Amatiyu 2:23 - Ohwihwim Olehe

²³ nga aŋa a kpo odne baŋ osku moa a bzi lo ma Anazarata. Aŋa a kpo eka he okyku o bli ekplo ba moarehwĩ Ahogbrẽ a hom otum a lu. Moa a lu mi le, Moa á bzi ŋa Anazari.

Amatiyu 2:23 Referans Kwoze

Amarku 1:24

Eyesu ba Anazarata, o klo eshi ka la gi? O ba okyku o bga gi angyiŋ? Ame e yi ŋo, aŋo o wo Anwyeadga ba esesla ba Ahogbrẽ angyiŋ.

Amatiyu 26:71

Ebitru a gre a yi a tspi ayizhẽ esakpa. Anwyeshe-odne akyeŋ a ka ŋa nga a lu a da moarealom la a wo ma, a lu mi le, Aŋa a wo ta la Eyesu ba Anazarata angyiŋ.

Amatiyu 1:22

Ayakplo he lo pyeŋ a kpo okyku o bli ekployaŋ a mbo ba Adigi-odne a da moarehwĩ baŋ a hom otum a ba a lu.

Otum 24:5

Agi e ka tki, alom he lo a wo are la a wo oyla, nga a la a tpi okro ayi. Aŋa a la a sla eshki moaEyahuda ayi ayaŋ a mbo obiŋ hi. Nga a sa a wo andakʼpo ba eshki moa a bzi lo ma Anazari.

Otum 2:22

Agimi arehwĩ ba Esrayila, agimi e ngli e gno odlo he lo! Eyesu ba Anazarata a wo arehwĩ ba Ahogbrẽ a daŋ a kpo ayakplo egbregbre andandandim okyku o tsa gimi. Agimi e yi eka he lo, okyku baŋ a kpo ekployaŋ a mbo ahe ka la gimi.

Eyohana 19:19

Ebilatu a ta engla a da mo a bre lo egŋe aki. A ta a lu mi le, Eyesu ba Anazarata Anyuŋ-areŋ moaEyahuda.

Eyohana 18:7

Eyesu a sa a zhĩ mo a lu mi le, Agimi e klo ayi angyiŋ? Moa a tno ma a lu mi le, Agi e klo Eyesu ba Anazarata.

Eyohana 18:5

Moa a tno ŋa ma a lu mi le, Agi e klo Eyesu ba Anazarata. Eyesu a tno mo ma a lu mi le, Ame angyiŋ. Eyahuda areoyla, a wo ahe lo pa la mo.

Oluka 2:39

Ambla moa a kpo ekployaŋ a mbo, eka ba odaŋ ba Adigi-odne o lu nga, moa a bla a gre osku mo Anazarata obiŋ ba Egalili.

Oluka 1:26

Oha ba ofi ba Alisabatu a kpo onyi nga, Ahogbrẽ a hom anwyeadga moa a bzi ŋa ma Egabilu otum oskukyeŋ moa a bzi lo ma Anazarata obiŋ ba Egalili.

Amatiyu 21:11

Eshki e tno ma e lu mi le, Aŋa a wo Eyesu arehwĩ ba Ahogbrẽ a hom otum angyiŋ. A zgi Anazarata ba Egalili.

Amarku 1:9

Ambla fi nga, Eyesu a zgi Anazarata obiŋ ba Egalili a ba okro Eyohana, nga Eyohana a kpo ŋa abaptisma ondzu ba Ordu.

Oluka 18:37

Moare a tno ŋa ma a lu mi le, Eyesu ba Anazarata angyiŋ a la a ba a bre a yi.