Amarku 1:27 - Ohwihwim Olehe

²⁷ Moarehwi a ka egbregbre a gre eshri nga a zhĩ emo ma, Eshi eka he? Onyenye ohekyeŋ mi e tu? E ka, alom he a wo ekʼpo ma baŋ a shrom egbgabi nga e gno ŋa.

Amarku 1:27 Referans Kwoze

Oluka 9:1

Eyesu a bzi moanwyeotum baŋ otsko nga a shri ekʼpo ba o se egbgabi, ta la ekʼpo ba o shaŋ elolo a shri a da mo.

Amarku 7:37

Moa la a gno oshpa ekplo la e kpo mvye a ka egbregbre a gre eshri. Moa a lu mi le, Aŋa a kpo ekployaŋ a mbo shasha. Aŋa a la a kpo anyu, a da moa la a tsom atuŋ a gno, nga moa la a zhga olom a lu odlo.

Amatiyu 15:31

Moare a ka egbregbre eka moa a ka moa la a buŋ olom mgbyiŋ, a lu odlo, nga moa la a shla adga a sa a dzi, nga ba moa la a buŋ adga a sa a dzi, nga ba moa la a vga ayi a sa a ka. Moa a hlu Ahogbrẽ ba Esrayila eshko okyku ayakplo he lo.

Amatiyu 9:33

Ambla ba Eyesu a se lo a sku ŋa a khwo nga, a kpla eŋa egba. Areyaŋ a mbo a ka egbregbre a gre eshri. Nga moa a lu mi le, Agi e ka ekplokyeŋ eka he obiŋ ba Esrayila ondakyeŋ mbo!

Oluka 4:36

Areyaŋ a mbo a ka egbregbre, nga moa a lu odlo ta la emo a lu mi le, Eshi edgu odlo o wo ohi? La oshye ta la ekʼpo, alom he lo a la a jygu egbgabi odaŋ nga e zgi!

Amarku 10:32

Eyesu pa la moanwyeotum baŋ, pa la moare nzenze a wo ozhẽ moa a yi Orushalima. Eyesu a gre ozhẽ. Moanwyeotum baŋ pa la moare la a lu ŋa ma, esõ e tpi mo ayi okyku ekplo la é ba e kpo ka la ŋa. Eyesu a sa a gre agba pa la moanwyeotum baŋ nga a lu ayakplo la á ba a kpo ka la ŋa a da mo.

Amarku 10:24

Odlo ba Eyesu a lu o suŋ moanwyeotum egʼba, ambo a sa a lu mi le, Agimi eyi anwye ba esõ me e ka, o wo ewu o gre eshri ba are la a sko eshri baŋ a zga oklo angyiŋ sha á ba a yi Oreŋ Ahogbrẽ.

Amatiyu 8:9

Ame a mbo, e wo abgo moandakʼpo la a gre me angyiŋ. Ame nga e wo moanwyeakyuŋ abgo me. O wo ba ame e hwile anyu e nyuŋ ahi e lu mi le, O yi! aŋa a la a yi. Nga o wo ba ame e sa e nyuŋ ŋa ma a ba, a la a ba. Nga o wo ba ame e hwile anyu e nyuŋ awaghrẽ me, ma a kpo eka he, aŋa a la a kpo eka he lo.

Amarku 1:26

Ogbgabi lo nga o da alom a sheŋ ayaŋ a dga, nga o ta enzi angyangyeŋ, nga o zgi o sku ŋa.

Amarku 1:28

Nga oshpa ba Eyesu o ngla o tsi o gre obiŋ ba Egalili.

Amarku 16:5

Moashe lo a mbli ongybi a ka nga, moa a ka ola anwye la a ygi ariga kyekyle a dzu agba obgori ongybi lo eshyẽ. Nga eyli e kpo mo.

Amarku 16:6

Ola anwye lo a nyuŋ mo a lu mi le, Agimi e kpo eyli mbo. Ame e yi ba agimi e klo Eyesu ba Anazarata moa a gne ŋa egŋe aki. Ambo a wo ahe nga mbo, a sheŋ a kso bgu. Agimi e ka, okro moa a shri ŋa a lom ma o wo ohi.

Otum 17:19

Okyku eka he, moa a shri Oblus a ba aku eshki ba Ariyobga nga moa a nyuŋ ŋa a lu mi le, Agi e klo e gno onyenye olehe boŋ o la o lu odlo eshri lo he.