MoAfisu 2:2 - Ohwihwim Olehe

² Omba mi lo, agimi e lu ayakplobi ba ozhẽ ba obiŋ hi ma, nga e fa olbi e da areŋ la a ri ekʼpo eshri egbga la e ri ekʼpo ahrẽ. Ogbga he lo angyiŋ o la o ri ekʼpo pa la moarehwĩ la a shye eshri ta la Ahogbrẽ ohuhuhi.

MoAfisu 2:2 Referans Kwoze

MoAfisu 6:12

Okyku eshi agi e la e ta eko pa la moarehwĩ angyiŋ mbo, ambo agi e la e ta eko ta la ekʼpo ba egbga ebi la e wo ahrẽ angyiŋ. Moa a wo moa la a ri ekʼpo, ta la ekʼpo nzenze la e wo ahrẽ, ta la egbga ebi la e la e ri ekʼpo obiŋ hi la o hwĩ evbu he lo.

1 Eyohana 5:19

Agi e yi ba agi e wo moanwye ba Ahogbrẽ angyiŋ. Nga obiŋ hi pyeŋ o wo abgo ba ekʼpo ba Areabi.

MoAfisu 2:3

Ambo ayga, agi pyeŋ e wo eka mo angyiŋ, nga agi e dzu la okoklo bi ba egʼba. Nga agi e kpo ekployaŋ a mbo ba egʼba ta la aga bi e klo. Nga alo o dzu ba Ahogbrẽ á kpo gi pyeŋ ewu eka baŋ a kpo areyaŋ a mbo ewu.

Eyohana 12:31

Omba he angyiŋ moa á ba a sõ obiŋ hi ombgu. Omba he lo angyiŋ moa á ba a kypi areŋ ba obiŋ hi.

MoAfisu 5:6

Agimi e da arekyeŋ a bile gimi la odlo adro mbo. Okyku edgu ayakplo he lo angyiŋ Ahogbrẽ á ba a kpo moare la a kpaŋ odlo baŋ mbo ewu.

Eyohana 8:44

Agimi e wo moanwye ba adigimi Eshi-taŋ, nga agimi e klo e kpo ekplo ba adigimi lo a klo. Okũ oriori, a wo are la a bga ebga. A bmi ta la adlidzi ondakyeŋ mbo, okyku ba adlidzi a wo ka la ŋa mbo. Omba baŋ a la a sheŋ akpro le, a la a kpo ekplo baŋ a sheŋ a bga ta la alo angyiŋ, okyku eshi aŋa angyiŋ a wo asheŋakpro, nga aŋa angyiŋ a wo adaŋ ba akpro mvye.

MoAfisu 4:22

Okyku eka he agimi e ngʼba e sku odzudzu ogbyi bimi. Odzudzu ogbyi he lo o la o da gimi e kpo ekpom la ezhẽ la e wo edzi mbo. Odzudzu ogbyi la moa a la a jygi lo ibu okayiogro ba obile.

1 MoaOkorinti 6:11

Moakyeŋ eshki bimi, moa a wo eka he lo ayga. Ambo moa a sheŋ a ndza odlobi bimi bgu. Moa a sheŋ a shri gimi a da Ahogbrẽ. Opyapyaŋ o gre o ba agʼbaha bimi okro ba eshko ba Adigi-odne Eyesu Ekristi, ta la Ogbgaodzi ba Ahogbrẽ bi.

2 MoaOkorinti 4:4

Moa a la a bmi ba adlidzi mbo okyku eshi ahogbrẽ abi ba obiŋ hi a sheŋ a shri oso-ayi a zga egi ayi mo. A nyom mo o ka ayimom la a la a shka ayi eshri mo. Oshpaodzadzi ba ayimom ba esesla ba Ekristi angyiŋ, o la o shri ayimom he lo o ba. Ekristi angyiŋ, a wo emle ba adlidzi ba Ahogbrẽ.

1 Eyohana 5:4

okyku eshi areyaŋ a mbo la a wo anwye ba Ahogbrẽ á kpo á gbu baŋ a kpo a gre obiŋ hi. Agi é kpo é gbu ba agi e kpo e gre obiŋ hi ozhẽ ba obmi ba adlidzi bi.

1 Eyohana 3:10

Agimi e ka ondundum la o wo zhezheŋ okro ba odzudzu ba moanwye ba Ahogbrẽ pa la moanwye ba Eshitaŋ. Areyaŋ a mbo la a kpo ayakplo la a wo shasha mbo, o mbo le a klo anáŋ mbo le, a wo anwye ba Ahogbrẽ angyiŋ mbo.

