MoAfisu 1:15 - Ohwihwim Olehe

¹⁵ Okyku eka he lo angyiŋ, a zga omba ba ame e gno oshpa ba obmi ba adlidzi bimi okyku Adigi-odne Eyesu, ta la oklo bimi okyku moarehwĩ pyeŋ ba Ahogbrẽ,

MoAfisu 1:15 Referans Kwoze

Efilimo 1:5

Okyku eshi ame e gno eka boŋ o klo moarehwĩ pyeŋ la a lu Ahogbrẽ ma, nga ame e gno eka boŋ o bmi ba adlidzi ta la Adigi-odne Eyesu.

MoaIbrani 6:10

Ahogbrẽ a wo are odlodzi mbo angyiŋ mbo. Aŋa á gre esõ otum bimi e kpo á ghre mbo, ta la oklo bimi e tsa okyku ŋa ibu okpoghwo bimi e tsa moanigi ba Ekristi, nga ba agimi e kpo lo ma-me o tsa anye he.

2 MoaEtasolonika 1:3

O raŋ o gre ba agi e vye la Ahogbrẽ okyku gimi anáŋ ombamba pyeŋ! O raŋ o gre ba agi e kpo eka he lo, okyku eshi obmi ba adlidzi bimi o la o ta ma o ta-ta, nga oklo ba agimi e wo la alo ma okyku moahwõ a mbo o la o ta ma-ma.

1 Eyohana 4:21

Are la a klo Ahogbrẽ le, o dzu omgbybi baŋ a klo anáŋ a mbo. Ohe lo angyiŋ o wo odaŋ ba Ekristi a shri a da gi.

1 Eyohana 3:17

O wo ba are a wo angyiŋ ma, nga o wo baŋ a ka anáŋ a gbaŋ emakyeŋ le, ambo o wo baŋ a zhiŋ okũ a blu ŋa le, aŋa á kpo anyu á ba a lu ma aŋa a wo la oklo ma esõ baŋ okyku Ahogbrẽ?

1 Ebitru 1:22

Nga ohuhuhi, agimi e sheŋ e nyuŋ eshri bimi e ndza ozhẽ ba okpaŋ adlidzi, nga agimi e dzu la oklo ba adlidzi okyku moanigimi la a bmi ba adlidzi a mbo. Okyku eka he nga agimi e la e klo egimi la esõ bimi pyeŋ.

1 Etimoti 1:14

Adigi-odne nga a shki me la okpoghwo baŋ nzenze, nga a shri obmi ba adlidzi ta la oklo a da me. Agi e hwiŋ lo omba bi e kŋe e bga ta la Ekristi Eyesu.

1 Etimoti 1:5

Ame e jygu odaŋ he lo okyku o da oklo la o zgi esõ la e wo pse, ta la enzi ba esõ la e wo pyapyaŋ, ta la obmi ba adlidzi la o wo obilekyeŋ tsi a mbo mbo.

1 MoaEtasolonika 4:9

O dzu omgbybi mbo ba ame e ta gimi akpa eshri oklo bimi okyku moanigimi la a bmi ba adlidzi, okyku eshi Ahogbrẽ a sheŋ a nye gimi okyku o da gimi e klo egimi.

1 MoaEtasolonika 1:3

Agi nga, agi e tne aga e ka egi ayi ba Ahogbrẽ bi la a wo Adigi, eka bimi e la e kpo otum ta la obmi ba adlidzi bimi, nga okyku oklo bimi agimi e kpo otum la osheshye, nga agimi e tspi gaŋ ibu ba okayiozhẽ bimi okro ba Adigi-odne Eyesu Ekristi.

MoaEgalasiya 5:6

Okyku eshi, omba ba agi e wo okŋeobga ta la Ekristi Eyesu, osheŋongyum, ta la osheŋongyum mbo, alo o shri ondun-dumokyeŋ o shri o ba mbo ku-ku. Ekplo la e wo edzi, e wo obmi ba adlidzi la o la o kpo otum ozhẽ ba oklo sha angyiŋ.

Otum 20:21

MoaEyahuda, pa la moa-Egrise, ame e shĩ mo osheshye ma moa a zhiŋ ogbu a dzu odlobi mo a zga nga a lu Ahogbrẽ ma, nga a bmi ba adlidzi ta la Adigi Eyesu.

MoaOroma 1:8

Ekplo ba oriori, ame e vye la Ahogbrẽ eshko Eyesu Ekristi okyku gimi, okyku eshi obiŋ hi mvye moa a gno oshpa ba obmi ba adlidzi bimi.

MoAfisu 1:1

Akpa he lo a zgi abgo Oblus. Aŋa a dzu are la a nyum oshpa ba Ekristi Eyesu okoklo ba Ahogbrẽ angyiŋ. Alo a wo okyku moare la a lu Ahogbrẽ ma la a wo osku ba Afisu, moa la a la a kpo adlidzi esõ mo odzudzu mo ta la Ekristi Eyesu.

MoAfisu 3:18

Nga agimi pa la moarehwĩ ba Ahogbrẽ pyeŋ, Ahogbrẽ a shri ekʼpo a da gimi okyku o da gimi e hwiŋ ekʼpo ba o ka o bmye ba oklo ba Ekristi o wo anyuŋ oklo la o gre eshri.