Amatiyu 24:42 - Ohwihwim Olehe

⁴² Okyku eka he agimi e kʼpu ba, okyku eshi agimi e yi onda ba Adigi-odne á ba a ba mbo.

Amatiyu 24:42 Referans Kwoze

Oluka 21:36

Ambo agimi e dzu e kʼpu ombamba pyeŋ, nga e fa olu okyku o da gimi e hwiŋ oshye bimi e ba e kpo e gre edgu ayakplo la á ba a kpo, nga e tspi egi ayi ba Anwye Arehwi.

1 MoaEtasolonika 5:6

Okyku eka he o raŋ o gre ba agi e la e ndze enu eka moahwõ mbo. O raŋ o gre ba agi e dzu ayi nga e nyuŋ eshri bi e zga.

Amatiyu 25:13

Eyesu a ta egŋe lo a khwo nga, a nyuŋ moanwyeotum baŋ a lu mi le, Agimi e kʼpu okyku eshi agimi e yi onda, ta la omba mbo.

Otsotsa 16:15

Agimi e ngli atuŋ e gno! Ame é ba eka ba asi angyiŋ! Are la a la a dzu a kʼpu, nga a la a nyuŋ aknye baŋ a la a kpaŋ á gno oraŋ! Aŋa nga á dzi wayawaya la ososo mbo, nga á gbu anzi eshki mbo!

1 MoaOkorinti 16:13

Agimi e la e nyuŋ e ka, nga e tspi osheshye obmi ba adlidzi. E dzu moarealom nga e zga gble.

Amatiyu 24:36

Arekyeŋ a yi mbo ku-ku, onda, ta la omba, baŋ á ba a ba mbo. Moanwyeadga baŋ la a wo Ongyeŋ a mbo a yi mbo. Anwye a mbo a yi mbo. Ada sha a yi.

MoaOroma 13:11

O raŋ o gre bimi e kpo eka he lo, okyku eshi agimi e sheŋ e yi omba lo. O raŋ o gre bimi e vro enu ohuhuhi, okyku eshi omba ba agi é ba e hwiŋ oshla o wo osusku a mo. Alo o gyuŋ eka ba omba ba agi e zga esĩ e bmi ba adlidzi mbo.

Amatiyu 24:44

Okyku eka he, o raŋ o gre bimi e dzu e kʼpu ombamba pyeŋ, okyku eshi Anwye Arehwĩ á ba omba ba arekyeŋ a zga aga mbo ku-ku.

1 Ebitru 5:8

Agimi e nyuŋ e dzu, nga e nyuŋ e kʼpu! Okyku eshi afpu gimi la a wo Eshitaŋ, a la a ngla agŋe eka ba embdze la e gbre, e la e klo are baŋ á ba a vu á taŋ.

1 Ebitru 4:7

Amom-abgo ba ekployaŋ a mbo e wo osusku a mo. O raŋ o gre ba agimi e nyuŋ eshri bimi e zga nga e dzu e kʼpu, okyku o da gimi e kpo e gbu nga e fa olu.

Amatiyu 24:43

Agimi e ka, o wo ba are-odne a yi omba ba asi á ba a ba odne baŋ le, á kʼpu, okyku o da asi a ba a gom odne baŋ mbo.

Amatiyu 25:10

Moanwyeshe la a wo eda mbo a gre o yi o gbmo awargi. Omba he lo angyiŋ anwyealom lo a gbu. Moanwyeshe atno la a nyuŋ a kpo a kʼpu okyku oba-ba ba anwyealom á ba, moa a gre okro o ri abgo ka la ŋa, nga moa a klu ayizhẽ.

Oluka 21:34

Agimi e nyuŋ eshri bimi e zga! Agimi e da oriabgo, ta la owa-ami, ta la ogroayi ba anzho ba obiŋ hi o bile gimi mbo, o mbo le onda mi lo ó ba o gnyu gimi ó gnyu.