1 Ebitru 1:14

E kpaŋ odlo ba Ahogbrẽ nga e da edgu okoklo ba ayakplo ba agimi e wo la alo ma omba bimi e wo efĩ o ri ekʼpo eshri bimi mbo.

Otsotsa 20:2

A vu emabi egagre, alo angyiŋ a wo atsoŋ emabi he lo. Alo angyiŋ a wo Areabi ta la Eshitaŋ. Anwyeadga he lo a ta ŋa agbu okyku eyi ezbi.

1 Eyohana 4:4

Ambo agimi anwye me, agimi e wo moarehwĩ ba Ahogbrẽ angyiŋ, nga agimi e sheŋ e kpo e gre moare la a sheŋ akpro ma Ahogbrẽ angyiŋ a hom mo otum bgu. Okyku eshi aŋa la a wo esõ bimi a wo ekʼpo a gre aŋa la a wo esõ moarehwĩ ba obiŋ hi.

1 Ebitru 4:3

Okyku eshi ayga, agimi e tpi omba ayi nzenze e la e kpo ayakplo ba moaevbu a la a kpo. Agimi e kpo ayakplo la a wo eka lo mbo. Agimi e gro ayi, nga e wa ami e dro, nga e kpo ekpyle la e wo shasha mbo, nga e la e wa ami ba ogbu, nga e hlu okpko eshko la ohlueshko ba anzi.

MoaOkolosi 1:21

Ayga, agimi e dzu ogyugyuŋ ta la Ahogbrẽ, nga agimi e dzu moafpu baŋ okyku ayakplobi ba agimi e la e kpo, ta la aga abi ba agimi e la e tne.

MoaEgalasiya 1:4

Ekristi a shri eshri baŋ a di okyku odlobi bi, nga okyku o da gi e hwiŋ odzudum ayakplobi ba omba he, eka ba Ahogbrẽ la a wo Adigi a klo baŋ a kpo.

MoaOroma 12:2

Agimi e kpo otum okyku o da obiŋ hi angyiŋ o gno oraŋ ka la gimi mbo, ambo agimi e da Ahogbrẽ angyiŋ a kpo otum eso bimi nga a zhiŋ gimi pyeŋ. O wo baŋ a zhiŋ gimi le, agimi é kpo é gbu bimi é ka okoklo ba Ahogbrẽ é bmye. Agimi é kpo é gbu bimi é yi aga baŋ la a wo adzadzi nga a raŋ ŋa eso nga a wo zhezheŋ.

Eyakubu 4:4

Agimi arehwĩ la e kpo adlidzi mbo! Agimi e yi mbo, ba agimi e dzu moafpu ba Ahogbrẽ angyiŋ o wo ba agimi e dzu moakyeŋazba ba obiŋ hi? Areyaŋ a mbo la a klo o dzu akyeŋazba ba obiŋ hi le, á dzu afpu ba Ahogbrẽ.

1 MoaOkorinti 5:10

Ambo ame e nyuŋ moaevbu la a la a kpo ayakplo ba eshre, nga a la a gro ayi anzho, nga a la a pre odaŋ, nga a la a hlu okpko eshko angyiŋ mbo. O wo bimi e klo e ngʼba e sku mo tli angyiŋ le, alo ó dzu omgbybi bimi é zgi é sku obiŋ hi!

Otum 5:3

Ebitru a nyuŋ ŋa a lu mi le, Ahananiya, okyku eshi aŋo o da Eshitaŋ anvaŋ o daŋ a la a kpo otum eso boŋ, nga aŋo o sheŋ Ogbgaodzi akpro angyiŋ omba boŋ o fa amgbaŋ lo o ra o ghre?

Eyohana 15:19

O wo bimi e wo moarehwi ba obiŋ hi le, obiŋ hi ó klo gimi eka ba alo o klo moarehwi ba obiŋ hi. Ambo ame e sla gimi esla angyiŋ nga agimi e wo moarehwi ba obiŋ hi angyiŋ mbo. Okyku eka he lo angyiŋ, obiŋ hi o la o tla gimi.

Eyohana 14:30

Ame e kpo e gbu ba ame e lu ekplokyeŋ ka la gimi ohuhuhi nga mbo, okyku eshi areŋ ba obiŋ hi a ba a mo. A wo ekʼpo eshri me mbo ku-ku.

2 Ebitru 2:14

Moa a la a klo o ka ekplokyeŋ ku-ku mbo, o wo le moashe ba eshre sha. Ogroayi mo okyku o kpo odlobi ó khwo mbo ku-ku. Moa a la a da moa la a wo oshye esõ mbo a gbu amgbaŋ. Moa a sheŋ a nye eda ba okayiogro esõ mo bgu. Moa a wo abgo ba ogbukyu ba Ahogbrẽ angyiŋ!

Eyohana 16:11

Aŋa á da mo a ka ombgu ba Ahogbrẽ a bmye okyku eshi moa a sheŋ a sõ areŋ obiŋ hi ombgu bgu.

Eyohana 13:27

Ambla ba Eyahuda a sko agbrotsa lo nga, Eshitaŋ e kpo otum eso baŋ. Eyesu a nyuŋ ŋa a lu mi le, O kpo ekplo boŋ o klo shoshoŋ!

Eyohana 13:2

Eyesu pa la moanwyeotum baŋ moa a wo okro oriabgo. Omba he lo Eshitaŋ e sheŋ e da Eyahuda Eskariyoti anwye Esima, a sheŋ a zga eso baŋ a ba a yla Eyesu bgu.

Eyohana 8:23

Eyesu a tno mo ma a lu mi le, Agimi e wo moarehwi ba obiŋ hi angyiŋ, ambo ame e zgi Ongyeŋ e ba. Agimi e wo moarehwi ba obiŋ hi, ambo ame e wo arehwĩ ba obiŋ hi mbo.

Eyohana 7:7

Moarehwi ba obiŋ hi a bmi ka la gimi, ambo moa a tla me okyku ba ame e la e lu odlo pa la mo eshri ayakplobi moa a la a kpo.

Amatiyu 13:38

Agbi nga a dzu eka ba obiŋ hi. Eyi edzi nga e dzu eka moare la a wo a ba Oreŋ Ongyeŋ. Eyi ebi nga e dzu eka moare la a wo a ba Eshitaŋ.

Otsotsa 13:8

Nga moarehwĩ pyeŋ ba obiŋ hi ba moa a ta eshko mo akpa ba esõ mbo omba ba moa a ka a kpo obiŋ hi a mbo a wo mbo, moa á hlu ŋa eshko. Akpa ba esõ he lo a wo akpa ba Anwye Ekylu ba moa a bga ŋa.

1 Eyohana 3:8

Areyaŋ a mbo la a shri eshri baŋ a zga okyku o kpo odlobi le, a wo arehwĩ ba Eshitaŋ angyiŋ. Okyku eshi a zga okũ oriori, odlobi o dzu atsoŋ eda la e gbyi angyiŋ ta la Eshitaŋ. Anwye Ahogbrẽ a ba okyku o jygi etum ba Eshitaŋ angyiŋ.

Eyakubu 1:7

Areyaŋ a mbo la a kpo edgu he lo, a ka eka baŋ á ba a hwiŋ ekplokyeŋ okro ba Adigi-odne mbo,

2 Etimoti 4:10

Okyku eshi, Edema a zhiŋ a shri eshri baŋ a da obiŋ hi nga a knye a dzu me a zga a gre eŋa Etasolonika. Ekrisiŋ nga a gre eŋa Egalasiya, Etitus nga a gre eŋa Edlamasiya.

Otum 19:35

Ambla he nga atengla ba osku he lo a gbu eshki eso obiŋ. A nyuŋ eshki a lu mi le, Agimi arehwĩ ba Afisu! Are-yaŋ a mbo a yi ba aku olo ba Atami la a wo anyuanyuŋ, ta la ezhim ba Ohlueshko la e zgi ongyeŋ e ba e gbu obiŋ, e wo osku ba Afisu.

Oluka 22:31

Esima, Esima! O ngli atuŋ o gno! Eshitaŋ e yga ekʼpo okyku o mbga ŋo eka ba areagbi a la a sla eyi esekʼpa a la a sku asusku.

Oluka 16:8

Adaŋ-odne andakʼpo ba otum la a wo abibli he lo, a tsom ŋa okyku eda baŋ a kpo, okyku eshi moarehwi ba obiŋ hi, moa a kpo eda ta la ayakplo ba eshri mo adzadzi a gre eka moarehwi ba ayimom a kpo.

