MoAfisu 4:13 - Ohwihwim Olehe

¹³ Agi mvye é kŋe é bga okyekyeŋ ibu ba obmi ba adlidzi bi nga ibu ba oyioyi bi eshri Anwye Ahogbrẽ, nga okyku o da gi e dzu eka moarehwĩ la a bmye ayi a klu, nga okyku o da gi e hlu e gbu ohlu ba egʼba ba Ekristi.

MoAfisu 4:13 Referans Kwoze

MoaOkolosi 1:28

Okyku eka he agi e la e nyum oshpa ba Ekristi e ygi moare pyeŋ. Agi e la e shĩ nga e nye areyaŋ a mbo la edgu okaobmye mvye ba agi e wo la alo ma, okyku o shri areyaŋ a mbo a ba egi ayi ba Ahogbrẽ, eka ba are la a bmye ayi a klu okro ba okŋeobga ta la Ekristi.

Eyohana 17:21

Ame e fa olu okyku o da mo pyeŋ a dzu okyekyeŋ. Ada! O da mo a dzu eso bi eka boŋ o wo eso me, nga ba ame e wo eso boŋ, okyku o da obiŋ hi o bmi ba adlidzi boŋ angyiŋ o hom me otum.

MoAfisu 4:5

Adigi-odne akyakyeŋ a wo ma, ta la obmi ba adlidzi okyekyeŋ, ta la abaptisma akyakyeŋ.

MoAfisu 4:3

Agimi e zga ayi ngre okyku o kpaŋ okŋeobga ba Ogbgaodzi o shri o ba, ozhẽ ba opyapyaŋ la o kŋe gimi o bga.

2 Ebitru 3:18

Ambo agimi e hlu la okpoghwo, ta la oyioyi ba Adigi-odne la a wo Areoshla bi, Eyesu Ekristi. Ekʼpo e dzu e baŋ ohuhuhi ka la gbagbu-amo! Amin.

MoaOkolosi 2:2

Ame e la e kpo eka he okyku o da mo a hwiŋ oshye-esõ nzenze, nga okyku o da mo a dzu otsotse la oklo nga okyku o da mo a hwiŋ zhezheŋ ba okaobmye ba adlidzi o la o shri o ba. Nga moa á yi eshyẽ ba Ahogbrẽ eka he lo. Alo angyiŋ e wo Ekristi eshrishri eŋa.

MoaIbrani 5:14

Ambo algo la a shye, a wo okyku moare la a bmye ayi a klu angyiŋ. Moahi lo moa a nye mo nga moa a kpo a gbu ba moa a gʼba ekplo la e wo edzi ta la ekplo la e wo ebi.

MoaEfilibi 3:8

Ambo ayakplo he sha angyiŋ mbo, ambo ame e sko ekployaŋ a mbo e zga akplokyeŋ mbo okyku ekplo la e wo owlama e gre eka he, alo angyiŋ a wo oyioyi eshri ba Ekristi Eyesu Adime-odne. Okyku ŋa angyiŋ, ame e ndba ekployaŋ a mbo e ta a bi, okyku eshi ame e sko lo e zga eka ekro angyiŋ, okyku o da me e hwiŋ Ekristi,

1 MoaOkorinti 14:20

Agimi anáŋ, e tne aga eka moanwye afifi mbo. Ambo e dzu eka moanwye afifi angyiŋ egi ayi ba odlobi, nga e da aga bimi a dzu eka ba aga moare la a bmye ayi a khwo.

MoAfisu 1:23

Eklisiya e wo egʼba ba Ekristi angyiŋ. E wo obiobli baŋ, nga aŋa angyiŋ a bli ekployaŋ a mbo okroyaŋ a mbo.

Otum 4:32

Moare la a bmi ba adlidzi mvye, moa a kaŋ eshri a bga osheshye. Arekyeŋ a kom ekplo baŋ a wo alo ma ambambga mbo. Moa a la a gʼba ekployaŋ a mbo moa a wo alo ma otsotse.

1 Eyohana 5:20

Agi e yi ba Anwye ba Ahogbrẽ a ba nga a shri okaobmye a da gi okyku o da gi e ka Ahogbrẽ ba adlidzi e bmye. Odzudzu bi pyeŋ o wo ta la Ahogbrẽ ba adlidzi okro ba Anwye baŋ Eyesu Ekristi. Aŋa angyiŋ a wo Ahogbrẽ ba adlidzi, nga esõ he lo angyiŋ e wo esõ ba gbagbu-amo.

