Amatiyu 23:16 - Ohwihwim Olehe

¹⁶ Ekplo ayiekŋe ta la agimi la e la e shri moavgayi opi! Agimi e la e nye e lu mi le, O wo ba are a kʼpi ashum la Anyuŋ-akulu le, o dzu omgbybi baŋ a bli ekplo lo mbo. Ambo o wo baŋ a kʼpi ashum la ezinariya la e wo Anyuŋ-akulu lo le, o dzu omgbybi angyiŋ baŋ a bli ekplo lo.

Amatiyu 23:16 Referans Kwoze

Amatiyu 15:14

Agimi e da esõ e tpi gimi ayi pa la mo mbo! Moa a wo moandakʼpo la a vga ayi angyiŋ. O wo ba avgayi a shri avgayi opi le, moaha lo pyeŋ, moa á tsu á gbu enzhe.

Amatiyu 23:24

Agimi avgayi la e shri moavgayi opi! Agimi e la e sko edzu e sku ami ba owa-wa, ambo agimi e la e mbgi arakumi!

Amatiyu 23:17

Agimi adro la e vga ayi! Oyaŋ o wo esesla o gre? Ezinariya angyiŋ le, Anyuŋ-akulu la a da ezinariya lo e wo la esesla?

Eyakubu 5:12

Ekplo la e gre ahwõ pyeŋ, agimi anáŋ, e kʼpi ashum omba ba agimi e la e hwim okyku akploltyeŋ mbo. E kʼpi ashum la Ongyeŋ mbo, o mbo le la obiŋ hi, o mbo le la akplokyeŋ mbo ku-ku. O wo ba agimi e bmi le, e bmi, nga o wo ba agimi e tla le, e tla nga o khwo, okyku o da Ahogbrẽ a sõ gimi ombgu mbo.

Amatiyu 23:26

Agimi Efarisi la e vga ayi! O raŋ o gre ba agimi e ndza ekplo la e wo etku owami lo eshyẽ ayga, ambla he nga egi edzi a mbo é wo pyapyaŋ!

Amatiyu 23:19

Agimi e vga ayi e gre eshri! Oyaŋ o wo la esesla o gre? Ekplo moa á ba a shri á ndba le, ambgu la a da ekplo he lo e wo la esesla?

MoaEgalasiya 5:3

Ame e klo o shĩ ekplo he lo. Ame e sa e lu, areyaŋ a mbo la a bmi a da mo a sheŋ ŋa ongyum, o dzu omgbybi baŋ a kpaŋ odaŋ lo mvye.

Amatiyu 23:13

A ba eshri bimi la e nye odaŋ ta la agimi Efarisi! Agimi la e bile moare! Agimi e la e so moare ayi ozhẽ la o yi Oreŋ Ongyeŋ. Agimi a mbo e klo e yi mbo. Moa la a klo a yi a mbo, agimi e nyom mo o gre o yi. [