Amatiyu 13:46 - Ohwihwim Olehe

⁴⁶ Ombayaŋ a mbo baŋ a hwiŋ epal la e wo edzi nzenze le, aŋa á yi á shri anzho baŋ pyeŋ á shri á gbmo nga á ba a gbmo lo.

Amatiyu 13:46 Referans Kwoze

MoAfisu 3:8

Ame e wo arehwĩ ba amom-abgo ototno eshki moarehwĩ pyeŋ ba Ahogbrẽ la a sheŋ a nye. Ekakahelo a mbo, Ahogbrẽ a hwile me ozhẽ okyku o da me e shri Oshpaodzadzi e shri e da moa la a wo moaEyahuda mbo. O wo eshri owlama ba Ekristi la o gre mvye.

MoaOkolosi 2:3

Aŋa angyiŋ a wo emakuli ba o hwile angyiŋ mvye ba moa a ghre lo la a wo okaobmye ta la oyioyi ba Ahogbrẽ.

Otum 20:24

Ambo ame e sko eso me e da lo e dzu ekplokyeŋ mbo. Okyku eshi ame e klo o bli otum ba Adigi Eyesu a shri a da me, ba ame e kpo. Otum ozgi egŋe Oshpaodzadzi ba okpoghwo ba Ahogbrẽ.

Amatiyu 13:44

Oreŋ Ongyeŋ o wo eka ba angyiŋ la a ghre agbi. Are-kyeŋ a hwiŋ lo, ambo a bla alo a ghre ma, okyku baŋ a gno oraŋ a gre eshri. Okyku eka he aŋa a gre a yi a sko ekployaŋ a mbo baŋ a wo la alo ma a gbmo a khwo nga, a gre a yi a gbmo agbi lo.

Otsotsa 21:21

Ayizhẽ otsko lo angyiŋ a wo ézhim otsko ba moa a bzi lo ma epal. Moa a kpo ayizhẽyaŋ a mbo la epal ekyeŋ sha angyiŋ. Moa a kpo anyuŋ-ozhẽ ba osku lo la azurfa ba adlidzi. O wo zhezheŋ eka ba eglas.

MoaEgalasiya 6:14

Okro me, ekayaŋ a mbo ame é nyom egʼba okyku egŋe aki ba Adigi-odne Eyesu Ekristi sha. Okyku eshi okro ba egŋe aki baŋ sha angyiŋ ayakplo ba obiŋ hi a kpu okro me, nga ame a mbo e kpu okro ba ayakplo ba obiŋ hi.

Amatiyu 13:45

Oreŋ Ongyeŋ o sa o wo eka ba are la a shri anzho a gbmo a klo epal la e wo edzadzi.

Amatiyu 13:47

Oreŋ Ongyeŋ o sa o wo eka ekyeŋ ba moa a ngla lo a shri a ta ami atam, nga e vu edgu atsa andandandim.

Otsotsa 18:12

Arekyeŋ á gbmo azurfa o mbo le ezanariya, ta la ezhim la e wo la amgbaŋ nzenze, ta la ézhim la e shka ayi, ta la anzho mo ba elili, ta la aknye abme, ta la esiliki ta la aknye la a wo abme mbwi nga mbo. Nga arekyeŋ á gbmo ayakplo ba moa a sẽ lo la akiki la a wo adzi a gre eshri, ta la ayakplo ba moa a kpo lo la azhga enyi, ta la akiki la a wo egbmo nzenze, ta la ayakplo ba moa a kpo lo la ahwre abme, ta la ahwre, ta la ézhim la e shka ayi ba moa a bzi lo ma amablo nga mbo.