Amatiyu 21:43 - Ohwihwim Olehe

⁴³ Eyesu a ta ma a lu mi le, Okyku eka he ame e lu e da gimi, moa á sko Oreŋ ba Ahogbrẽ á sku gimi, nga moa á shri lo á shri á da moa la á ba a kpo á gbu moa á ba a fu agbro nzenze la a wo adzadzi. [

Amatiyu 21:43 Referans Kwoze

Amatiyu 21:41

Moare a tno ma a lu mi le, Ekplokyeŋ ba ofuoha e wo ma mbo, areagbi á bga abi moare la a kpaŋ agbi lo, nga á ngʼga agbi lo á ghwo moahwõ abgo. Aŋa á shri lo á da moare la á ba a kpo á gbu ba moa a shri ogʼba baŋ a shri a daŋ omba ba omba lo o bli.

1 Ebitru 2:9

E ka, agimi angyiŋ e wo embre ba Ahogbrẽ a sla. Agimi angyiŋ e wo moandakʼpo olu ba Anyuŋ-areŋ he lo. Moarehwĩ he lo a wo esesla. Agimi e wo moarehwĩ ba Ahogbrẽ ababgo baŋ. A sla gimi okyku o da gimi e su otum egbregbre baŋ a kpo. Aŋa angyiŋ a bzi gimi evbu nga a shri gimi a ba ayimom baŋ ba egbregbre.

Eyohana 3:3

Eyesu a tno Enikodimo ma a lu mi le, Ame e lu e doŋ, arekyeŋ a kpo a gbu baŋ a ka Oreŋ Ahogbrẽ mbo, o wo le moa a bla ŋa a mbre ayga dne.

Eyohana 3:5

Eyesu a tno ŋa ma a lu mi le, Ame e lu adlidzi e da gimi, arekyeŋ a kpo a gbu baŋ a yi Oreŋ Ahogbrẽ mbo, o wo le moa a mbre ŋa okro amihĩ ta la Ogbgaodzi ayga dne.

1 MoaOkorinti 13:2

O wo ba alo o kpo o gbu ba ame e nyum oshpa la o gre eso, nga e kpo e gbu ba ame e wo la oyioyi ba obiŋ hi pyeŋ, nga ba ame e ka eshyẽ ekployaŋ a mbo e bmye, nga o wo ba alo o kpo o gbu ba ame e wo la obmi ba adlidzi la o kpo o gbu ba ame e gʼbu akukũ a mbo, ambo o wo ba ame e wo la oklo ma mbo le, ame e wo akplokyeŋ angyiŋ mbo.

Amatiyu 12:28

Ambo, Ogbgaodzi Ahogbrẽ angyiŋ o shri ekʼpo o shri o da me e la e se egbgabi. Ohi lo o tsa ba agimi e sheŋ e ka Oreŋ ba Ahogbrẽ bgu.

Amatiyu 21:42

Eyesu a sa a zhĩ mo a lu mi le, Agimi e tsi Akpa Ahogbrẽ e ka mbo? Alo a lu mi le, Ezhim moa la a mbdzi a tla lo a ta eka ba alo e wo la ekplokyeŋ mbo, E zhiŋ e dzu ezhim la e wo la owlama e gre pyeŋ. Ohe lo Adigi-odne angyiŋ a kpo. O wo ekplo egbregbre angyiŋ eyayi bi!

Amatiyu 21:44

Areyaŋ a mbo la a tsu a gbu ezhim hi lo, á gom okyukyukyku. Nga o wo ba ezhim lo e gbu arekyeŋ le, é sha ŋa rerereŋ.]