MoAfisu 4:12

A kpo ohe lo okyku o nye moarehwĩ ba Ahogbrẽ pyeŋ okyku otum ba Ekristi angyiŋ, nga okyku o mbdzi egʼba ba Ekristi.

MoAfisu 2:15

A bga odaŋ moaEyahuda, ta la anwye-odaŋ lo, ta la oshioshĩ la o wo ma, okyku o daŋ a mbdzi moa-embre eha he lo okyku o da mo a dzu ogu olehe okyekyeŋ, la o wo la ekpom ka la ŋa, okyku o da opyapyaŋ o ba.

2 MoaOkorinti 4:6

Ahogbrẽ la a lu mi le, Ayimom lo á zgi evbu angyiŋ á ba a tra! Aŋa angyiŋ a da ayimom baŋ a tra eso bi, okyku o da gi e hwiŋ ayimom ba oyioyi ba esesla ba Ahogbrẽ la a shka ayi eyayi ba Ekristi.

1 MoaOkorinti 1:10

Ame e vẽ gimi anáŋ, okro ba ekʼpo ba Adigi-odne Eyesu Ekristi. Agimi e la e bmi ta la egimi ekployaŋ a mbo bimi e lu, okyku o da ogagʼbakyeŋ o gre o ba eshki bimi mbo. Agimi e da eshri bimi e dzu ekyekyeŋ aga bimi ta la okoklo bimi.

Eyohana 17:3

Eso ba gbagbu-amo angyiŋ e wo okyku o da moarehwi a yi boŋ angyiŋ la o wo Ahogbrẽ ba adlidzi akyakyeŋ, nga okyku o da mo a yi Eyesu Ekristi are boŋ o hom ŋa otum.

Eyohana 16:3

Moa á kpo gimi edgu ayakplo he lo okyku ba moa a yi Ada o mbo le okyku ba moa a yi me mbo.

Amatiyu 11:27

Adugu a kyu ekployaŋ a mbo abgo a shri a ghwo abgo me. Arekyeŋ a yi Anwye lo mbo ku-ku, o wo le Ada sha. Arekyeŋ nga a yi Ada lo mbo, o wo le Anwye sha, pa la moare ba Anwye lo a da mo a ka ŋa a bmye.

Eyohana 1:16

Ibu okpoghwo baŋ la o sheŋ o nye mbo, a shri owlama a da gi mvye. Ombamba pyeŋ nga a la a shri owlama a ta gi ma-ma.

Eyohana 6:69

Agi e bmi ba adlidzi nga e ka e bmye ba aŋo angyiŋ o wo ba Esesla Akyakyeŋ ba Ahogbrẽ.

1 MoaOkorinti 2:6

Ambo ame e la e lu odlo la okaobmye e ygi moare la a bli la Ogbgaodzi. Ambo okaobmye he lo o wo okaobmye edgu o ba obiŋ hi angyiŋ mbo, o wo eka ekʼpo la e ri ekʼpo obiŋ hi angyiŋ mbo. Edgu ekʼpo he lo e la e khwo.

MoaEgalasiya 4:19

Agimi anwye ba ame e klo gimi! Nganga, alo o wo eka ba ashe a la a kpo ewu omba ombrombre angyiŋ. Ewu ba ame e wo la alo ma okyku gimi, e wo eka he lo angyiŋ o wo le agimi e sko edgu odzudzu ba Ekristi.

MoAfisu 1:17

Nga ame e vẽ Ahogbrẽ ba Adigi-odne Eyesu Ekristi, Adigi ba esesla, okyku o daŋ a shri Ogbgaodzi la o ba o shri okaobmye ó shri ó da gimi, nga ó tsa gimi Ahogbrẽ ó da gimi e ka, okyku o da gimi e yi ŋa.

MoaEfilibi 3:10

Ekplo ba ame e klo angyiŋ e wo okyku o yi Ekristi nga o hwiŋ ekʼpo ba oksongbybi baŋ a kso. Nga o pu ka la ŋa ewu baŋ a kpo, nga o dzu eka baŋ ibu eku baŋ,

2 Ebitru 1:4

Ozhẽ he lo angyiŋ, a shri ohwihwim la o wo la owlama ta la ogagre, a shri a da gi. O wo bimi e yga ekplo baŋ a hwim okyku gimi e khwo nga le, e ngʼba e sku okoklo la o wo oyla ototno obiŋ hi, nga e ba e pu ibu odzudzu ba Ahogbrẽ.