1 Etimoti 4:3 - Ohwihwim Olehe

³ Moa edgu moare he lo a la a nye moare a lu ma alo o wo odzi ba moa a kyu ashe mbo, nga o raŋ o gre ba moa a ri edgu algokyeŋ mbo. Ambo Ahogbrẽ angyiŋ a kpo algo pyeŋ okyku o da mo a ri, ambla ba moa la a bmi ba adlidzi ka la ŋa nga a yi adlidzi, moa a vye la ŋa okyku lo.

1 Etimoti 4:3 Referans Kwoze

1 Etimoti 4:4

Ekployaŋ a mbo ba Ahogbrẽ a kpo e wo edzi. O raŋ o gre moa a tla ekplokyeŋ ku-ku mbo. Ambo o raŋ o gre moa a yga ekplo-yaŋ a mbo ta la olu ba ovye.

MoaIbrani 13:4

Areyaŋ a mbo a ka eble la ololbi. O dzu omgbybi ba moarealom pa la moashe, moa a kpo adlidzi ta la emo, okyku eshi Ahogbrẽ á sõ moa la a wo eshre pa la moa la a ta ekpa ombgu.

MoaOroma 14:6

Are la a sko olumobze a zga la onyuonyuŋ, a la a kpo lo okyku o hlu Ahogbrẽ eshko angyiŋ. Are la a ri ekployaŋ a mbo, a ri lo okyku o hlu Ahogbrẽ eshko angyiŋ. Okyku aŋa a vye la Ahogbrẽ okyku algo lo. O wo ba arekyeŋ a tla o ri emakyeŋ le, aŋa a kpo lo okyku o hlu Ahogbrẽ eshko angyiŋ, nga a vye la Ahogbrẽ.

MoaOkolosi 2:16

Okyku eka he, agimi e da arekyeŋ a jygu odaŋ eshri ekplo ba agimi e ri nga e wa mbo. O mbo le eshri olum ba esesla, o mbo le eshri oriabgo ba ohwa mbo. O mbo le eshri ba onda ba asabat mbo.

1 MoaOkorinti 8:8

Algori á shri gi á ba osusku ta la Ahogbrẽ mbo. O wo ba agi e ri algo mbo a mbo, ekplokyeŋ é kpo gi ewu mbo, nga agi e ri a mbo agi e ka e hwiŋ ekplokyeŋ mbo.

MoaOkolosi 3:17

Okro ekployaŋ a mbo ba agimi e la e kpo nga e la e lu, e kpo lo eshko ba Adigi-odne Eyesu, eka ba agimi e la e vye la Ahogbrẽ Adigi okro baŋ.

1 MoaOkorinti 7:28

Ambo aŋo o kpo odlobi angyiŋ mbo o wo boŋ o kyu ashe. Nga o wo ba ashe a kyu alom le, aŋa a kpo odlobi angyiŋ mbo. Ambo ame e klo e fa ewu ba elulum ba moa edgu he lo a la a kpo e ra angyiŋ.

MoaOroma 14:3

O raŋ o gre ba are la a ri ekployaŋ a mbo, a dzĩ are la a ri mbo ku-ku mbo. Are la a taŋ ayeya sha a dzĩ are la a ri ayakplo pyeŋ mbo ku-ku, okyku eshi Ahogbrẽ a sko lo a zga akplokyeŋ mbo.

MoaIbrani 13:9

Agimi e da edgu onyenyekyeŋ la o wo ondundum o sko gimi o sku ozhẽ ba adlidzi lo mbo. O wo odzi ba esõ bi e hwiŋ oshye okro ba okpoghwo ba Ahogbrẽ. O wo ozhẽ ba okpaŋ odaŋ ba algo angyiŋ mbo. Moa la a la a kpaŋ edgu odaŋ he lo, moa a hwiŋ owlama akplokyeŋ ba alo mbo ku-ku.

1 Etimoti 2:4

Aŋa nga a klo moarehwĩ pyeŋ a hwiŋ oshla nga a yi adlidzi.

1 MoaOkorinti 6:13

O dzu mbo arekyeŋ a zgi anyu a lu mi le, Algo a wo okyku akpyki angyiŋ, nga akpyki a wo okyku algo angyiŋ. Alo o wo eka he, ambo Ahogbrẽ á da ayakplo aha he lo pyeŋ a bre á yi. Egʼba ba arehwĩ e wo okyku o daŋ a la a kpo ayakplo ba eshre ta la alo angyiŋ mbo. E wo okyku Ahogbrẽ Adigi-odne angyiŋ. Adigi-odne nga a wo okyku o kpo otum ta la egʼba lo.

MoaOroma 14:17

Okyku eshi Oreŋ ba Ahogbrẽ o wo okyku oruri ta la owowa angyiŋ mbo. Ambo alo o wo odlodzi ta la opyapyaŋ ta la ovye, ayakplo hi lo, Ogbgaodzi angyiŋ o shri lo o di.

Amatiyu 15:36

Ambla he nga aŋa a sko agbrotsa afoha, ta la atsa lo, nga a vye Ahogbrẽ okyku lo, ambla he nga a kplu lo a gbu nga a shri a da moanwyeotum baŋ, nga moanwyeotum a shri lo a shri a gʼba moare.

Amatiyu 14:19

A da moare a dzu obiŋ asoso. Ambla he nga a sko agbrotsa atno lo, ta atsa aha, nga aŋa a ka ongyeŋ, nga a vye Ahogbrẽ. Ambla he nga a tsoŋ agbrotsa lo agbu nga a shri a da moanwyeotum. Moanwyeotum nga a shri lo a da moare.

Otum 27:35

Ambla ba Oblus a lu eka he a khwo nga, a sko agbrotsa nga a vye Ahogbrẽ egi ayi mo nga, a kplu lo a zga esĩ a taŋ.

Eyohana 6:23

Amgblami ahwõ a zgi Etebiriya a ba akaŋ la a wo osusku ta la okro ba moare a taŋ agbrotsa ambla ba Adigi a vye Ahogbrẽ okyku lo.

Oluka 24:30

A dzu okro o ri algo pa la mo otsotse nga a sko agbrotsa nga a vye Ahogbrẽ, a kplu lo a shri a da mo.

Amatiyu 15:11

Ekplo ba are a ri e gre e yi akpyki angyiŋ e tpi ŋa ayi mbo, ambo aga la a zgi esõ baŋ angyiŋ a tpi ŋa ayi.

1 Etimoti 5:14

Okyku eka he, ame e ka alo o raŋ o gre ba ashe-eshaku la a yi a ra ola a kyu eŋa eble, okyku o daŋ a mbre moanwye nga a kpaŋ odne mo, okyku o da moafpu gi a hwiŋ ozhẽ a la a lu odlo ototno eshri bi mbo.