MoAfisu 4:28 - Ohwihwim Olehe

²⁸ O raŋ o gre ba are la a la a kpo ogʼga a kyu ogʼga abgo, nga a kpo otum okyku o daŋ a dzu la odzudzu la o wo odzi. Nga okyku o daŋ a la a kpo a ghwo la moare la a wo la ekŋe.

MoAfisu 4:28 Referans Kwoze

1 Etimoti 6:18

Aŋo o shri odaŋ o da mo okyku o da mo a kpo otum odzi angyiŋ, nga okyku o da mo a kpo a ghwo la moahwõ.

MoaEgalasiya 6:10

Okyku eka he, ombayaŋ a mbo ba agi e wo la anvaŋ ma le, e kpo e ghwo la areyaŋ a mbo, ambo, o raŋ o gre ba agi e kpo e ghwo la moa la a wo moanigi ozhẽ obmi ba adlidzi e gre.

Eyohana 12:6

A lu eka he okyku baŋ a klo moae-kŋe angyiŋ mbo, ambo okyku baŋ a wo asi angyiŋ. Aŋa angyiŋ a shri abre amgbaŋ a la a zga. A la a fa ekplo moa a shri a zga ma.

Oluka 19:8

Moa a gre odne a khwo nga, Azaka a kso a nyuŋ Eyesu a lu mi le, Andakʼpo o ngli o gno! Ame é gʼba angyiŋ me aha nga é shri é da moaekŋe. O wo ba ame e kpgo arekyeŋ le, ame é nyiŋ ema lo é daŋ engyi enyi.

2 MoaOkorinti 8:12

O wo bimi e wo la ozgayi okyku o kpo o ghwo le, Ahogbrẽ á yga okpoghwo bimi la aga ekplo bimi e wo la alo ma. Aŋa á ka ayi ozhẽ okyku ekplo bimi e gbaŋ lo mbo.

2 MoaOkorinti 8:2

Ewu ba moa a kpo e nye mo nzenze. Ambo moa a wo la ovye ma nzenze a gre eshri, okyku eka he moa a shri okpoghwo nzenze a shri a di. Moa a wo la ekŋe a gre eshri ambo moa a kpo a ghwo la moaekŋe.

MoaOroma 12:13

E gʼba ayakplo bimi e wo la alo ma pa la moanigimi la a wo ekŋe, nga agimi e yga moazhẽ adne bimi.

Eyohana 13:29

Abre amgbaŋ a wo abgo ba Eyahuda he lo angyiŋ. Moanwyeotum a ka ma o dzu mbo le, ma Eyesu a hom ŋa otum okyku o daŋ a yi a gbmo ayakplo ba moa a klo okyku oriabgo lo, o mbo le ma o dzu mbo ma Eyesu a daŋ a shri ekplokyeŋ a shri a kom moaekŋe angyiŋ.

Oluka 3:8

O wo eka he bgu le, agimi e kpo ayakplo la á ba a tsa bimi e nyiŋ edgu odzudzu bimi. Ambo agimi e dzu tki nga e lu mi le, Ebrahim angyiŋ a wo Adigi nga o khwo mbo. Ame e lu adlidzi e da gimi, Ahogbrẽ a kpo a gbu baŋ a zhiŋ ézhim he a da lo e dzu moanwye okyku Ebrahim!

1 MoaOkorinti 4:12

nga agi e la e kpo otum ngre okyku o vgi eshri bi. Omba moare a ta ogbukyu a ygi gi, agi e fa anyuadzi angyiŋ e ygi mo, nga omba moare a kpo gi ewu nga, agi e ta eso bi akpyli.

Etitu 3:8

Odlo he lo o wo adlidzi angyiŋ. Ame e klo boŋ o bla ayakplo he lo o shĩ adzadzi, okyku o da moa la a bmi ba adlidzi ta la Ahogbrẽ a shri aga mo a zga okyku o kpo ayakplo la a wo adzadzi. Ayakplo he lo a wo adzi nga á kpo á ghwo la moare.

Etitu 3:14

O nye moarehwĩ bi okyku o da mo a shri aga mo a zga okyku o kpo ayakplo la a wo adzi, okyku o da mo a kpo a ghwo la moare nga okyku o da mo a dzu ototno mbo.