MoAfisu 4:29 - Ohwihwim Olehe

²⁹ Agimi e la e kpo otum ta la odlo la o vu olo omba bimi e kpla egba mbo. E kpo otum ta la odlo la o kpo o ghwo sha. E kpo otum ta la edgu odlo la o mbdzi angyiŋ nga e shri ekplo la e gbaŋ e shri e ba, okyku o da moa la a gno odlo boŋ a hwiŋ owlama eshri odlo lo.

MoAfisu 4:29 Referans Kwoze

MoaOkolosi 4:6

nga e lu odlo la o wo ble nga o wo odzi angyiŋ pa la moare. Nga o raŋ o gre ba agimi e yi eka ba o shri otnoma la o wo odzi angyiŋ o shri o da areyaŋ a mbo.

1 MoaEtasolonika 5:11

Okyku eka he, e shri oshye-esõ e da gimi nga e kpo e ghwo la egimi eka ba agimi e la e kpo ohuhuhi.

Amatiyu 5:16

Ekakahelo, o raŋ o gre ba agimi e da ayimom bimi a tra egi ayi moarehwĩ, okyku o da mo a ka otum adlidzi bimi e la e kpo, nga okyku o da mo a hlu Adigi la a wo Ongyeŋ eshko.

1 Ebitru 2:12

O raŋ o gre ba odzudzu bimi egi ayi moaevbu o wo shasha nzenze, okyku o da mo a tne aga edgu otum la o wo shasha ba agimi e kpo, omba ba moa a la a hrẽ gimi, ma agimi e la e kpo otum la o wo shasha mbo. Nga okyku o da mo a hlu Ahogbrẽ eshko Onda baŋ á ba.

Oluka 4:22

Moa pyeŋ a gno oraŋ ta la Eyesu. Nga moa a ka egbregbre odlo odzadzi baŋ a lu. Moa a zhĩ a lu mi le, Aŋa angyiŋ a wo anwye ba Oyusufu mbo?

1 Ebitru 3:1

Nga ekakahelo o raŋ o gre ba agimi ashe e fa olbi e da moarealom bimi, okyku o wo ba moakyeŋ eshki mo a bmi ba adlidzi ta la odlo ba Ahogbrẽ mbo le, okyku o da edgu odzudzu bimi e zhiŋ mo. Ambo ó dzu gimi omgbybi ba agimi e lu akplokyeŋ nga mbo,

MoAfisu 4:16

La ekʼpo baŋ angyiŋ évgi ba egʼba e kŋe e bga otsotse. Évgi he lo angyiŋ e kŋe egʼba pyeŋ e bga. Okyku eka he o wo ba evgiyaŋ a mbo e la e kpo otum shasha le, egʼba lo pyeŋ e la e hlu, nga e la e mbdzi e yi ongyeŋ ozhẽ ba oklo.

MoAfisu 4:12

A kpo ohe lo okyku o nye moarehwĩ ba Ahogbrẽ pyeŋ okyku otum ba Ekristi angyiŋ, nga okyku o mbdzi egʼba ba Ekristi.

2 Ebitru 2:18

Moa a la a lu odlo la ega, nga moa a lu odlo ba ototno. Nga moa a tsa moare okoklo eshre ba egʼba okyku o bile moare la a zga ngre nga a zgi eshki ba moarehwĩ ba odzudzu mo o wo eka lo mbo.

1 MoaOkorinti 14:19

Ambo ame é gno oraŋ o lu amgboŋ odlo atno ba moahwõ a gno lo a bmye eshki okyku o da me e nye mo, o sku ba ame e lu amgboŋ odlo ezbi la elom moazhẽ.

MoaOroma 14:19

Okyku eka he agi é zga gble é kpo ayakplo la a shri opyapyaŋ a ba nga a la a shĩ gi.

MoaOroma 15:2

Ambo o raŋ o gre ba areyaŋ a mbo a kpo a ghwo la anáŋ okyku o daŋ a dzu opyapyaŋ, nga okyku o da obmi ba adlidzi baŋ o ta ma-ma.

Eyohana 1:37

Ambla ba moanwyeotum aha lo a gno eka he a khwo nga, moa a kso nga a lu Eyesu ma.