Amatiyu 13:52 - Ohwihwim Olehe

⁵² Eyesu a tno mo ma a lu mi le, O wo ba alo o wo eka he angyiŋ le, areyaŋ a mbo la a nye odaŋ, la a dzu anwyeotum ba Oreŋ ba Ongyeŋ, a dzu eka adaŋ-odne la a se anzho agbyi, ta la anzho ahe a sku osoto.

Amatiyu 13:52 Referans Kwoze

Etitu 1:9

O raŋ o gre baŋ a kom oshpa lo abgo osheshye, oshpa la o dzu edgu oshpa ba moare a bmi ta la alo, nga ba alo o wo ozhẽ okyekyeŋ ta la onyenye he lo. Ozhẽ he lo angyiŋ, á ba a kpo á gbu baŋ á shĩ moahwõ ta la onyenye ba adlidzi, nga á kpo á gbu baŋ á tsa akpu ba moare la a tla onyenye ba adlidzi lo.

Amatiyu 12:35

Areadzi a la a se anzho adzi angyiŋ anjygu baŋ la a wo adzi a ba edzi. Areabi nga a la a se anzho la a wo abi angyiŋ anjygu baŋ la a wo abi a ba edzi.

Oluka 11:49

Okyku eka he, Okaobmye ba Ahogbrẽ o lu mi le, Ame e da moarehwi ba Ahogbrẽ a hom otum á ba, pa la moanwyeadga baŋ. Moare á bga moakyeŋ eshki mo, nga moa á kpo moakyeŋ ewu.

Amatiyu 23:34

Okyku eka he ame e lu e da gimi, ame e da moarehwĩ ba Ahogbrẽ a hom mo otum, pa la moare la a wo la okaobmye ma, pa la moa la a nye a ba, agimi nga é bga moakyeŋ eshki mo, nga é kũ moabze ekusa egŋe aki, nga agimi é taŋ moa-kyeŋ andzu anwyeakulu bimi, nga agimi é dzi esku é la é klo mo.

MoaOkolosi 3:16

Oshpa ba Ekristi ozhẽyaŋ a mbo eka ba alo o wo, o raŋ o gre ba agimi e da lo o dzu esõ bimi. Agimi e nye nga e tsa egimi la okaobmye pyeŋ. E fu abmo nga e fu abmo ba ohlueshko. E fu abmo egi ayi ba Ahogbrẽ la ovye esõ bimi.

MoaOkolosi 1:7

Agimi e gno lo abgo ba Ebafara, aŋa angyiŋ a wo anwye-odne bi ba agi e klo ŋa. Aŋa nga a wo are la a kpo otum la adlidzi okyku Ekristi okyku gimi angyiŋ.

MoAfisu 3:8

Ame e wo arehwĩ ba amom-abgo ototno eshki moarehwĩ pyeŋ ba Ahogbrẽ la a sheŋ a nye. Ekakahelo a mbo, Ahogbrẽ a hwile me ozhẽ okyku o da me e shri Oshpaodzadzi e shri e da moa la a wo moaEyahuda mbo. O wo eshri owlama ba Ekristi la o gre mvye.

Eyohana 13:34

Ame e shri odaŋ olohe angyiŋ e shri e da gimi, agimi e klo egimi. Eka ba ame e klo gimi, agimi a mbo e klo egimi.

MoAfisu 3:4

Nga o wo ba agimi é ba e tsi ekplo ba ame e ta, agimi é kpo é gbu ba agimi é nye okaobmye ba eshyẽ ba Ekristi ba ame e wo la alo ma.

2 MoaOkorinti 6:10

Moa a tpi gi eso ayi, ambo egi e wo la ovye ma ombamba pyeŋ. Agi e wo eka bi e wo la ekŋe ototno, ambo agi e da moare nzenze a gbu angyiŋ. Alo o wo eka bi e wo la emakyeŋ ma mbo, ambo agi angyiŋ e wo la emayaŋ a mbo e ma.

1 Etimoti 3:6

O raŋ o gre baŋ a dzu are la a yga Ahogbrẽ ehehe angyiŋ mbo, o mbo le aŋa á ygi egʼba. Edgu are he lo, moa á sõ ŋa ombgu eka ba moa a sheŋ a sõ Eshitaŋ ombgu.

Amatiyu 13:51

Eyesu a zhĩ mo a lu mi le, Agimi e ka ayakplo he lo e bmye ma? Moa a bmi ba moa a ka lo a bmye.

Amatiyu 13:53

Ambla ba Eyesu a lu odlo la egŋe eka he a khwo nga, a kso okro he lo.

Amatiyu 28:19

Agimi e yi okro moarehwĩ pyeŋ ayaŋ a mbo obiŋ hi, nga e zhiŋ mo e da mo a dzu moanwyeotum me. Nga, e kpo mo abaptisma eshko Ada, ta la e ba Anwye, ta la e ba Ogbgaodzi.