Amatiyu 16:6 - Ohwihwim Olehe

⁶ Eyesu a nyuŋ mo a lu mi le, Agimi e nyuŋ e kpo-kpo ta la eyist moaEfarisi, pa la moaEsaduki.

Amatiyu 16:6 Referans Kwoze

Oluka 12:1

Omba moare ezbi nzenze a tspi otsotse nga a la a pre emo adga, Eyesu a nyuŋ moanwyeotum baŋ a lu mi le, Agimi e nyuŋ e kpo-kpo ta la eyist moaEfarisi. Ame e lu odlo eshri obile mo angyiŋ.

MoaEgalasiya 5:9

Moa a lu mi le, Eyist tsi sha e kpo e gbu ba alo e da agbrotsa a nyom.

Amarku 8:15

Eyesu a nyuŋ moanwyeotum baŋ a lu mi le, E nyuŋ e kpo-kpo ta la eyist ba moaEfarisi, ta la e ba Ehirudu.

Amatiyu 16:12

Omba he lo, moanwyeotum baŋ a ka a bmye baŋ a ta egŋe eshri eyist ba moa a shri a ygi agbrotsa angyiŋ mbo, ambo moa a ka a tspi baŋ a ta egŋe eshri onyenye moaEfarisi, pa la moaEsaduki.

Oluka 12:15

Ambla he nga Eyesu a nyuŋ mo pyeŋ a lu mi le, Agimi e kʼpu, nga e da ogroayikyeŋ o bile gimi mbo, okyku eshi odzudzu ba eso ba adlidzi ba arehwĩ, oshye lo o wo anzho baŋ a wo la alo ma angyiŋ mbo, o wo baŋ a wo angyiŋ egyagi a mbo o wo a ba ototno angyiŋ.

Amatiyu 3:7

Omba ba Eyohana a ka moaEfarisi, pa la moaEsaduki nzenze a ba okyku o daŋ a kpo mo abaptisma nga, aŋa a nyuŋ mo a lu mi le, Agimi emabi, ayi a lu a da gimi, bimi é kpo é gbu bimi é gro ombgu ba Ahogbrẽ la ó ba?

Amatiyu 16:1

MoaEfarisi, pa la moaEsaduki, moa a ba okro Eyesu. Moa a klo o kpyi ŋa. Okyku eka he nga moa a zhĩ ŋa okyku o daŋ a kpo ekplo egbregbre la é tsa baŋ a wo arehwĩ ba Ahogbrẽ a hom ŋa otum.

Amatiyu 16:5

Omba moanwyeotum a bmyi atam a yi a gre ongre ohwõ, moa a gre esõ a ghre moa a sko agbrotsa mbo.

Amatiyu 16:7

Moa a gno eka he a khwo nga moa a lu ta la emo a lu mi le, Aŋa a la a lu eka he okyku bi e shri agbrotsa mbo angyiŋ.

Amatiyu 16:11

Okyku eshi angyiŋ agimi e sko odlo ba ame e lu ka la gimi hi, e shri e zga eshri agbrotsa? Agimi e nyuŋ e kpo-kpo ta la eyist moaEfarisi, pa la moaEsaduki!

Eyohana 4:33

Okyku eka he, moanwyeotum a zhĩ emo a lu mi le, Arekyeŋ a shri algori a kom ŋa e mbo?