Amatiyu 20:34 - Ohwihwim Olehe

³⁴ Eyesu a ka mo ayiekŋe nga a tka ayi mo. Omba he lo nga ayi mo a hwile, nga moa a lu Eyesu ma.

Amatiyu 20:34 Referans Kwoze

Otum 26:18

Aŋo angyiŋ ó ba o hwile ayi mo, nga ó ba o se mo o sku evbu, nga ó ba o shri mo ó ba ayimom, nga aŋo ó zhiŋ mo ekʼpo ba Eshitaŋ ó ba ekʼpo ba Ahogbrẽ. Okyku o wo moa a bmi ba adlidzi pa la me le, moa á kyu mo abgo odlobi mo, nga moa á hwiŋ okro odzuma eshki moarehwi ba Ahogbrẽ a sla mo.

1 Ebitru 3:8

Ekplo ba amom-abgo, o raŋ o gre ba agimi e dzu la aga ta la okoka okyekyeŋ angyiŋ e ma. Agimi e la e klo egimi eka moanáŋ. Nga e la e kpo e ghwo la egimi, nga e kpo ohe-heŋ angyiŋ ta la egimi.

Oluka 22:51

Ambo Eyesu a tno ma a lu mi le, Agimi e kyu abgo a mo! Aŋa a tka otuŋ ba awaghrẽ lo nga a shaŋ ŋa.

Oluka 7:13

Omba ba Adigi-odne a ka ŋa a ka ŋa ayiekŋe. Okyku eka he a nyuŋ ashe lo a lu mi le, O wu okũ mbo.

Amarku 7:33

Eyesu a sko ŋa a sku eshki a khwo nga, a ghwo ŋa evgo atuŋ, nga a ta akyi, a tka olom baŋ.

Amatiyu 15:32

Eyesu a bzi moanwyeotum baŋ nga a lu mi le, Moare-hwĩ hi a wo me ayiekŋe a gre eshri, okyku eshi moa a wo ahe olum ba otra a mo, ambo moa a hwiŋ ekplokyeŋ ba oruri mbo, nga moa á dzi á gbu odne mbo okyku embyle.

Amatiyu 14:14

Eyesu a zgi a sku amgblami, nga a ka moarehwĩ nzenze. A ka mo ayiekŋe, nga a shaŋ elolo mo.

Amatiyu 9:29

Ambla he nga Eyesu a tka ayi moavgayi aha lo nga a nyuŋ mo a lu mi le, Agimi e shaŋ eka bimi e bmi ba adlidzi!

Amatiyu 8:15

Eyesu a tka ŋa obgo nga, aŋa a shaŋ. Ashe lo a kso nga, a yi a shri algo a daŋ a ri.

Oluka 18:43

Omba he lo, ayi baŋ a hwile nga a ka okro. A lu Eyesu ma nga a la a vye la Ahogbrẽ. Omba moare a ka eka he nga, moa mvye a hlu Ahogbrẽ eshko.

Amatiyu 9:36

Omba baŋ a ka eshki moare nga, a ka mo ayiekŋe, okyku eshi esõ e kpla mo e gbu, nga moa a yi eheŋ-ekyeŋ ba o kpo-kpo mbo eka ba ékylu la e wo la are la a kpaŋ mo mbo.

MoaIbrani 2:17

O dzu omgbybi angyiŋ baŋ a sko edgu odzudzu ba moanáŋ ozhẽyaŋ a mbo, okyku o daŋ a dzu andakʼpo olu ba Ahogbrẽ la a wo adlidzi, nga a ka ayiekŋe ibu ba otum baŋ egi ayi ba Ahogbrẽ, okyku o da Ahogbrẽ a kyu moarehwĩ abgo odlobi moa a la a kpo.

Amatiyu 20:33

Moa a tno ma a lu mi le, Andakʼpo, agi e klo boŋ o hwile gi ayi!

Amatiyu 21:1

Moa a gbu anwye oskukyeŋ moa a bzi lo ma Ebefagi. Alo o wo osusku ta la Orushalima. Anwye osku lo a wo Akũ ba Olivi. Eyesu a hom moanwyeotum baŋ aha otum ahe lo, okyku o da mo a bre a yi.