Amatiyu 10:33 - Ohwihwim Olehe

³³ Ambo areyaŋ a mbo la a kpo evom me egi ayi moare, ame a mbo é kpo evom baŋ egi ayi ba Adugu la a wo Ongyeŋ.

Amatiyu 10:33 Referans Kwoze

2 Etimoti 2:12

O wo bi e bmi e ghwo esõ le, agi é ri ekʼpo ka la ŋa otsotse. Nga o wo bi e kpo evom baŋ le, aŋa a mbo á kpo evom bi.

Oluka 9:26

O wo ba are a tla odlo me, ta la onyenye me le, omba ba Anwye Arehwĩ á ba a ba la ayimom ba esesla baŋ, ta la ba adaŋ, ta la moanwyeadga ba Ahogbrẽ le, omba he lo a mbo, Anwye Arehwĩ á tla are he lo.

Oluka 12:9

Nga areyaŋ a mbo la a dzu evom me egi ayi moarehwi le, Anwye Arehwĩ a mbo á dzu evom are he lo egi ayi moanwyeadga ba Ahogbrẽ.

1 Eyohana 2:23

Nga are la a tla Anwye le, aŋa a tla Ada a mbo ko-ko. Nga are la a yga Anwye le, aŋa a yga Ada a mbo ko-ko.

2 Ebitru 2:1

Moare la a sheŋ akpro ma Ahogbrẽ angyiŋ a hom mo otum, a zgi eshki moare ayga, ekakahelo angyiŋ, moare la a nye onyenye ba akpro á ba a zgi eshki bimi. Moa á nye onyenye la o wo oyla, ta la onyenye ba akpro nga, moa á dzu evom ba Adigi-odne la a shla mo, nga moa á jygi oshoshoŋ okyku lo.

Amarku 14:30

Eyesu a tno ŋa ma a lu mi le, Ebitru o tne o ka, engo é tko engyi eha ayga aŋo ó ba o kpo evom me engyi etra okyukyku o ba anye he mbo.

Amarku 8:38

O wo ba arekyeŋ a kpo anzi okyku me ta la odlo me omba ba odlobi nzenze he lo le, Anwye Arehwĩ á kpo anzi okyku are he lo, onda baŋ á ba a ba la ayimom ba esesla ba Adaŋ, pa la moanwyeadga ba Ahogbrẽ.

Amarku 14:72

Ambla baŋ a dzu evom odgo otra a khwo nga, engo e tko odgo oha nga Ebitru a tne aga ekplo ba Eyesu a lu ka la ŋa a lu mi le, Aŋo Ebitru ó dzu evom me engyi etra ayga engo é ba e tko engyi eha. Ebitru a tne aga nga a wu okũ.

Oluka 22:57

Ambo Ebitru a dzu evom gaŋ a lu mi le, Ashe, ame e yi ŋa mbo!