Eyohana 1:4 - Ohwihwim Olehe

⁴ Odlo o wo eso egʼba baŋ, nga eso he lo angyiŋ e shri ayimom e kom moare.

Eyohana 1:4 Referans Kwoze

Eyohana 8:12

Eyesu a lu pa la mo nganga a lu mi le, Ame angyiŋ e wo Ayimom ba Obiŋ hi. Areyaŋ a mbo la a lu me ma á hwiŋ ayimom ba eso, nga aŋa á dzi evbu nga mbo.

Eyohana 12:46

Ame e ba obiŋ hi eka ba ayimom angyiŋ, okyku o da areyaŋ a mbo la a bmi ba adlidzi pa la me a dzu evbu nga mbo.

Eyohana 5:26

Eka ba Ada angyiŋ a wo esi ba eso, ekakahelo angyiŋ, aŋa a da Anwye a dzu esi ba eso.

Eyohana 9:5

Omba ba ame e yi e wo obiŋ hi, ame angyiŋ e wo Ayimom ba Obiŋ hi.

Eyohana 11:25

Eyesu a nyuŋ ŋa a lu mi le, Ame angyiŋ e wo Oksongybi ta la Eso. Areyaŋ a mbo la a bmi ba adlidzi pa la me, á hwiŋ eso o wo baŋ a kpu a mbo.

1 Eyohana 5:11

Egŋe lo e lu ma Ahogbrẽ a shri esõ ba gbagbu-amo a shri a da gi, nga ma agi é hwiŋ esõ he lo ozhẽ ba Anwye baŋ.

Eyohana 14:6

Eyesu a tno ŋa ma a lu mi le, Ame angyiŋ e wo ozhẽ, ame angyiŋ e wo adlidzi, nga ame angyiŋ e wo eso. Arekyeŋ a sõ okrokyeŋ a yi okro Ada a gbu mbo, o wo le a sõ okro me dne.

Eyohana 12:35

Eyesu a tno mo ma a lu mi le, Ayimom á ta abyi ka la gimi ple ayga. Agimi e nyuŋ e dzu omba ba ayimom a yi a wo ka la gimi, nga evbu é shki gimi mbo, okyku eshi are la a dzu evbu a yi okro baŋ a la a yi mbo.

MoAfisu 5:14

Okyku eshi ekployaŋ a mbo ba moa a se lo a ta edzi pendeŋ é dzu ayimom angyiŋ a mo. Okyku eka he angyiŋ moa a lu mi le, Aŋo la o ndze enu, O kso eku! Nga Ekristi á shka ayi eshri boŋ.

Amatiyu 4:16

Moarehwĩ la a dzu evbu, Moa á ka ayimom agagre! Eshri moa la a dzu obiŋ evbu ba eku, Ayimom á tra!

MoaOkolosi 3:4

Esõ bimi ba adlidzi angyiŋ e wo Ekristi. Nga omba baŋ á zgi, agimi a mbo é zgi ka la ŋa nga agimi é kŋe é bga ekekʼpo baŋ ka la ŋa otsotse!

Otum 26:23

Moa a lu mi ma Emisiya á kpo ewu, nga aŋa angyiŋ á ba a wo arehwĩ ba oriori la á ba a kso ongybi. Ana á nyum oshpa ba ayimom ba oshla a da moaEyahuda pa la moa la a wo moaEyahuda mbo.

Oluka 2:32

Aŋa a wo ayimom okyku o tsa moa la a wo moaEyahuda mbo ozhẽ boŋ, Nga okyku o shri esesla o shri o kom moarehwi boŋ ba Esrayila.

1 Eyohana 1:2

Omba ba esõ he lo e tsa eŋa zhezheŋ, agi e ka lo. Okyku okũ he lo angyiŋ agi e la e lu odlo eshri lo, nga e lu odlo eshri ba esõ ba gbagbu-amo e da gimi. Esõ ba gbagbu-amo e wo okro ba Ada nga a da gi e ka lo e bmye.

Eyohana 5:21

Eka ba Ada a da moa la a kpu a sa a hwiŋ eso, ekakahelo Anwye a mbo a la a shri eso a shri a da moarehwi baŋ a klo.

Otsotsa 22:16

Ame Eyesu e hom anwyeadga me otum okyku o daŋ a su odlo he lo a ygi gimi arehwĩ ba Eklisiya lo pyeŋ. Ame e wo arehwĩ ba ogu ba Adawuda, nga ame angyiŋ e wo ambzi endigiŋ la e shka ayi.

1 MoaOkorinti 15:45

Okyku eshi odlo Ahogbrẽ o lu mi le, Adamu arehwĩ ba oriori, moa a kpo ŋa a daŋ a dzu arehwĩ la e wo la ayaŋ ba eso ma, ambo Adamu ba amom-abgo ekpyemgbyeŋ, a wo Ogbga ba Ahogbrẽ la a shri eso a shri a di angyiŋ.

Otsotsa 22:1

Anwyeadga he lo nga a tsa me ondzu ba ami ba esõ. Alo o wo zhezheŋ eka amihĩ. Alo o zgi emgbakyiŋ oreŋ ba Ahogbrẽ ta la Anwye Ekylu angyiŋ o ba.

Eyohana 3:19

Ombgu lo o wo eka he angyiŋ, okyku eshi ayimom a ba obiŋ hi, ambo moarehwi a tla ayimom lo nga moa a bmi ta la evbu okyku moa a la a kpo ayakplobi.

1 Eyohana 1:1

Agi e ta akpa eshri ba odlo ba esõ angyiŋ e shri e kom gimi. Odlo he lo o wo ma, a zga omba ba moa a zga esĩ a kpo obiŋ hi. Agi e gno odlo lo, nga agi e ka lo la ayi bi. Alo o wo eka he lo, agi e ka lo, nga agi e sa e tka lo.