1 Etimoti 4:4 - Ohwihwim Olehe

⁴ Ekployaŋ a mbo ba Ahogbrẽ a kpo e wo edzi. O raŋ o gre moa a tla ekplokyeŋ ku-ku mbo. Ambo o raŋ o gre moa a yga ekplo-yaŋ a mbo ta la olu ba ovye.

1 Etimoti 4:4 Referans Kwoze

MoaOroma 14:20

Ambo o wo odzi boŋ o tpi otum Ahogbrẽ ayi okyku algori mbo. Aŋo o kpo o gbu boŋ o ri ekployaŋ a mbo, ambo o wo odzi mbo boŋ o ri ekplo la é ba e da anóŋ a tsu a gbu odlobi.

1 MoaOkorinti 10:25

Ekplokyeŋ e nyom bimi e taŋ ebyi edguyaŋ a mbo moa a la a shri a gbmo ekyku mbo, nga agimi e zhĩ ekplokyeŋ okyku aga ba enzi ba eso mbo.

MoaOroma 14:14

Eka ba odzudzu me ta la Adigi Eyesu, o da me e ka e bmye ba ekplokyeŋ eshrishri eŋa e wo odlobi mbo. Ambo o wo ba arekyeŋ a sko ekplokyeŋ a zga la eshre le, alo é zhiŋ é dzu ekplo ba eshre egi ayi baŋ.

1 MoaOkorinti 10:23

Moahwõ a lu mi le, Moa a da gi ozhẽ okyku o da gi e kpo akployaŋ a mbo. O wo eka he lo angyiŋ, ambo ekployaŋ a mbo e wo edzi ba o kpo-kpo mbo. Moa a da gi ozhẽ okyku o da gi e kpo ekployaŋ a mbo, ambo ekployaŋ a mbo angyiŋ e wo la owlama mbo.

Otum 21:25

Ambo moa la a wo moaEyahuda mbo la a bmi ba adlidzi, agi e ta akpa e kom mo e lu mi ma moa a ri algo ololo mbo, nga a wa amanzhli mbo, nga a taŋ ebyi moa a kplu lo oto mbo mbo, nga moa a kpo ayakplo eshre mbo.

1 Etimoti 4:3

Moa edgu moare he lo a la a nye moare a lu ma alo o wo odzi ba moa a kyu ashe mbo, nga o raŋ o gre ba moa a ri edgu algokyeŋ mbo. Ambo Ahogbrẽ angyiŋ a kpo algo pyeŋ okyku o da mo a ri, ambla ba moa la a bmi ba adlidzi ka la ŋa nga a yi adlidzi, moa a vye la ŋa okyku lo.

Otum 15:29

Agimi e ri algo ololo mbo. Agimi e wa amanzhli mbo. Agimi e taŋ ebyi moa a kplu lo oto sha. Nga agimi e kpo ayakplo eshre mbo. O wo bimi e kpaŋ odaŋ he lo le, agimi e tspi adzadzi. Ondanda dne a mo.

Otum 10:15

Ambo Ebitru a tno ŋa ma a lu mi le, Adigi-odne, o kpo o gbu mbo ku-ku! Ame e taŋ ema la e wo eshre e ka mbo.

MoaOroma 14:6

Are la a sko olumobze a zga la onyuonyuŋ, a la a kpo lo okyku o hlu Ahogbrẽ eshko angyiŋ. Are la a ri ekployaŋ a mbo, a ri lo okyku o hlu Ahogbrẽ eshko angyiŋ. Okyku aŋa a vye la Ahogbrẽ okyku algo lo. O wo ba arekyeŋ a tla o ri emakyeŋ le, aŋa a kpo lo okyku o hlu Ahogbrẽ eshko angyiŋ, nga a vye la Ahogbrẽ.

1 MoaOkorinti 10:26

Okyku eshi Akpa ba Ahogbrẽ a lu mi le, Obiŋ hi pyeŋ, ta la ekployaŋ a mbo la e wo ma e wo e ba Adigi-odne angyiŋ.

1 MoaOkorinti 10:30

Nga o wo ba ame e vye la Ahogbrẽ okyku algo lo e khwo, okyku eshi arekyeŋ a sa a klo odlo pa la me eshri algo ba ame e sheŋ e vye Ahogbrẽ okyku lo?