Eyohana 1:1 - Ohwihwim Olehe

¹ Okũ oriori omba ba Ahogbrẽ a kpo obiŋ hi a wo mbo, Odlo o sheŋ o wo ma. Okro ba Ahogbrẽ a wo ma he lo, Odlo o wo ma ka la ŋa otsotse. Odlo nga o wo Ahogbrẽ angyiŋ.

Eyohana 1:1 Referans Kwoze

Eyohana 17:5

Ada! O shri ayimom ba esesla o shri o da me eyayi boŋ ohuhuhi. Ayimom ba esesla he lo angyiŋ ame e wo la alo ma ka la ŋo ayga moa a kpo obiŋ hi.

Otsotsa 19:13

Amanzhli a bmre ariga baŋ a ygi lo pyeŋ. Eshko baŋ e ri Odlo ba Ahogbrẽ.

MoaOkolosi 1:17

Aŋa a wo ma ayga moa a kpo ekployaŋ a mbo. Nga okro okŋeobga ka la ŋa ekployaŋ a mbo e hwiŋ odzudzu baŋ.

Eyohana 1:14

Odlo o zhiŋ o dzu arehwĩ, nga o dzu ka la gi. Agi e ka ayimom ba esesla baŋ. O wo la okpoghwo, ta la adlidzi nzenze ma. Ayimom ba esesla baŋ he lo, aŋa anwye akya-kyeŋ ba Ahogbrẽ a yga lo ibu Adaŋ angyiŋ.

Otsotsa 22:13

Ame angyiŋ e wo Alfa ta la Omega. Ame angyiŋ e wo ori ta la amom-abgo, nga ame angyiŋ e wo esĩ ta la eygi.

Eyohana 1:2

Odlo o wo ma ta la Ahogbrẽ angyiŋ okũ oriori.

Otsotsa 1:8

Adigi-odne Ahogbrẽ la a wo ekʼpo pyeŋ a lu mi le, Ame angyiŋ e wo Alfa ta la Omega. Aŋa angyiŋ a wo ma ohuhuhi, nga aŋa angyiŋ a wo ma ayga, nga aŋa angyiŋ á ba á ba.

MoaEfilibi 2:6

Aŋa a wo la edgu odzudzu ba Ahogbrẽ ombamba pyeŋ. Ambo aŋa a ka lo o wo odzi baŋ a zga gaŋ a da odzudzu baŋ a wo okyekyeŋ angyiŋ ta la Ahogbrẽ mbo.

Amatiyu 1:23

Moa a lu mi le, Anwyeshe lo, á kpo onyi nga á mbre anwyealom, nga moa á bzi ŋa ma Emanuwe. Alo o dzu, Ahogbrẽ a wo ka la gi.

Otsotsa 21:6

Nga a lu mi le, Alo o khwo! Ame angyiŋ e wo Alfa ta la Omega, esĩ ta la eygi. Nga ame é fu ami enzhe ami ba esõ é shri é da areyaŋ a mbo ba oŋo o kpo ŋa ototno.

MoaIbrani 13:8

Ore ta la anye, ta la akyi, ta la gbagbu-amo, Eyesu Ekristi á nyiŋ ku-ku mbo.

1 Eyohana 5:20

Agi e yi ba Anwye ba Ahogbrẽ a ba nga a shri okaobmye a da gi okyku o da gi e ka Ahogbrẽ ba adlidzi e bmye. Odzudzu bi pyeŋ o wo ta la Ahogbrẽ ba adlidzi okro ba Anwye baŋ Eyesu Ekristi. Aŋa angyiŋ a wo Ahogbrẽ ba adlidzi, nga esõ he lo angyiŋ e wo esõ ba gbagbu-amo.

1 Etimoti 3:16

Arekyeŋ a kpo a gbu baŋ a dzu evom ta la anyuŋ eshyẽ ba ozhẽ bi mbo ku-ku! Aŋa a ba la egʼba arehwĩ, Ogbgaodzi nga o tsa baŋ a wo la adlidzi, Moanwyeadga ba Ahogbrẽ a mbo a ka ŋa. Moare ahwõ a su osu baŋ a ygi obiŋ hi pyeŋ. Nga moa a bmi ba adlidzi ka la ŋa obiŋ hi lo, Ambla he nga Ahogbrẽ a sko ŋa a gre Ongyeŋ.

Eyohana 16:28

Ame e zgi okro Ahogbrẽ angyiŋ e ba obiŋ hi, nga ohuhuhi ame é dzu obiŋ hi é zga nga é bla é yi okro ba Ada.

Otsotsa 1:17

Ame e tsi e gbu eka okom ototno egi ayi baŋ omba ba ame e ka ŋa. Ambo a shri obgori baŋ a lom egʼba me nga a lu mi le, O kpo eyli mbo! Ame angyiŋ e wo a ba ori, ta la a ba amom-abgo.

