Amatiyu 9:2 - Ohwihwim Olehe

² Moarekyeŋ a shri alomakyeŋ la a mom egʼba, moa a shri ŋa akpakpa nga a shri a ba okro Eyesu. Eyesu a ka ba obmi ba adlidzi mo o wo la osheshye. Okyku eka he a nyuŋ alom la a mom egʼba lo a lu mi le, Anwye me, o da esõ boŋ e gbu obiŋ! Ame e kyu ŋo abgo odlobi boŋ.

Amatiyu 9:2 Referans Kwoze

Amatiyu 9:22

Eyesu a zhiŋ nga a ka ashe lo nga a nyuŋ ŋa a lu mi le, Aŋo o da esõ boŋ e gbu obiŋ, aŋo anwye me! Obmi ba adlidzi boŋ angyiŋ o shaŋ ŋo. Omba he lo, ashe lo a shaŋ.

Eyakubu 2:18

O dzu mbo arekyeŋ á lu mi le, Aŋo o wo la esõ ba obmi ba adlidzi angyiŋ e ma, nga ame e wo la esõ ba o kpo otum angyiŋ. Otnoma me eshri ohe lo, Ame e klo boŋ o tsa me eka ba are a kpo a gbu baŋ a wo la obmi ba adlidzi nga a gbaŋ esõ ba o kpo otum. Ame é tsa gimi obmi ba adlidzi me okro ba otum ba ame e la e kpo.

Otum 19:12

Etaŋ oknye ta la ashye oknye baŋ a la a kpo otum ta la lo a mbo, moa a tslo lo a shri a kom moa la a no olo nga moa a gba a shaŋ. Egbgabi nga e la e zgi e knye.

Eyohana 21:5

A zhĩ mo a lu mi le, Agimi ola anwye, agimi e vu emakyeŋ mbo? Moa a tno ŋa ma a lu mi le, Agi e vu emakyeŋ mbo ku-ku.

Amatiyu 8:10

Eyesu a ka egbregbre a gre eshri omba baŋ a gno eka he. Nga aŋa a nyuŋ moare la a la a lu ŋa ma a lu mi le, Ame e ka arekyeŋ la a wo la obmi ba adlidzi eka ba alom hi obiŋ ba Esrayila ondakyeŋ mbo ku-ku.

Amatiyu 4:24

Oshpa baŋ lo o ngla obiŋ ba Esiriya pyeŋ. Okyku eka he, moa a shri moare la a no elolo andandandim, pa la moare la a kpo edgu ewu andandandim, moa ba egbgabi e kpo otum pa la mo, moa la a gbu andom, pa la moa la a shla egʼba, Eyesu a shaŋ mo edgu ahe lo mvye.

MoaOroma 5:11

Ambo ohe lo o khwo angyiŋ mbo. Agi e la e kpo ovye eshko Ahogbrẽ okyku Adigi Eyesu Ekristi. Aŋa angyiŋ a kpo ozhẽ a da gi e dzu moakyeŋazba ba Ahogbrẽ.

Otum 14:9

Alom he lo a ngli a gno oshpa ba Oblus a nyum adzadzi. Oblus a ka a tspi baŋ a bmi ba adlidzi, nga a yi ba alom he lo a kpo a gbu baŋ á ba a shaŋ. Okyku eka he a ka ŋa dzo,

Eyohana 16:33

Ame e lu ohe lo e da gimi okyku o da gimi e hwiŋ opyapyaŋ ba eso okro me. O ka, obiŋ hi ó kpo gimi ewu, ambo agimi e ghwo eso! Ame e sheŋ e kpo e gre obiŋ hi bgu!

Amatiyu 9:6

Okyku eka he ame e tsa gimi ba Anwye Arehwĩ a wo ekʼpo ma obiŋ hi, ba o kyu abgo odlobi. Nga a nyuŋ alom la a mom egʼba lo a lu mi le, Aŋo o kso o sko akpakpa boŋ o yi eŋo odne!

Amatiyu 8:16

La olum-ore nga, moare a shri moare ba egbgabi e la e kpo mo ewu a shri a ba okro ba Eyesu. Eyesu nga a se egbgabi a sku moare ibu odlo baŋ, nga a shaŋ moare la a no olo.

Eyohana 2:25

O wo eheŋ-ekyeŋ ba arekyeŋ angyiŋ a tsa ŋa edgu eda moarehwi mbo okyku eshi aŋa a yi edgu aga la a wo eso mo.

Amarku 5:34

Eyesu a nyuŋ ŋa a lu mi le, Anwye-alashle me, obmi ba adlidzi boŋ o shaŋ ŋo. O yi ŋo la esõ ekyle.

Amarku 1:32

Olum-ore, omba ba olum o gbu nga, moare a shri moa la a no olo, pa la moa ba egbgabi e kpo mo ewu, a ba okro Eyesu.

Amatiyu 6:12

O kyu gi abgo odlobi ba agi e la e kpo egi ayi boŋ, Eka bi e la e kyu moa la a kpo odlobi agi ayi bi abgo.

Amatiyu 9:5

Oyaŋ o wo ohli o gre, ba moa a lu ta la alom lo ma, Ame e kyu ŋo abgo odlobi boŋ le, ba moa a lu ma, o kso o sko akpakpa boŋ o yi eŋo?

Amatiyu 14:27

Eyesu a nyuŋ mo osho-shoŋ a lu mi le, Agimi e kpo eyli mbo, ame angyiŋ!

Amarku 6:50

Omba moa a ka Eyesu eyli e kpo mo. Eyesu a nyuŋ mo a lu mi le, Agimi e shye esõ bimi! Ame angyiŋ. E kpo eyli mbo!

Amarku 10:49

Eyesu a tspi nga a lu mi le, E bzi me avgayi lo. Moa a bzi avgayi lo nga a nyuŋ ŋa a lu mi le, O kpo ovye, o kso, Eyesu a bzi ŋo.

Otum 23:11

Okyukyku onda he lo nga, Adigi-odne a tspi egi ayi Oblus a nyuŋ ŋa a lu mi le, Aŋo Oblus o ghwo eso! Aŋo o sheŋ o zgi egŋe me Orushalima bgu, nga aŋo ó kpo ekaka-helo Oroma.