Amarku 1:21 - Ohwihwim Olehe

²¹ Eyesu pa la moare la a lu ŋa ma a ba osku ba Akafanahum, onda Asabat nga a gre anwyeakulu nga a nye moare odlo Ahogbrẽ.

Amarku 1:21 Referans Kwoze

Amarku 6:2

Onda Asabat Eyesu a gre anwyeakulu nga a nye moare odlo Ahogbrẽ. Moare nzenze a ba a gno onyenye baŋ nga moa a ka egbregbre nzenze. Moa a zhĩ ma, Eyesu a hwiŋ edgu onyenye he lo ayaŋ? Nga a kpo anyu a hwiŋ edgu okaobmye he lo? A kpo anyu a kpo ayakplo ba egbregbre eka he?

Amarku 1:39

Eyesu a gre esku andandandim obiŋ ba Egalili nga a nyum oshpa anwyeakulu, nga a se egbgabi nzenze.

Amatiyu 4:23

Eyesu a dzi obiŋ da Egalili pyeŋ nga, a la a nye moare anwyeakulu. Nga a nyum Oshpaodzadzi ba Oreŋ lo, nga a shaŋ moare la a wo edgu elolo andandandim.

Otum 17:2

Oblus a gbu Etasolonika nga a gre anwyeakulu moaEyahuda eka baŋ a la a kpo. A kpo elum Asabat etra a la a nye moare odlo Ahogbrẽ.

Otum 18:4

Oblus a la a kla odlo pa la moaEyahuda anwyeakulu moaEyahuda onda Asabatyaŋ a mbo, okyku o daŋ a zhiŋ moaEyahuda ta la moaEgrise.

Amatiyu 4:13

Aŋa a dzu osku ba Anazarata mbo, ambo a gre a yi a dzu Akafanahum, osku lo o wo osusku ta la atam ba Egalili, ogʼba obiŋ ba Ezabulu, ta la Anaftali.

Oluka 13:10

Onda ba Asabat nga, Eyesu a gre anwyeakulu nga a nyum oshpa ma.

Oluka 10:15

Aŋo Akafanahum! Aŋo o klo o si eŋo o yi Ongyeŋ? Ambo, moa á shri ŋo á ta enzheovo!

Oluka 4:16

Omba he lo Eyesu a gre osku ba Anazarata, okro baŋ a bmye ayi ma. Onda Asabat nga a gre eshki eka baŋ a la a yi. A kso okyku o tsi Akpa ba Ahogbrẽ.

Amarku 10:1

Eyesu a kso osku he lo a bmyi ondzu ba Ordu a ba obiŋ Eyahuda. Moarehwi nzenze a ba okro baŋ nga a nye mo eka baŋ a la a kpo.

Amarku 2:1

Ambla ba elum fi nga, Eyesu a bla a gre Akafanahum, oshpa baŋ a ba odne o ngla o tsi o gre.

Amarku 1:20

Eyesu a ka mo nga a bzi mo. Moa a kso a dzu adimo ta la moarehwi la a kpo mo otum a zga, nga a lu Eyesu ma.

Amarku 1:29

Eyesu pa la moanwyeotum baŋ anyi a zgi akulu nga a gre odne ba Esima ta la Andru otsotse, ta la Eyakubu, ta la Eyohana.

Amarku 1:33

Moare nzenze ba osku ba Akafanahum a ba a tspi akaŋ odne ba Esima ta la Andru.

Amarku 3:1

Eyesu a bla a gre anwyeakulu nga, a ka andeobgo alomakyeŋ ma.

Oluka 4:23

Eyesu a nyuŋ mo a lu mi le, Ame e yi zhezheŋ ba agimi é ba e sko odlo he lo é ba e lu eshri me é lu mi le, Anyuŋ elikita, o shaŋ eshri boŋ. Ame e yi bimi é ba e lu pa la me é lu mi le, Aŋo o kpo edgu ayakplo ba agi e gno ma aŋo o kpo osku ba Akafanahum, o kpo lo osku boŋ a mbo ko-ko.