Eyohana 20:28

Otoma a tno ma a lu mi le, Aŋo o wo Adugu-odne ta la Ahogbrẽ me!

Etitu 2:13

Agi é kpo eka he lo ma-me o tsa Onda ba owlama ba agi e ka ayi ozhẽ okyku lo. Omba he lo angyiŋ areyaŋ a mbo á ba a ka ekekʼpo ba Ahogbrẽ bi la a wo ekʼpo ta la Areoshla bi Eyesu Ekristi.

MoaIbrani 7:3

Oshpa ba akplokyeŋ eshri ba adaŋ ta la anaŋ o wo ma mbo. Oshpa ba moadaŋ ba oriori a mbo o wo ma mbo. Nga oshpa ba moa a mbre ŋa ta la oshpa baŋ a kpu a mbo o wo ma mbo. A wo eka ba Anwye ba Ahogbrẽ angyiŋ. Aŋa á dzu andakʼpo olu ba Ahogbrẽ gbagbu-amo.

Otsotsa 3:14

Ogbgaodzi o sa o lu mi le, Aŋo o ta anwyeadga ba Eklisiya ba Eladosiya akpa o lu mi le, Oshpa lo o wo oshpa la o zgi abgo ba Amin angyiŋ. Aŋa a wo are la a zgi egŋe ba adlidzi. Aŋa angyiŋ a wo esĩ ba ekployaŋ a mbo ba Ahogbrẽ a kpo.

MoAfisu 3:9

Nga alo o wo okyku o da moare pyeŋ a ka eka ba moa á ba a kpo otum ta la ohwihwim ba Ahogbrẽ a hwim a ghre ma. Ahogbrẽ la a kpo ayakplo pyeŋ, a ghre eshyẽ he lo omba la o sheŋ o gre he lo pyeŋ,

Otsotsa 1:2

Eyohana a lu oshpa ayakplo baŋ a ka pyeŋ. Oshpa baŋ he lo o wo eshri oshpa ba Ahogbrẽ a shri a ba ta la adlidzi ba Eyesu Ekristi a tsa.

1 Eyohana 5:7

Moaegŋe atra angyiŋ a wo ma.

MoaOroma 9:5

Moa a zgi ogu moadimo ba ogbyi. Ekristi nga, moa a mbre ŋa ogu mo angyiŋ. Agi e hlu Ahogbrẽ la a ri ekʼpo eshri ekployaŋ a mbo eshko gbagbu-amo! Amin.

Eyohana 1:18

Arekyeŋ a ka Ahogbrẽ a ka ondakyeŋ mbo ku-ku. Arekyakyeŋ la a wo okyekyeŋ ta la Ahogbrẽ, nga baŋ a dzu egbaŋ ba Adaŋ, a ba a lu oshpa a da gi zhezheŋ.

Otsotsa 2:8

Ogbgaodzi o sa o lu mi le, Aŋo o ta akpa o kom anwyeadga ba Eklisiya ba Esemana o lu mi le, Oshpa he lo o wo oshpa la o zgi abgo ba are la a wo ori, ta la amom-abgo. Aŋa a kpu a khwo nga a sa a hwiŋ esõ.

2 Ebitru 1:1

Akpa he lo a zgi abgo ba Esima Ebitru, la a wo awaghrẽ ta la are la a nyum oshpa ba Eyesu Ekristi. Alo a wo okyku moare la a hwiŋ obmi ba adlidzi la o wo la owlama eka ba obmi ba adlidzi bi e wo la alo ma. Moa a hwiŋ lo okro ba odlodzi ba Ahogbrẽ bi ta la Areoshla bi Eyesu Ekristi.

Otsotsa 1:11

E lu mi le, Aŋo o ta ayakplo boŋ o ka, ambla he nga o shri akpa he lo o shri o kom moaEkilisiya efoha he lo. Moa a wo osku ba Afisu, ta la Esemana, ta la Epegamum, ta la Etatira, ta la Esadi, ta la Efiladelfiya, ta la Eladosiya.

Oluka 24:53

Moa a gre Anyuŋ-akulu ombamba pyeŋ, nga moa a vye la Ahogbrẽ.

Eyohana 8:58

Eyesu a tno mo ma a lu mi le, Adlidzi ame e lu e da gimi, ame e wo ma ayayga moa a mbre Ebrahim, Ame Angyiŋ La E Wo Ma.

MoaOkolosi 1:15

Ekristi angyiŋ a wo emle la e wo zheŋ ba Ahogbrẽ ba moa a ka ŋa mbo. Aŋa angyiŋ a wo Anwyealom ba ori baŋ a mbre. A wo la ekekʼpo a gre ekployaŋ a mbo ba Ahogbrẽ a kpo lo.