Amatiyu 10:14 - Ohwihwim Olehe

¹⁴ Odne, o mbo le osku la o yga gimi mbo le, agimi e zgi e sku lo, nga e ndza abgo bimi e sku lo.

Amatiyu 10:14 Referans Kwoze

Otum 18:6

Omba moare a tsi odlo baŋ a lu a ghwo ayi mbo, aŋa a ndza abgo baŋ a sku mo nga a nyuŋ mo a lu mi le, O wo bimi e hwiŋ oshla mbo le, agimi e hẽ arekyeŋ mbo, a mbo e hẽ eshri bimi angyiŋ! O me o wo akplokyeŋ mbo. O zga ohuhuhi, ame e yi okro moa la a wo moaEyahuda mbo.

Otum 13:51

Moa la a nyum oshpa lo a ndza abgo mo nga moa a gre emo osku ba Ekoniyom.

Oluka 9:5

Okroyaŋ a mbo ba moa a yga gimi la ovyevye mbo, agimi e zhiŋ ogbu e dzu mo e zga, nga e ndza abgo bimi e sku mo okyku o suŋ mo egʼba.

Amarku 6:11

Osku bimi e gbu ma, o wo moa a yga gimi mbo le, agimi e dzu mo e zga, nga e ndza abgo bimi nga e yi egimi. Alo ó tsa mo.

1 MoaEtasolonika 4:8

Okyku eka he nga, areyaŋ a mbo la a tla onyenye he lo, a tla arehwĩ angyiŋ mbo, ambo a tla Ahogbrẽ angyiŋ la a la a shri Ogbgaodzi a da gimi.

Eyohana 13:20

Ame e la e lu adlidzi angyiŋ e da gimi, areyaŋ a mbo la a yga are ba ame e hom ŋa otum le, a yga me angyiŋ. Are la a yga me le, a yga are la a hom me otum.

Amarku 9:37

Areyaŋ a mbo la a yga anwye afifi eka he eshko me, a yga me sha mbo, ambo a yga are la a hom me otum a mbo.

Amatiyu 18:5

Okyku eka he, areyaŋ a mbo la a yga akyeŋ eshki moanwye afifi he lo eshko me le, a yga me angyiŋ.

Oluka 9:48

Ambla he nga a nyuŋ mo a lu mi le, Areyaŋ a mbo la a yga akyeŋ eshki moanwye afifi he lo le, a yga me angyiŋ. Are la a yga me le, a yga are la a hom me otum. Nga areyaŋ a mbo ba moa a sko ŋa a zga akplokyeŋ eshki bimi mbo, moa á sko ŋa á zga anyuanyuŋ a gre pyeŋ.

Amatiyu 10:13

O wo moarehwĩ ba odne lo a yga gimi la anyu eŋo le, oshko bimi e shko mo lo ó kpo mo owlama, ambo o wo ba moa a yga gimi la anyu eŋo mbo, alo ó kpo mo owlama ku-ku mbo.