Amatiyu 10:17 - Ohwihwim Olehe

¹⁷ Agimi e nyuŋ e ka, moare la á ba a ba á vu gimi nga á shri gimi á yi akuombgu á yi á ba. Moa á taŋ gimi andzu aku ba moa a la a shki eshki ma.

Amatiyu 10:17 Referans Kwoze

Amarku 13:9

Agimi e nyuŋ e ka, okyku eshi moare á vu gimi nga á shri gimi á yi aku ombgu. Moa á bga gimi akulu nga agimi é zgi egŋe Oshpaodzadzi me egi ayi moareŋ, ta la moanyuŋ-areŋ.

Amatiyu 23:34

Okyku eka he ame e lu e da gimi, ame e da moarehwĩ ba Ahogbrẽ a hom mo otum, pa la moare la a wo la okaobmye ma, pa la moa la a nye a ba, agimi nga é bga moakyeŋ eshki mo, nga é kũ moabze ekusa egŋe aki, nga agimi é taŋ moa-kyeŋ andzu anwyeakulu bimi, nga agimi é dzi esku é la é klo mo.

Otum 26:11

Engyi oshushku ame e la e kpo mo ewu anwyeakulu mo, nga ame e tspi gble okyku o da mo a tla obmi ba adlidzi mo. Ame e kpo efpu pa la mo, nga ame e klu mo e gre esku andandandim okyku o kpo mo ewu.

Eyohana 16:2

Moa á se gimi á sku eshki mo. Nga omba ó yi ó ba ba areyaŋ a mbo la a bga gimi, baŋ á ba a ka ma aŋa a kpo lo okyku Ahogbrẽ angyiŋ.

Oluka 12:11

Omba ba moa a shri gimi a gre anwyeakulu okyku o sõ gimi ombgu le, o mbo le omba ba moa a shri gimi a gre egi ayi moa-ogomna, o mbo le egi ayi moare la a ri ekʼpo, agimi e da eso e kpla gimi e gbu okyku ekplo bimi é ba e lu okyku o kpaŋ eshri bimi mbo.

Amatiyu 5:22

Ambo ohuhuhi ame e lu e da gimi, areyaŋ a mbo la a kpo olom ta la anáŋ, moa á sõ ŋa ombgu, nga areyaŋ a mbo la a bzi anáŋ ma Arehwĩ ba ototno, moa á shri ŋa á yi egi ayi moandakʼpo. Nga areyaŋ a mbo la a bzi anáŋ ma Adro ba ototno, a wo oyla baŋ á yi enzheovo.

Otum 22:19

Ame e tno ma e lu mi le, Adigi-odne, moa a yi zhezheŋ ba ame e la e gre anwyeakulu e yi e la e vu moare la a bmi ba adlidzi ka la ŋo, nga e la e taŋ mo andzu.

MoaIbrani 11:36

Moa a lu ega a ygi moabze nga moa a taŋ mo andzu. Nga moa a ta moabze aslika nga moa a shri mo a ta aku.

2 Etimoti 4:15

Aŋo a mbo, o nyuŋ o kpo-kpo ka la ŋa, okyku eshi a bmi ta la oshpa bi e la e nyum mbo ku-ku.

MoaEfilibi 3:2

E nyuŋ e ka okyku moare la a la a kpo ayakplobi. Moa a wo ebu, moa angyiŋ a wo moare-hwĩ la a la a zga omgbybi okyku o tska egʼba.

Eyohana 11:47

MoaEfarisi pa la moandakʼpo olu ba Ahogbrẽ a gre a yi a ka moandakʼpo la a sõ ombgu nga a zhĩ mo a lu mi le, Agi é kpo eshi eshri ayakplo egbregbre ba alom hi a la a kpo he?

Amarku 13:12

Moare á rʼgu moanimo á da mo a bga mo. Moadimoanwye á rʼgu moanwye moa nga á da mo a bga mo. Moanwye á rʼgu moadimo nga á da mo a bga mo.

Amatiyu 26:59

Moandakʼpo olu, pa la moa la a sõ ombgu mvye a klo moaegŋe akpro eshri Eyesu, okyku o da mo a sheŋ ombgu eku eshri baŋ.

Otum 17:14

Moanáŋ a ka eka he nga, moa a knye la Oblus a shri a gre akaŋ anyuŋ-ondzu. Ambo Esila ta la Eti-moti, moa a ra a dzu Eberiya.

Amatiyu 20:19

Nga moa á shri ŋa á da moa la a wo moaEyahuda mbo, nga moare hi lo á lu ega á ygi ŋa, nga moa á taŋ ŋa andzu, nga moa á kũ ŋa okusa egŋe aki. Ahogbrẽ nga á kso ŋa ongybi olum ba otra.

Amatiyu 10:18

Moa á shri gimi á ba okro moa a la a ri ekʼpo, pa la moanyuŋ-areŋ, moa á sõ gimi ombgu okyku me, okyku o da gimi e nyum Oshpaodzadzi e ygi mo pa la moa la a wo moaEyahuda mbo.

Otum 9:2

okyku o daŋ a yga akpekpa la a tsa moa a shri ekʼpo a shri a daŋ, okyku o daŋ a yi anwyeakulu andandandim moaEyahuda osku ba Adamasku, okyku o daŋ a vu moare la a lu Eyesu ma, moarealom pa la moashe nga okyku o shri mo o ba Orushalima.