Amatiyu 21:15 - Ohwihwim Olehe

¹⁵ Moandakʼpo olu ba Aho-gbrẽ, pa la moa la a nye odaŋ, esõ e tpi mo ayi, okyku moa a ka ayakplo egbregbre baŋ a la a kpo nga, moanwye la a wo Anyuŋ-akulu, a ta enzi a lu angyangyeŋ a lu mi le, E hlu Anwye Adawuda eshko!

Amatiyu 21:15 Referans Kwoze

Amatiyu 21:9

Moare la a wo egi ayi Eyesu, pa la moare la a wo egi ambla baŋ, moa a lu odlo angyangyeŋ a lu mi le, E hlu Anwye Adawuda eshko. Ahogbrẽ a kpo a ghwo la ŋa la a ba eshko Adigi-odne! E hlu Ahogbrẽ eshko!

Eyohana 12:19

MoaEfarisi a lu ta la emo a lu mi le, Agimi e ka, agi e hwiŋ ekplo-kyeŋ ba alo ku-ku mbo! Agimi e ka, moare mvye moa a zhiŋ a lu ŋa ma!

Eyohana 11:57

Moandakʼpo olu ba Ahogbrẽ, pa la moaEfarisi a jygu odaŋ a lu mi le, Areyaŋ a mbo la a yi okro ba Eyesu a wo ma a ba a lu okyku o da mo a vu ŋa.

Eyohana 7:42

Odlo Ahogbrẽ o lu mi le, Emisiya á ba ogu ba Adawuda angyiŋ. Nga moa á mbre ŋa osku ba Ebetalami osku ba Adawuda a dzu ma.

Eyohana 4:1

MoaEfarisi a gno oshpa ma Eyesu a la a hwiŋ moare nga a la a kpo mo abaptisma a gre ba Eyohana.

Oluka 22:66

La endigiŋ nga, moandakʼpo moaEyahuda, pa la moandakʼpo olu ba Ahogbrẽ, pa la moa la a nye odaŋ, moa a pla emo a shki a khwo nga moa a shri Eyesu a gre okro mo.

Oluka 22:2

Moandakʼpo olu ba Ahogbrẽ pa la moa la a nye odaŋ, moa a klo ozhẽ okyku o vu Eyesu o bga, ambo moa a kpo eyli moarehwi.

Oluka 20:1

Ondakyeŋ nga, omba ba Eyesu a wo Anyuŋ-akulu a la a nye moare nga a la a nyum oshpa, moadakʼpo olu ba Ahogbrẽ, pa la moa la a nye odaŋ pa la moandakʼpo moa a ba okro Eyesu.

Amarku 11:18

Moandakʼpo olu ba Ahogbrẽ, pa la moa la a nye odaŋ a gno ekplo ba Eyesu a kpo, nga moa a klo ozhẽ o bga ŋa. Moa a kpo eyli baŋ okyku eshi onyenye baŋ o dzu egbregbre angyiŋ pa la moare.

Amatiyu 27:20

Moandakʼpo olu ba Ahogbrẽ, pa la moandakʼpo a vẽ eshki okyku o da mo a bmi o zhĩ Ebilatu okyku o daŋ a kyu Abaraba abgo, nga a ra Eyesu a bga.

Amatiyu 27:1

Endigigiŋ nga, moandakʼpo olu ba Ahogbrẽ, pa la moandakʼpo ba Eyahuda, moa a hwim odlo eshri Eyesu, okyku o da mo a sheŋ ombgu ba eku eshri baŋ.

Amatiyu 26:59

Moandakʼpo olu, pa la moa la a sõ ombgu mvye a klo moaegŋe akpro eshri Eyesu, okyku o da mo a sheŋ ombgu eku eshri baŋ.

Amatiyu 26:3

Moandakʼpo olu ba Ahogbrẽ, pa la moandakʼpo moaEyahuda a gre a yi a kpo eshki odne ba Akayafa Anyuŋ andakʼpo olu ba Ahogbrẽ.

Amatiyu 22:42

Agimi e tne aga anyu eshri ba Emisiya? A wo a ba ogu ba ayi angyiŋ? Moa a tno ma a lu mi le, Aŋa a wo a ba ogu ba Adawuda angyiŋ.

Amatiyu 21:23

Eyesu a sa a bla a ba Anyuŋ-akulu. Omba baŋ a la a nye moare nga, moandakʼpo olu ba Ahogbrẽ, pa la moandakʼpo moaEyahuda, moa a ba a zhĩ ŋa a lu mi le, La ekʼpo ayi aŋo o kpo ayakplo egbregbre eka he? Ayi a shri ekʼpo he lo a shri a doŋ?

Amatiyu 9:27

Ambla ba Eyesu a kso a sku okro he lo nga, a la a dzi a yi, moavgayi aha a ba okro baŋ, nga moa a la a lu ŋa ma. Moa a lu mi le, Aŋo Anwye Adawuda, o ka gi ayiekŋe!

Amatiyu 20:24

Omba ba moanwyeotum ahwõ a gno eka he nga, esõ e tpi mo ayi pa la moanáŋ aha he lo.