1 Etimoti 4:1 - Ohwihwim Olehe

¹ Ogbgaodzi o lu zhezheŋ o lu ma moabze á tla ozhẽ ba Eyesu omba ba amom-abgo. Nga moa á fa olbi á da egbgabi la e sheŋ akpro, nga moa á yga onyenye ba ábili.

1 Etimoti 4:1 Referans Kwoze

2 Ebitru 2:1

Moare la a sheŋ akpro ma Ahogbrẽ angyiŋ a hom mo otum, a zgi eshki moare ayga, ekakahelo angyiŋ, moare la a nye onyenye ba akpro á ba a zgi eshki bimi. Moa á nye onyenye la o wo oyla, ta la onyenye ba akpro nga, moa á dzu evom ba Adigi-odne la a shla mo, nga moa á jygi oshoshoŋ okyku lo.

Eyahuda 1:18

Moa a lu ka la gimi a lu mi le, Omba ba amom-abgo o ba bgu le, moare la á ba a lu ega á ygi gimi moa á ba. Edgu moarehwĩ he lo moa á kpo ayakplobi ba esõ mo e klo angyiŋ.

2 Ebitru 3:3

Ekplo ba oriori, o raŋ o gre ba agimi e ka e bmye eka ba moakyeŋ á ba a ba omba ba amom-abgo. Okoklo ba egʼba angyiŋ ó ba o ri ekʼpo pa la moare he lo. Moa á lu ega á ygi gimi.

Eyahuda 1:4

Okyku eshi moarehwĩ la a wo a ba Ahogbrẽ mbo, moa a ta adga shu a ba a gre agʼbaha bi, nga arekyeŋ a yi mbo. Nga moa a la a zhiŋ odlo ba okpoghwo ba Ahogbrẽ la egégŋe, okyku o da mo a hwiŋ anvaŋ a kpo ayakplo ba eshre ba moa a la a kpo. Nga, moa a tla Eyesu Ekristi. Aŋa sha angyiŋ a wo Are ba agi e wo abgo baŋ, nga aŋa sha angyiŋ a wo Adigi-odne. Ogbyigbyi Akpa ba Ahogbrẽ a sheŋ a lu odlo eshri ba ombgu ba moa á sõ mo edgu moare he lo.

2 MoaOkorinti 11:3

Ame e wo la eyli okyku ba aga eso bimi á zhiŋ á dzu la eshre, nga ba agimi é kyu oklo la o bli abgo. O wo o ba adlidzi angyiŋ okyku Ekristi. