Amarku 6:11 - Ohwihwim Olehe

¹¹ Osku bimi e gbu ma, o wo moa a yga gimi mbo le, agimi e dzu mo e zga, nga e ndza abgo bimi nga e yi egimi. Alo ó tsa mo.

Amarku 6:11 Referans Kwoze

Otum 18:6

Omba moare a tsi odlo baŋ a lu a ghwo ayi mbo, aŋa a ndza abgo baŋ a sku mo nga a nyuŋ mo a lu mi le, O wo bimi e hwiŋ oshla mbo le, agimi e hẽ arekyeŋ mbo, a mbo e hẽ eshri bimi angyiŋ! O me o wo akplokyeŋ mbo. O zga ohuhuhi, ame e yi okro moa la a wo moaEyahuda mbo.

Eyahuda 1:7

Agimi e tne aga eshri ba Osodom ta la Ogomora, ta la esku la e wo osusku ta la lo. Moarehwĩ ba ekro he lo moa a kpo eka ba moanwyeadga ba egbga a kpo. Moa a ta ekpa nga moa a kpo ayakplo la a wo shasha mbo. Okyku eka he, ewu mo angyiŋ e dzu ovo ba gbagbu-amo. Nga alo o kpo okyku o sa o nye moahwõ pyeŋ.

1 Eyohana 4:17

Okyku okũ he lo angyiŋ, moa a da oklo o bli okro bi, okyku o da gi e bli la oshye-esõ Olum onda ba ombgu lo, okyku eshi odzudzu bi obiŋ hi o wo okyekyeŋ angyiŋ ta la odzudzu ba Ekristi. Eyli e wo okro ba oklo mbo ku-ku.

2 Ebitru 3:7

Ambo ongyeŋ pyeŋ ta la obiŋ hi la o wo ma ohuhuhi, odlo he lo angyiŋ ó shri lo ó zga ma, okyku o da mo a jygi lo la ovo. Moa a shri lo pyeŋ a zga ma á bli onda ba moa á sõ moarehwĩ ba odlobi ombgu nga á jygi mo.

2 Ebitru 2:9

Okyku eka he, Adigi-odne a yi eka baŋ a se moarehwĩ ba Ahogbrẽ a sku ewu ba moa a wo ma. Nga a sa a yi eka baŋ á shri ewu á zga ma okyku moarehwĩ ba odlobi Olum onda ba Ombgu lo.

2 Ebitru 2:6

Ahogbrẽ a shraŋ moarehwĩ ba esku ba Osodom ta la Ogomora, nga a jygi mo la ovo, nga a da lo o dzu egŋe okyku moarehwĩ ba odlobi, eshri ekplo la é ba e kpo pa la mo.

MoaOroma 2:16

Ozhẽ Oshpaodzadzi ba ame e nyum hi, o tsa eka ba Ahogbrẽ á ba a kpo onda mi lo. Á sõ moare ombgu eshko ba Eyesu Ekristi okyku ayakplo ba moa a ghre eso mo.

MoaOroma 2:5

Ambo aŋo o wo la eso la e shye nga o shye eshri boŋ. Okyku eka he aŋo o da ombgu boŋ o la o ta ma o ta-ta. Nga alo ó wo nzenze onda ba Ahogbrẽ á ba a hwile esõ-etpiayi baŋ nga á sõ areyaŋ a mbo ombgu ba adlidzi.

Oluka 9:5

Okroyaŋ a mbo ba moa a yga gimi la ovyevye mbo, agimi e zhiŋ ogbu e dzu mo e zga, nga e ndza abgo bimi e sku mo okyku o suŋ mo egʼba.

Amatiyu 12:36

Ame e lu e da gimi, Onda Ombgu le, areyaŋ a mbo á wre odlo ototno baŋ a la a lu, á da mo a ka.

Amarku 6:10

Nga o wo bimi e gbu osku le, e dzu odne oriori bimi e tum ma, e nyiŋ adne mbo. E dzu ma-me o tsa onda bimi e kso.