mo e wo ogyugyuŋ pa la me.

1 MoaOkorinti 14:15

Ame nga é kpo eshi? Ame é fa olu ta la eso me, ambo ame é fa olu ta la aga me a mbo ko-ko. Ame é fu abmo la eso me, ambo ame é fu abmo la aga me a mbo ko-ko.

Otsotsa 5:9

Moa a fu abmo alahe a lu mi le, Aŋo o tse ma boŋ o sko ashye akpa lo, Nga boŋ o ngʼga onono. Okyku eshi moa a bga ŋo, nga ibu ba eku boŋ o kpu he lo angyiŋ, Aŋo o gbmo moarehwĩ okyku Ahogbrẽ. Moarehwĩ he lo a zgi embreyaŋ a mbo, ta la olomyaŋ a mbo, ta la obiŋyaŋ a mbo.