Amatiyu 23:26 - Ohwihwim Olehe

²⁶ Agimi Efarisi la e vga ayi! O raŋ o gre ba agimi e ndza ekplo la e wo etku owami lo eshyẽ ayga, ambla he nga egi edzi a mbo é wo pyapyaŋ!

Amatiyu 23:26 Referans Kwoze

Eyakubu 4:8

Agimi e ba osusku ta la Ahogbrẽ, Ahogbrẽ a mbo á ba osusku ka la gimi. Agimi moarehwĩ ba odlobi, e ndza abgo bimi! Agimi abibli moarehwĩ, e ndza esõ bimi!

2 MoaOkorinti 7:1

Agimi akyemeazba, moa a hwim ayakplo he lo pyeŋ okyku gi angyiŋ! Okyku eka he, e da gi e tspi kyekye, nga e ngʼba e sku ekployaŋ a mbo la e ta egʼba o mbo le eso bi eshre. Agi e zga gble okyku o da gi e dzu zhezheŋ la esesla ibu eyli ba Ahogbrẽ.

MoaIbrani 10:22

Agimi e da gi e ba osusku ta la Ahogbrẽ la esõ ekyekyeŋ, la obmi ba adlidzi la ofueha mbo, nga la esõ moa a ndza lo ibu enzi eyi-esõ la o lbi ba odlobi, nga la egʼba ba moa a ndza lo la amihĩ la a wo leleleŋ.

Amatiyu 12:33

Esĩ aki e wo edzi ayga e la e fu agbro adzi. O wo ba esĩ aki lo e wo edzi mbo le, é fu agbro adzi mbo. Edgu agbro ba esĩ aki e la e fu angyiŋ e la e da mo a yi edgu esĩ aki lo.

Oluka 6:45

Areodlodzi a lu odlodzi la o wo eso baŋ angyiŋ a ba edzi, nga areodlobi a lu odlobi la o wo eso baŋ angyiŋ a ba edzi. Ekplo la e zgi anyu are angyiŋ, e wo ekplo la e bli eso baŋ.

Amatiyu 14:8

La ebra ba anaŋ nga, anwyeshe lo a vẽ a lu mi le, Ohuhuhi aŋo o kplu eshri Eyohana la a kpo abaptisma o shri o ta amgbalga o shri o da me.

Amarku 7:4

Moa a ri emakyeŋ moa a gbmo ekyku mbo, o wo le moa a ndza lo ayga dne. Moa a wo odaŋ ma nzenze moa a la a kpaŋ. Odaŋ o wo ma okyku o ndza etku o wa ami, ta la eshyeshyẽ, ta la egba, ta la amgbla olom ma.

Oluka 11:39

Okyku eka he nga, Adigi-odne a nyuŋ ŋa a lu mi le, O ka, agimi Efarisi e la e ndza etku bimi e la e wa ami ma egi edzi, ambo agimi e dzu egi eshyẽ e zga. Egi eshyẽ nga, engre ta la odlobi sha e bli lo.