Amatiyu 11:19

Anwye Arehwĩ a ba nga, a la a ri nga a wa, nga areyaŋ a mbo a lu odlo ototno eshri baŋ a lu mi le, Ahi lo, a wo ambyela, ta la are la a wa ami anab la a no, nga a sa a wo la a ri ekpom pa la moa la a yga ewaŋ, pa la moaedlobi! Otum okaobmye ba Ahogbrẽ o kpo, o tsa gi zhezheŋ eka ba okaobmye he lo o wo adlidzi angyiŋ.

Otsotsa 16:17

Ambla he nga anwyeadga ba ofoha a zhiŋ olom la o wo atku baŋ a ygi ahrẽ. Nga enzi egagre e zgi emgbakyiŋ ba oreŋ la e wo Anyuŋ-akulu e lu mi le, O khwo!

Otsotsa 13:14

Ambla he nga e bile moarehwĩ la a dzu obiŋ hi pyeŋ la ayakplo ba egbregbre. Moa a bmi okyku o daŋ a kpo ayakplo ba egbregbre he lo egi ayi ba ebyi la e wo ebi ba ori. Ebyi he lo e da moarehwĩ ba obiŋ hi pyeŋ a mbdzi ambgu okyku o hlu ebyi ba moa a ta lo etsa la e ngro eshri la akõ, nga ba alo e kpu mbo, eshko.

Otsotsa 12:9

Moa a se anyuŋ emabi lo a sku Ongyeŋ! Aŋa angyiŋ a wo atsoŋ emabi egagre. Moa a bzi ŋa ma Areabi o mbo le Eshitaŋ, aŋa angyiŋ a la a bile obiŋ hi pyeŋ. Moa a shri ŋa pa la moanwyeadga baŋ pyeŋ a shri a ndba a ta obiŋ.

Amatiyu 13:22

Eyi la e gro e gbu okũ asĩ afpu e dzu eka ba moare la a gno oshpa lo ambo moa a da aga ba obiŋ hi, ta la oklo angyiŋ ba obiŋ hi, ta la okayiogro ba anzho obiŋ hi o nyom odlo lo o kpo ashri.

Amarku 4:19

Ambo ewu obiŋ hi, ta la oklo angyiŋ ba obiŋ hi, ta la okayiogro ba anzho obiŋ hi o nyom odlo lo o kpo ashri.

MoAfisu 1:21

Ekristi angyiŋ a la a ri ekʼpo eshri moa la a la a ri ekʼpo ongyeŋ pyeŋ, pa la moa la a wo la ekʼpo ma nzenze ongyeŋ ta la moandakʼpo ba ongyeŋ. Aŋa a gre ashko ba ekʼpo la a wo obiŋ hi pyeŋ, ta la obiŋ la ó ba o ba.

MoAfisu 2:11

Agimi e tne aga e ka eka ba agimi e wo moa la a wo moaEyahuda mbo ayga ozhẽ ba ombrombre ba egʼba. MoaEyahuda a la a sko emo a zga moa la a sheŋ ongyum, moahi lo a la a bzi gimi moa la a sheŋ ongyum mbo. Osheŋongyum he lo o wo otum ba egʼba ba moarehwĩ a la a kpo sha angyiŋ.

MoAfisu 2:13

Ambo ohuhuhi, okro ba okŋeobga ta la Ekristi Eyesu, agimi la e wo ogyugyuŋ ayga, moa a shri gimi a ba osusku okyku eku ba Ekristi.

MoAfisu 4:17

La eshko ba Adigi-odne angyiŋ ame e lu odlo he, nga ame e la e tspi gaŋ okyku lo. O dzu omgbybi ba agimi e dzu eka moaevbu ku-ku nga mbo. Aga mo a wo adzi ku-ku mbo.

MoAfisu 5:8

Agimi a mbo e la e wo evbu ayga. Ambo eka ba agimi e sheŋ e dzu moarehwĩ ba Adigi-odne he, agimi e wo ayimom angyiŋ a mo. Okyku eka he, o raŋ o gre ba agimi e dzu eka moarehwĩ ba ayimom.

Eyakubu 1:27

E kpaŋ moanwye-ayieku pa la moashe-eshaku e sku ewu ba moa a la a kpo. Nga e da ayakplo ba obiŋ hi a tpi gimi ayi mbo, okyku eshi Ahogbrẽ la a wo Adigi, a sko ohe lo angyiŋ a zga oluŋama la a wo kye ta la adlidzi.