Amatiyu 26:5 - Ohwihwim Olehe

⁵ Moa a hwim a zga ma a lu mi le, Agi é vu ŋa omba ba abgo ba Apaska he mbo, okyku o da moare á kpo ambgu mbo.

Amatiyu 26:5 Referans Kwoze

Amatiyu 27:24

Omba ba Ebilatu a ka ba alo o wo eheŋ-ekyeŋ ba o kpo akplokyeŋ nga mbo, okyku eshi a ka eka moa a kpo okpoambgu, a fu amihĩ a ndza abgo baŋ egi ayi ba eshki nga a lu mi le, Amanzhli ba alom he, a wo eshri me angyiŋ mbo, ambo alo a wo eshri bimi angyiŋ.

Amatiyu 21:26

Ambo o wo bi e lu mi le, Aŋa a hwiŋ lo okro arehwĩ angyiŋ, agi é dzu pyaŋ pa la moare mbo, okyku eshi moa a bmi adlidzi ba Eyohana a wo arehwĩ ba Ahogbrẽ a hom otum angyiŋ.

Amatiyu 14:5

Ehirudu a klo o bga Eyohana, ambo a kpo eyli moaEyahuda okyku eshi moa a sko ŋa a zga eka ba are ba Ahogbrẽ a hom ŋa otum angyiŋ.

Amarku 14:27

Eyesu a nyuŋ mo a lu mi le, Agimi mvye é knye é dzu tne é zga okyku eshi Akpa ba Ahogbrẽ a lu mi le, Ahogbrẽ á bga are la a kpaŋ ékylu lo, nga ékylu é sla ayi.

Amarku 14:12

Onda oriori moa a kpo Abgo ba Agbrotsa la a nyom mbo, onda he lo angyiŋ moa a la a bga ekylu okyku oriabgo. Moanwyeotum a zhĩ Eyesu a lu mi le, Aŋo o klo ba gi é yi é nyuŋ okroyaŋ é kpo okyku o ri algo ba Apaska?

Amarku 14:2

Moa a tne tki nga a lu mi le, O raŋ bi e kpo eka he omba oriabgo he mbo, o mbo le moare á kso la ambgu.

Otum 4:28

Moa a ka eshri a bga, okyku o kpo ekplo boŋ la ekʼpo boŋ o sheŋ o zga ba alo é ba e kpo.

Eyohana 18:28

Moa a shri ŋa odne ba Akayafa a gre akuombgu ba ogomna endigigiŋ. MoaEyahuda a gre ekpazhi lo mbo okyku eshi moa a klo o pre odaŋ akplokyeŋ mbo nga okyku o da mo a ri abgo ba Apaska.

Oluka 22:7

Onda ba Oriabgo ba Agbrotsa la a nyom mbo o kpo. Omba he lo moa a la a bga anwye ékylu ba Apaska.

Oluka 20:6

Ambo o wo bi e lu mi le, Aŋa a hwiŋ lo okro ba arehwĩ angyiŋ le, eshki hi é tra gi ézhim, okyku eshi moa a bmi ba adlidzi ba Eyohana a wo arehwĩ ba Ahogbrẽ a hom otum angyiŋ.

Otum 19:29

Odlo he lo o kso eso moare osku lo mvye. Moare a gre a yi a vu Egayu, ta la Aristaku. Moaha he lo a wo moarehwi ba Amasidoniya angyiŋ. Moa a la a dzi ta la Oblus. Moa a vu mo a shri a gre anyuŋ aku moa a la a shki ma.

Otum 21:38

Anyuŋ-andakʼpo a sa a zhĩ ŋa a lu mi le, O wo eka he le, aŋo angyiŋ o wo alo-makyeŋ ba Amasla mbo, la a klo o shri eyi ebi o fu eso moarehwi ezbienyi la a kpo ogʼga, a shri mo a gre akla?