MoAfisu 4:15 - Ohwihwim Olehe

¹⁵ O raŋ o gre ba agi e hlu eka ba Ekristi la a wo eshri a wo, nga e lu adlidzi la oklo esõ bi e sku o kpo ayakplo ba eda ebi.

MoAfisu 4:15 Referans Kwoze

1 Eyohana 3:18

Agimi anwye me! Agi e da oklo bi o dzu egba ta la odlo sha mbo. O raŋ o gre ba alo o dzu oklo ba adlidzi la o tsa eŋa otum ba alo o kpo.

MoAfisu 4:25

E sheŋ akpro nga mbo! O raŋ o gre ba areyaŋ a mbo a la a lu adlidzi angyiŋ ta la anáŋ. Okyku eshi agi e wo ekplu ekyekyeŋ angyiŋ egʼba ba Ekristi.

1 Ebitru 1:22

Nga ohuhuhi, agimi e sheŋ e nyuŋ eshri bimi e ndza ozhẽ ba okpaŋ adlidzi, nga agimi e dzu la oklo ba adlidzi okyku moanigimi la a bmi ba adlidzi a mbo. Okyku eka he nga agimi e la e klo egimi la esõ bimi pyeŋ.

2 Ebitru 3:18

Ambo agimi e hlu la okpoghwo, ta la oyioyi ba Adigi-odne la a wo Areoshla bi, Eyesu Ekristi. Ekʼpo e dzu e baŋ ohuhuhi ka la gbagbu-amo! Amin.

MoAfisu 2:21

Aŋa angyiŋ a kom aku lo pyeŋ abgo, nga a da lo a ta ma-ma nga a dzu Anyuŋ-akulu ba esesla okro ba Adigi-odne.

MoAfisu 1:22

Ahogbrẽ a shri ekployaŋ a mbo a ghwo abgo ba Ekristi. Nga a shri ŋa a da Eklisiya. Nga aŋa angyiŋ a daŋ a dzu anyuŋ Adaŋ-odne eshri ekployaŋ a mbo.

1 Ebitru 2:2

Agimi e dzu eka moanwye able ba moa a mbre mo ehehe. Omba-mba pyeŋ agimi e la e kpo ekhwo okyku orga abme ba esõ la a wo tsetsetseŋ, okyku o da gimi e wa nga e hlu nga e hwiŋ oshla,

MoaOroma 12:9

O raŋ o gre ba oklo bi o dzu oklo ba adlidzi. O raŋ o gre ba agimi e tla ayakplo la a wo abi, nga e bmi ta la ayakplo la a wo adzi.

Eyohana 1:47

Omba ba Eyesu a ka Enataniyelu a ba okro baŋ nga, a lu odlo eshri baŋ a lu mi le, Alom he lo a wo arehwĩ ba Esrayila zhezheŋ. Ekplokyeŋ ba o fu oha eshri baŋ e wo ma mbo.

MoAfisu 5:23

Okyku eshi arealom a wo la ekʼpo eshri ashe baŋ eka ba Ekristi a mbo a wo la ekʼpo eshri ba Eklisiya. Ekristi angyiŋ a wo Areoshla ba Eklisiya la e wo egʼba baŋ angyiŋ.

2 MoaOkorinti 4:2

Agi e mu eshyẽ ba anzi ekployaŋ a mbo e zga agba. Nga agi e kpo otum la obile mbo, nga agi e kŋe odlo ba Ahogbrẽ e bga ta la akpro mbo. Nga agi e dzu ayimom ba adlidzi angyiŋ egi ayi ba Ahogbrẽ, nga agi e zga gble okyku o kpo otum la aga la a wo adzadzi eso ba areyaŋ a mbo.

2 MoaOkorinti 8:8

Ame e ka e jygu odaŋokyeŋ angyiŋ mbo, ambo ame e lu e da gimi eka ba moakyeŋ a kpo a ghwo la moahwõ la eso ekyekyeŋ, okyku o da me e ka adlidzi ba edgu oklo bimi angyiŋ.

1 MoaOkorinti 11:3

Ambo ame e klo bimi e ka e bmye ba Ekristi angyiŋ a wo la ekʼpo eshri ba areyaŋ a mbo. Arealom a wo la ekʼpo eshri ashe baŋ, nga Ahogbrẽ a mbo a wo la ekʼpo eshri ba Ekristi.

MoAfisu 1:4

Omba ba moa a ka a kpo obiŋ hi a wo mbo, Ahogbrẽ a sheŋ a sla gi okyku o da gi e dzu moarehwĩ baŋ okro ba Ekristi, nga okyku o da gi e dzu la esesla, ta la akpu ko mbo egi ayi baŋ. Okyku oklo baŋ lo,