Amatiyu 26:64 - Ohwihwim Olehe

⁶⁴ Eyesu a tno ŋa ma a lu mi le, Aŋo o lu shasha. Ambo ame e lu e da gimi, omba ó yi o ba ba agimi é ba e ka Anwye Arehwĩ á dzu obgori ba Ahogbrẽ la a wo ekʼpo pyeŋ, nga aŋa á gile etabro ba ongyeŋ á sa á ba!

Amatiyu 26:64 Referans Kwoze

Amarku 14:62

Eyesu a tno ma a lu mi le, Ame angyiŋ e wo Anwye Esesla ba Ahogbrẽ. Agimi pyeŋ é ka Anwye Arehwĩ á dzu obgori ba Ahogbrẽ, nga á gile etabro ba ongyeŋ á sa á ba.

MoaIbrani 1:3

Anwye Ahogbrẽ he lo a la a shka ayi ayimom esesla ba Ahogbrẽ. Aŋa a ghwo emle ba Ahogbrẽ a gre eshri. Nga a la a kom obiŋ hi abgo la odlo baŋ la o wo la ekʼpo ma. Ambla baŋ a ndza odlobi moarehwĩ a khwo, aŋa a dzu Ongyeŋ obgori ba Ahogbrẽ la a wo la Anyuŋ Ekʼpo ma.

Otsotsa 1:7

Agimi e ka, aŋa á ba ta la etabro! Areyaŋ a mbo, pa la moa la a bzu ŋa egʼba baŋ, á ka ŋa. Nga areyaŋ a mbo obiŋ hi á wu okũ okyku ŋa. Alo o wo adlidzi eka he lo angyiŋ! Amin.

MoaIbrani 12:2

Agi e tslo ayi bi e shki Eyesu sha. Obmi ba adlidzi bi o wo okro baŋ sha angyiŋ, a zga okũ lo a yi a fu okro lo. Aŋa a da esõ baŋ e zgi okyku egŋe aki lo mbo! Ambo a sheŋ a yi edgu ovye la o dzu o bli ŋa. Okyku eka he, a tne aga akplokyeŋ eshri anzi la o wo ibu eku ba egŋe aki ku-ku mbo. Ohuhuhi nga a dzu obgori ba emgbakyiŋ oreŋ ba Ahogbrẽ angyiŋ.

Oluka 21:27

Omba he lo angyiŋ, Anwye Arehwĩ á ba a gnyu. Á ba la etabro, la ekʼpo egagre, pa la ayimom ba esesla.

Amatiyu 24:30

Nga moa á ka otsotsa ba oba-ba ba Anwye Arehwĩ ongyeŋ. Omba he lo nga, egu andandandim mvye ba obiŋ hi, moa á wu okũ, nga moa á ka Anwye Arehwĩ etabro ba ongyeŋ baŋ a gile a ba la ekʼpo, ta la esesla egagre.

Amatiyu 26:25

Eyahuda la a yla Eyesu a zhĩ a lu mi le, Andakʼpo, ame angyiŋ e wo are la á ba a yla ŋo? Eyesu a tno ma a lu mi le, Aŋo o lu shasha.

Amatiyu 25:31

Omba ba Anwye Arehwĩ á ba a ba eka Anyuŋ-areŋ, pa la moanwyeadga ba Ahogbrẽ, á dzu emgbakyiŋ ba oreŋ baŋ.

Amatiyu 16:27

Omba o wo osusku a mo ba Anwye Arehwĩ á ba a ba la ayimom ba esesla ba Adaŋ, ta la moanwyeadga ba Adaŋ. Omba he lo angyiŋ, á ba a shri egbre areyaŋ a mbo á ba a shri á daŋ eka otum ba are a kpo obiŋ hi.

Otsotsa 20:11

Ambla he nga ame e ka anyuŋ emgbakyiŋ ba oreŋ ekyle ta la are la a dzu ma. Obiŋ hi ta la ongyeŋ moa a knye a sku ŋa, nga moa a ka mo ku-ku nga mbo.

1 MoaEtasolonika 4:16

Moarehwĩ á gno enzi ba obzi. Moa á gno enzi anyuŋ anwyeadga ba Ahogbrẽ, ta la enzi ba angzo ba Ahogbrẽ. Nga Adigi-odne ababgo baŋ á gile á zgi Ongyeŋ á ba! Ambo moa la a kpu la obmi ba adlidzi la eshko Ekristi, moa á kso mo angyiŋ ori.

Otum 1:11

Moa a zhĩ a lu mi le, Agimi arehwĩ ba Egalili, okyku eshi agimi e tspi ahe e la e ka ahrẽ? Eka bimi eka ba moa a sko Eyesu a gre Ongyeŋ, ekakahelo, aŋa á ba a sa á zgi Ongyeŋ lo a ba.

Eyohana 18:37

Ebilatu a zhĩ ŋa a lu mi le, Aŋo angyiŋ o wo anyuŋ-areŋ? Eyesu a tno ŋa ma a lu mi le, Aŋo angyiŋ o lu ma ame e wo anyuŋ-areŋ. Moa a mbre me nga moa a da me e ba obiŋ hi okyku ekplo ekyekyeŋ. E wo okyku o da me e lu odlo eshri ba adlidzi. Areyaŋ a mbo la a wo a ba adlidzi angyiŋ le, aŋa a la a ngli atuŋ a gno odlo me.

Oluka 22:70

Moa mvye a zhĩ ŋa a lu mi le, Aŋo o wo Anwye ba Ahogbrẽ angyiŋ? A tno mo ma a lu mi le, Agimi angyiŋ e lu ba ame e wo Anwye Ahogbrẽ.

Amatiyu 27:11

Eyesu a tspi egi ayi ba Ogomna. Ogomna a zhĩ ŋa a lu mi le, Aŋo angyiŋ o wo Anyuŋ-areŋ moaEyahuda? Eyesu a tno ma a lu mi le, Aŋo angyiŋ o lu eka he.

MoaOroma 14:10

Okyku eshi aŋo o la o sõ anóŋ ombgu? Okyku eshi aŋo o la o dzĩ anóŋ? Agi pyeŋ é tspi egi ayi emgbakyiŋ ba ombgu ba Ahogbrẽ.

Amatiyu 8:20

Eyesu a tno ŋa ma a lu mi le, Emgbeshka e wo la anzhe ma, nga awunu a mbo a wo la eygu ma, ambo Anwye Arehwĩ a wo la okro ba o dzu ma o dum mbo.

Amatiyu 16:28

Agimi e tne aga e ka! Moakyeŋ eshki hi, moa á kpu mbo, o wo le moa á ka obaba ba Anwye Arehwĩ á ba a ba eka Areŋ ayga.

Amatiyu 22:44

Ahogbrẽ a nyuŋ Adime-odne a lu mi le, O dzu obgori me, O tsa ba ame e da moafpu ŋo a tsi a gbu egi ayi boŋ.

Amatiyu 28:18

Eyesu a ba osusku pa la a mo nga a nyuŋ mo a lu mi le, Moa a shri ekʼpo pyeŋ Ongyeŋ, ta la obiŋ hi a shri a da me.

Oluka 22:69

Ambo a zga omba he lo nga, Anwye Arehwĩ á dzu obgori ba Ahogbrẽ ba ekʼpo pyeŋ.