Efilimo 1:19 - Ohwihwim Olehe

¹⁹ Okro he lo, ame é ta lo ababgo me. Ame Oblus ame é hre ŋo alo. O wo akplokyeŋ ba ame e dzũ ŋo ba oshye boŋ pyeŋ o wo pa la me angyiŋ mbo.

Efilimo 1:19 Referans Kwoze

MoaEgalasiya 6:11

Agimi e ka anyuŋ eyi engla ba ame e ta e kom gimi la abgo me ohuhuhi!

MoaEgalasiya 5:2

E ngli e gno! Ame, Oblus angyiŋ, e lu odlo he ka la gimi. O wo ba agimi e bmi e da mo a sheŋ gimi ongyum le, o wo eka ba Ekristi a wo la owlama egi ayi bimi ku-ku mbo.

1 MoaOkorinti 4:15

Odzudzu bimi ba Ekristi, o wo bimi e wo moare la a nye gimi e gbu ezbiokʼpo a mbo, agimi e wo la ada akyekyeŋ sha e ma. Okyku odzudzu bimi ba Ekristi, ame e dzu adigimi, okyku eshi ame angyiŋ e shri Oshpaodzadzi e da gimi.

Etitu 1:4

Ame e ta Etitu akpa. Aŋa a wo anwye me ba adlidzi ibu ba obmi ba adlidzi ba agi e wo ma. Ahogbrẽ la a wo Adigi, ta la Ekristi Eyesu Areoshla bi, moa a shri okpoghwo ta la opyapyaŋ a shri a doŋ.

1 Etimoti 1:2

Akpa he lo a wo okyku Etimoti anwye me ba adlidzi ibu obmi ba adlidzi. Ahogbrẽ la a wo Adigi, ta la Ekristi Eyesu Adigi-odne, moa a shri okpoghwo ta la okayiekŋe, ta la opyapyaŋ a shri a doŋ.

2 MoaOkorinti 3:2

Agimi eshrishri egimi angyiŋ e wo akpa ba otsom ba agi e wo la alo ma. Moa a ta lo eso bi, okyku o da areyaŋ a mbo a yi lo nga a tsi lo.

MoaOroma 16:22

Ame Etatiyu, la e ta akpa he, ame e shko gimi eshko ba Ekristi.

2 MoaOkorinti 9:4

O mbo le, o wo ba moarehwi ba Amasidoniya a ba otsotse pa la me nga, a hwiŋ ekplokyeŋ mbo le, agi é gbu anzi é gre eshri, okyku eshi agi e sheŋ e zga eso ba agimi é kpo é ghwo. O wo ba agimi é kpo é ghwo mbo le, agi é gbu anzi nzenze ambo anzi bimi á gre a bi nzenze nganga!

2 MoaOkorinti 10:1

Ame Oblus, ame e shĩ gimi la aga ba eso me. Agimi e sko me e zga arehwĩ la a wo ble-ble omba ba ame e wo ka la gimi, nga ba ame e dzu ekplo ba eyli angyiŋ omba ba ame e wo ka la gimi mbo. Ame e vẽ gimi la eso ble-ble ta la okpoghwo ba Ekristi,

Efilimo 1:18

O wo baŋ a kpo ŋo ekplokyeŋ la e wo ebi, o mbo le o wo baŋ a ri ŋo okŋe le, aŋo o ta lo o zga ma ba ame é ba e hre lo.