Efilimo 1:17 - Ohwihwim Olehe

¹⁷ Okyku eka he, o wo boŋ o sko me o zga eka ba arehwĩ boŋ le, aŋo o yga ŋa la obamo eka boŋ o yga me angyiŋ.

Efilimo 1:17 Referans Kwoze

2 MoaOkorinti 8:23

Eshri Etitu nga, aŋa a wo are la a la a kpo otum pa la me okyku o kpo o ghwo la gimi angyiŋ. Moanáŋ ahwõ la a dzi ka la ŋa nga, moa a gre okyku Eklisiya andandandim ba moa a wo ma, okyku o da Ekristi a hwiŋ ohlueshko.

Amatiyu 10:40

Areyaŋ a mbo la a yga gimi le, a yga me angyiŋ, nga areyaŋ a mbo la a yga me le, a yga are la a hom me otum.

Efilimo 1:12

Ohuhuhi nga, ame e daŋ a bla a ba okro boŋ. Esõ me nga e wo otsotse ka la ŋa.

Eyakubu 2:5

Agimi anáŋ, e ngli atuŋ e gno odlo me! Ahogbrẽ a sla moaekŋe ba obiŋ hi okyku o da mo a dzu la angyiŋ okro ba obmi ba adlidzi, nga okyku o da mo a hwiŋ oreŋ baŋ a hwim a zga ma okyku areyaŋ a mbo la a klo ŋa.

MoaIbrani 3:1

Agimi anáŋ la e lu Ekristi ma nga ba Ahogbrẽ angyiŋ a bzi gimi! Agimi e tne aga ogyugyuŋ eshri ba Eyesu, aŋa angyiŋ Ahogbrẽ a hom ŋa otum okyku o daŋ a dzu anyuŋ-andakʼpo olu ba Ahogbrẽ, okyku obmi ba adlidzi ba agi e tspi okyku lo.

MoAfisu 3:6

Eshyẽ he lo angyiŋ e wo Oshpaodzadzi. Ibu ba ozhẽ he lo angyiŋ moa la a wo moaEyahuda mbo pa la moaEyahuda, a pu owlama ba Ahogbrẽ. Moa a dzu évgi ba egʼba ekyekyeŋ angyiŋ a mo. Nga moa a mbo a wo la ogʼba ohwihwim ba Ahogbrẽ a hwim okro ba Ekristi Eyesu.

Otum 16:15

Aŋa pa la moa-odne baŋ moa a kpo mo abaptisma. Elidiya a nyuŋ gi a lu mi le, Agimi e ba e tum odne me, o wo bimi e ka ame e lu Adigi-odne ma adlidzi. Aŋa a rba gi a da gi e gre odne baŋ.

Amatiyu 25:40

Areŋ á tno mo ma á lu mi le, Omba bimi e la e kpo e ghwo la moanime la a wo ekplokyeŋ mbo, o dzu eka bimi e kpo e ghwo la me angyiŋ!

Amatiyu 18:5

Okyku eka he, areyaŋ a mbo la a yga akyeŋ eshki moanwye afifi he lo eshko me le, a yga me angyiŋ.

1 Eyohana 1:3

Ayakplo ba agi e ka nga e sa e gno, agi e la e lu lo e da gimi, okyku o da gimi e ba e pu ibu ekpom ba agi e la e kpo ta la Ada ta la Anwye baŋ Eyesu Ekristi.

1 Ebitru 5:1

Ame e shĩ moandakʼpo ba Eklisiya la a wo eshki bimi. Ame ababgo me a mbo, e wo andakʼpo ba Eklisiya angyiŋ. Ame e wo egŋe eshri ewu ba Ekristi a kpo. Nga ame e wo la ogʼba eshki ba esesla ba moa á ba a tsa. Ame e la e vẽ gimi,

MoaIbrani 3:14

Okyku eshi agi pyeŋ e pu ta la Ekristi, o wo ba agi e kom oyioyi bi la osheshye ba agi e zga esĩ la alo ma-me o tsa amom-abgo.

Efilimo 1:10

Okyku eka he ame e vẽ ŋo okyku Onesimu. Aŋa a wo anwye me angyiŋ eshko ba Ekristi. Okyku eshi, omba ba ame e wo aku ame e dzu adaŋ ozhẽ ba obmi ba adlidzi he lo.

1 Etimoti 6:2

Moawaghrẽ ba moadimo-odne la a lu Ahogbrẽ ma, o raŋ o gre ba moa a dzĩ mo mbo, okyku eshi moa a wo eka ba moanimo angyiŋ. Ambo o raŋ o gre ba moa a zga ayi gble a kpo mo odlodzi a ta ma-ma, okyku eshi moare ba moa a kpo otum okyku mo he lo moa a wo moa la a lu Ahogbrẽ ma, nga moa a wo moare-hwĩ ba moa a wo la oklo ma okyku mo angyiŋ. O raŋ o gre boŋ o nye moare, nga o nyum oshpa eshri he lo.

MoaEfilibi 1:7

Agimi e wo esõ me ombamba pyeŋ! Okyku eka he o wo odzi ba ame e sko gimi esõ me ozhẽ he angyiŋ. Okyku eshi agimi e hwiŋ ogʼba lo ohwihwiŋ ba Ahogbrẽ a shri a da me he lo, omba ba ame e lom aku, nga omba ba moa a kyu me abgo angyiŋ okyku o da me e kpaŋ nga e shĩ Oshpaodzadzi lo.

Efilimo 1:18

O wo baŋ a kpo ŋo ekplokyeŋ la e wo ebi, o mbo le o wo baŋ a ri ŋo okŋe le, aŋo o ta lo o zga ma ba ame é ba e hre lo.