Amatiyu 19:27 - Ohwihwim Olehe

²⁷ Ambla he nga, Ebitru a tno ma a lu mi le, Aŋo o ka, agi e dzu ekployaŋ a mbo e zga nga e lu ŋo ma, agi é hwiŋ eshi a mo?

Amatiyu 19:27 Referans Kwoze

MoaEfilibi 3:8

Ambo ayakplo he sha angyiŋ mbo, ambo ame e sko ekployaŋ a mbo e zga akplokyeŋ mbo okyku ekplo la e wo owlama e gre eka he, alo angyiŋ a wo oyioyi eshri ba Ekristi Eyesu Adime-odne. Okyku ŋa angyiŋ, ame e ndba ekployaŋ a mbo e ta a bi, okyku eshi ame e sko lo e zga eka ekro angyiŋ, okyku o da me e hwiŋ Ekristi,

Oluka 5:11

Moa a dzu ámgblami mo a zga akaŋ atam lo nga, moa a dzu ekployaŋ a mbo a zga nga moa a lu Eyesu ma.

Oluka 18:28

Ambla he nga, Ebitru a lu mi le, O ka, agi e dzu adne bi e zga okyku o lu ŋo ma.

Oluka 15:29

Anwye lo a tno adaŋ ma a lu mi le, Aŋo o ka, eyi eshushku ame e la e kpo ŋo otum eka awaghrẽ, nga ame e dzĩ ŋo ondakyeŋ ku-ku mbo. Aŋo o shri ekplokyeŋ o shri o da me o ka? Aŋo o shri anwye ebme a mbo o da me okyku o da me e kpo ovye pa la moakyemeazba mbo!

Amarku 10:28

Ebitru a kso a lu mi le, O ka, agi e dzu ekployaŋ a mbo e zga okyku o lu ŋo ma.

Amarku 2:14

Omba baŋ a yi nga, a ka alom la a yga ewaŋ ba eshko baŋ e ri Eliwu, a wo anwye Alafus, a dzu aku moa a yga ewaŋ. Eyesu a nyuŋ ŋa a lu mi le, O lu me ma. Eliwu a kso nga a lu ŋa ma.

Oluka 14:33

Eyesu a sa a lu mi le, Ekakahelo angyiŋ, akyeŋ eshki bimi a kpo a gbu baŋ a dzu anwyeotum me mbo o wo le a dzu ekployaŋ a mbo baŋ a wo la alo ma a zga ayga dne.

Amatiyu 9:9

Eyesu a kso a sku okro he lo. Omba baŋ a la a bre a yi nga, aŋa a ka alomakyeŋ la a yga ewaŋ, aŋa a ri Amatiyu. A wo aku ba oyga ewaŋ. Eyesu a nyuŋ Amatiyu a lu mi le, Aŋo o lu me ma. Amatiyu a kso nga, a lu Eyesu ma.

1 MoaOkorinti 4:7

Ayi angyiŋ a kpo ŋo a doŋ o wo la anyuanyuŋ o gre moahwõ? Ahogbrẽ angyiŋ a shri ekployaŋ a mbo boŋ o wo la alo ma a shri a doŋ mbo? Okyku eka he, okyku eshi aŋo o nyom egʼba eka ba moa a shri ayakplo he lo a shri a doŋ ototno angyiŋ mbo?

1 MoaOkorinti 1:29

Okyku eka he, ohi lo o tsa eka ba arekyeŋ a kpo a gbu baŋ a nyom egʼba egi ayi ba Ahogbrẽ a gbu mbo.

Amatiyu 19:26

Eyesu a ka mo tki nga a tno mo ma a lu mi le, Ohi lo o kpo o gbu okro moarehwĩ mbo, ambo ekployaŋ a mbo e kpo e gbu okro Ahogbrẽ.

Amatiyu 19:28

Eyesu a nyuŋ mo a lu mi le, Ame e lu e da gimi, omba ba Anwye Arehwĩ á ba a dzu emgbakyiŋ oreŋ baŋ ba esesla, omba mi lo, agimi otsko la e lu me ma he lo, agimi a mbo é dzu emgbakyiŋ oreŋ me, nga é sõ egu otsko ba Esrayila ombgu.