Amatiyu 19:21 - Ohwihwim Olehe

²¹ Eyesu a tno ŋa ma a lu mi le, O wo boŋ o klo o bli angyiŋ le, aŋo o yi o shri angyiŋ boŋ o shri o gbmo nga, o shri amgbaŋ lo o shri o gʼba moaekŋe, okyku eshi aŋo ó hwiŋ angyiŋ Ongyeŋ. Aŋo o kpo eka he o khwo bgu le, o ba o lu me ma.

Amatiyu 19:21 Referans Kwoze

Amarku 10:21

Eyesu a ka ŋa la eyayi ba oklo nga a nyuŋ ŋa a lu mi le, Ekplokyekyeŋ e ra ohuhuhi boŋ o bli lo, o yi o shri angyiŋ boŋ o wo alo ma mvye o gbmo, nga o shri amgbaŋ lo o gʼba moaekŋe, okyku eshi aŋo ó hwiŋ angyiŋ Ongyeŋ, nga o ba o lu me ma.

Oluka 18:22

Ambla ba Eyesu a gno eka he nga, a nyuŋ ŋa a lu mi le, Ekplo ekyeŋ e yi e ra boŋ o kpo. O yi o shri ekployaŋ a mbo boŋ o wo la alo ma o shri o gbmo nga o shri amgbaŋ lo o gʼba moaekŋe, aŋo ó hwiŋ angyiŋ Ongyeŋ, nga o ba o lu me ma.

Oluka 12:33

Agimi e shri anzho bimi e gbmo nga e shri amgbaŋ lo e gʼba moaekŋe. Agimi e klo abre amgbaŋ la a la a tsoŋ mbo e shri e zga ma, nga e shri angyiŋ bimi e shri e zga ma Ongyeŋ. Ahe nga, moa á fa á ra mbo, nga asi o mbo le edne, é yi é tpi lo ayi é gbu mbo.

Oluka 14:33

Eyesu a sa a lu mi le, Ekakahelo angyiŋ, akyeŋ eshki bimi a kpo a gbu baŋ a dzu anwyeotum me mbo o wo le a dzu ekployaŋ a mbo baŋ a wo la alo ma a zga ayga dne.

Otum 2:45

Moa a la a shri anzho moa a wo alo ma a shri a gbmo, nga a la a shri amgbaŋ a ba nga a da mo a gʼba lo otsotse ta la emo, eka ekplo areyaŋ a mbo a klo.

Eyohana 12:26

Areyaŋ a mbo la a klo o kpo otum me le, aŋa a lu me ma, okyku eshi ame e klo ba anwyeotum me a dzu okro ame e wo ma. Adugu á shri ekʼpo á da are la a kpo me otum.

Oluka 9:23

Ambla he nga a lu pa la moare pyeŋ a lu mi le, O wo ba arekyeŋ a klo o lu me ma le, o dzu omgbybi baŋ a tla eshri baŋ, ombamba pyeŋ nga a bmi a kpo ewu ma-me la eku a mbo okyku me, nga a lu me ma.

Eyohana 10:27

Ékylu me e la e ngli atuŋ e gno enzi me, ame e yi mo nga moa a la a lu me ma.

Amatiyu 5:48

Agimi e bli shasha, eka ba Adigimi la a wo Ongyeŋ a bli shasha.

Oluka 16:9

Eyesu a sa a lu mi le, Okyku eka he ame e lu e da gimi, e shri angyiŋ ba obiŋ hi e vu ekpom pa la moarehwi, okyku o da gimi e yi odne ba gbagbu-amo.

Amatiyu 19:28

Eyesu a nyuŋ mo a lu mi le, Ame e lu e da gimi, omba ba Anwye Arehwĩ á ba a dzu emgbakyiŋ oreŋ baŋ ba esesla, omba mi lo, agimi otsko la e lu me ma he lo, agimi a mbo é dzu emgbakyiŋ oreŋ me, nga é sõ egu otsko ba Esrayila ombgu.

Amatiyu 16:24

Eyesu a sa a lu pa la moanwyeotum baŋ a lu mi le, O wo ba are a klo o lu me ma le, aŋa a shri eshri baŋ a ndba nga a bmi o kpo ewu ma-me la eku a mbo okyku me, nga a lu me ma.

Oluka 6:40

Anwye-engla a wo anyuanyuŋ a gre are la a nye ŋa mbo. Ambla baŋ a nye a khwo bgu le, á dzu eka are la a nye ŋa.

Oluka 5:27

Ambla he Eyesu a zgi edzi nga a ri a sheŋ alom la a yga ewaŋ. Eshko baŋ e ri Eliwu. A hwiŋ ŋa aku moa a yga ewaŋ. Eyesu a nyuŋ ŋa a lu mi le, O lu me ma.

Amarku 8:34

Eyesu a bzi eshki pa la moanwyeotum baŋ nga, a lu mi le, Are la a klo o lu me ma, o dzu omgbybi baŋ a shri eshri baŋ mvye a di nga a shri egŋe aki baŋ, nga a lu me ma.

Amatiyu 9:9

Eyesu a kso a sku okro he lo. Omba baŋ a la a bre a yi nga, aŋa a ka alomakyeŋ la a yga ewaŋ, aŋa a ri Amatiyu. A wo aku ba oyga ewaŋ. Eyesu a nyuŋ Amatiyu a lu mi le, Aŋo o lu me ma. Amatiyu a kso nga, a lu Eyesu ma.

MoaIbrani 10:34

Agimi e kpo ewu eka moa-oprusuna. Nga omba ba moa a ngʼga gimi anzho a mbo agimi e ghwo egimi esõ nga e dzu la esõ ekyle. Okyku eshi agimi e yi e wo la ayakplo la a wo owlama a gre mi ma. Ayakplo he lo á dzu ma gbagbu-amo.

Amarku 2:14

Omba baŋ a yi nga, a ka alom la a yga ewaŋ ba eshko baŋ e ri Eliwu, a wo anwye Alafus, a dzu aku moa a yga ewaŋ. Eyesu a nyuŋ ŋa a lu mi le, O lu me ma. Eliwu a kso nga a lu ŋa ma.

Amatiyu 8:22

Eyesu a tno ŋa ma a lu mi le, Aŋo o ba o lu me ma, o da moa la a kpu a ngybi emo ababgo mo.

Amatiyu 4:19

Eyesu a nyuŋ mo a lu mi le, Agimi e lu me ma, okyku o da me e nye gimi okyku o da gimi e vu moarehwĩ.

Amatiyu 19:20

Ola anwye lo a tno ma a lu mi le, Ame e sheŋ e kpaŋ odaŋ he lo pyeŋ bgu. Eshi e sa e ra ba ame é ba e kpo?

Amatiyu 19:22

Omba ba ola anwye lo a gno eka he a khwo nga, esõ e byli ŋa, okyku eshi aŋa a wo angyiŋ ma nzenze. Aŋa a zhiŋ ogbu a gre eŋa.