3 Agimi e da gi e vye la Ahogbrẽ la a wo Adaŋ Adigi-odne Eyesu Ekristi! Okyku eshi okro okŋeobga bi ta la Ekristi, Ahogbrẽ a shri owlama ba okpoghwo ba Ogbgaodzi la o wo Ongyeŋ a shri a da gi a gre eshri.
E da gi e vye la Ahogbrẽ la a wo Adaŋ Adigi-odne Eyesu Ekristi! Okyku okayiekŋe baŋ la o wo ogagre, nga okyku baŋ a shri esõ elehe a shri a da gi ozhẽ baŋ a kso Eyesu Ekristi ongybi. Ohe lo o da gi e wo la okayiozhẽ ba esõ ma.
Agimi e da gi e vye la Ahogbrẽ, aŋa angyiŋ la a wo Adaŋ Adigi-odne Eyesu Ekristi, aŋa a wo Adigi la a ka ayi ekŋe. A wo Ahogbrẽ ba edgu okpoghwoyaŋ a mbo o la o zgi okro baŋ o ba!
Okyku eshi agi e la e ta eko pa la moarehwĩ angyiŋ mbo, ambo agi e la e ta eko ta la ekʼpo ba egbga ebi la e wo ahrẽ angyiŋ. Moa a wo moa la a ri ekʼpo, ta la ekʼpo nzenze la e wo ahrẽ, ta la egbga ebi la e la e ri ekʼpo obiŋ hi la o hwĩ evbu he lo.
Ame e fa olu okyku o da mo pyeŋ a dzu okyekyeŋ. Ada! O da mo a dzu eso bi eka boŋ o wo eso me, nga ba ame e wo eso boŋ, okyku o da obiŋ hi o bmi ba adlidzi boŋ angyiŋ o hom me otum.
Nga ame e vẽ Ahogbrẽ ba Adigi-odne Eyesu Ekristi, Adigi ba esesla, okyku o daŋ a shri Ogbgaodzi la o ba o shri okaobmye ó shri ó da gimi, nga ó tsa gimi Ahogbrẽ ó da gimi e ka, okyku o da gimi e yi ŋa.
Ekristi a wo la odlobi mbo ku-ku, ambo Ahogbrẽ a daŋ a sko olbi ba edlobi bi ka la gi otsotse, okyku o da gi okro okŋeobga ka la ŋa e hwiŋ odlodzi ba Ahogbrẽ.
Ohwihwim he lo, Ahogbrẽ a bli lo omba ba omba lo ó kpo. O wo okyku o daŋ a kŋe ayakplo pyeŋ a bga. Ayakplo baŋ a kpo la a wo Ongyeŋ ta la obiŋ hi mvye, nga okyku o da Ekristi angyiŋ a dzu eshri.
Moandakʼpo olu ba Ahogbrẽ he lo, moa a la a mbiombili ototno otum lo, nga alo o zgi otum moa a la a kpo Ongyeŋ angyiŋ. O wo ekakahelo angyiŋ ta la Omusa. Omba baŋ a zga esĩ ba o ta abro lo, Ahogbrẽ a nyuŋ ŋa a lu mi le, Aŋo o ta alo o da lo a wo ondundum ta la emle ba moa a tsa ŋo aku lo mbo.
Ambo Aho-gbrẽ angyiŋ a shri okŋeobga a zga agʼbaha bimi ta la Ekristi Eyesu. Nga Ahogbrẽ angyiŋ a da Ekristi a dzu okaobmye bi. Okro baŋ sha onyuŋokpo o gre o ba agʼbaha bi ta la Aho-gbrẽ. Agi nga e zhiŋ e dzu moarehwi ba Ahogbrẽ, nga agi e wo la odzudum ma.
Ayakplo he lo a dzu egŋe ayakplo ba Ongyeŋ la a wo okũ angyiŋ. O raŋ o gre ba moa a ndza ayakplo he lo a da lo a dzu pse ta la alo ozhẽ ba amanzhli he lo. Ambo ayakplo ba Ongyeŋ a klo oshriondba la a wo odzi o gre eka he.
Eyesu a nyuŋ Emeri a lu mi le, O tka me mbo okyku eshi ame e bla e gre okro Ada a wo mbo. Ambo aŋo o yi okro moanime o nyuŋ mo o lu mi le, Ame é bla é yi okro Adugu la a wo Adigimi a mbo, aŋa a wo Ahogbrẽ me, nga a sa a wo Ahogbrẽ bimi a mbo.