MoAfisu 5:11 - Ohwihwim Olehe

¹¹ Agimi e la e tla o kpo ayakplo pa la moarehwĩ ba ototno la a kpo ayakplo ba ototno ba evbu. Ambo agimi e se ayakplo ba ototno he lo e ta edzi angyiŋ o sku.

MoAfisu 5:11 Referans Kwoze

MoaOroma 13:12

Okyukyku o kpo okhwokhwo a mo, ayi nga a kpo okrokre a mo. O raŋ o gre bi e kyu ayakplobi ba evbu bi e la e kpo abgo. O raŋ o gre bi e tslo anzho eko nga e ta eko ayimom.

1 Etimoti 5:20

O shrom moa la a la a kpo odlobi pyeŋ la eyayi, okyku o da moahwõ a kpo eyli.

2 MoaEtasolonika 3:6

Agimi anáŋ, agi e jygu gimi odaŋ eshko ba Adigi-odne Eyesu Ekristi. Agimi e ngʼba e sku moanáŋ pyeŋ la a la a kpo oreŋ. Moahi lo a la a kpaŋ onyenye ba agi e tsa mo mbo.

MoaOroma 16:17

Ame e shĩ gimi anáŋ, agimi e nyuŋ e ka okyku moa la a shri oslokroayi a la a ba, nga a la a tpi obmi ba adlidzi moare ayi. Moahi lo a la a tla edgu onyenye bimi e yga. Agimi e ngʼba e sku mo.

Otsotsa 18:4

Ambla he nga ame e gno enzi e zgi Ongyeŋ e ba e lu mi le, Agimi arehwĩ me e zgi! Agimi e zgi e sku osku lo! E kpo odlobi ka la ŋa mbo. Nga alo o raŋ o ba agimi e kŋe e bga ka la ŋa ewu he lo mbo!

Etitu 2:15

Aŋo o nye moare ayakplo he lo, nga o kpo otum la ekʼpo boŋ pyeŋ omba boŋ o shĩ moare nga o shrom moare. O da akyeŋ anvaŋ okyku o daŋ a dzĩ ŋo mbo.

2 MoaEtasolonika 3:14

O dzu mbo areabze eshki bimi, á bmi ta la oshpa ba agi e ta akpa he e shri e kom gimi mbo. O wo ba alo o wo eka he angyiŋ le, e nyuŋ edgu are he lo e ka e zga ayi, nga e ngʼba e sku ŋa, okyku o daŋ a gbu anzi.

MoaOroma 6:21

E ka, agimi e hwiŋ eshi la e wo owlama okyku o kpo ayakplo bimi e la e ka lo la eshre ohuhuhi? Egbre ba ayakplo hi lo e wo eku sha angyiŋ!

2 Etimoti 4:2

okyku o doŋ o nyum oshpa lo, nga o zga omgbybi boŋ o lu lo o ygi moare omba la o wo odzi, ta la omba la o wo odzi mbo. Nga o tsa mo o da mo a ka adlidzi, nga o shrom mo, nga o shĩ mo, nga o nye mo la oheheŋ.

2 Etimoti 3:5

Moa á sko ozhẽ ba Eyesu á shki edzi sha, ambo moa á tla ekʼpo ba adlidzi ba ozhẽ he lo. Aŋo o ngʼba o sku moa edgu moarehwĩ he lo.

MoaEgalasiya 6:8

O wo baŋ a fu alaŋ ba okoklo ba egʼba le, aŋa á yla edgo ba eku angyiŋ. Ambo o wo a fu alaŋ ba Ogbgaodzi le, aŋa á yla edgo ba eso ba gbagbu-amo ibu ba Ogbgaodzi.

1 MoaEtasolonika 5:7

Okyku eshi moare a la a ndze enu okyukyku angyiŋ, nga la okyukyku angyiŋ moare a la a wa ajige a kpo ayi.

Oluka 3:19

Ambo Eyohana a shrom Ehirudu la a wo ogomna okyku baŋ a ngʼga Ehirudiya ashe anáŋ, nga a shrom ŋa okyku ayakplobi baŋ a kpo.

MoAfisu 5:7

Okyku eka he, agimi e ngʼba e sku edgu moare he lo.

MoAfisu 4:22

Okyku eka he agimi e ngʼba e sku odzudzu ogbyi bimi. Odzudzu ogbyi he lo o la o da gimi e kpo ekpom la ezhẽ la e wo edzi mbo. Odzudzu ogbyi la moa a la a jygi lo ibu okayiogro ba obile.

Amatiyu 18:15

O wo ba anóŋ a kpo odlobi egi ayi boŋ le, o yi o tsa ŋa odlobi baŋ. Aŋo o kpo lo agʼbaha boŋ ka la ŋa sha. O wo baŋ a ngli atuŋ a gno ŋo le, aŋo o shri ŋa o bla o ba ozhẽ angyiŋ eka he lo.

1 Etimoti 6:5

nga a la a da moare la ba aga mo a kpu nga moa a yi adlidzi mbo, a la a kla odlo ombamba pyeŋ. Moahi lo a la a lu esõ mo ma o dzu mbo le ozhẽ ba Ahogbrẽ o wo ozhẽ ba o gbu angyiŋ angyiŋ.

Otum 26:18

Aŋo angyiŋ ó ba o hwile ayi mo, nga ó ba o se mo o sku evbu, nga ó ba o shri mo ó ba ayimom, nga aŋo ó zhiŋ mo ekʼpo ba Eshitaŋ ó ba ekʼpo ba Ahogbrẽ. Okyku o wo moa a bmi ba adlidzi pa la me le, moa á kyu mo abgo odlobi mo, nga moa á hwiŋ okro odzuma eshki moarehwi ba Ahogbrẽ a sla mo.

MoAfisu 5:12

O wo ekplo anzi angyiŋ o ba o lu odlo eshri ayakplo ba moa a la a kpo la esisi.

MoaOkolosi 1:12

Nga okyku o da gimi e vye la Adigi la ovye, okyku eshi aŋa angyiŋ a da gimi e tse ma okyku o da gimi e hwiŋ ogʼba bimi eshki ekplo baŋ a shri a zga ma oreŋ ba ayimom.

1 Etimoti 5:22

Aŋo o kpo omvro okyku o shki abgo boŋ eshri ba areyaŋ a mbo la a klo o kpo otum Adigi-odne mbo. Nga o kpo odlobi eka moahwõ a la a kpo mbo, ambo o kpaŋ eshri boŋ kyekye.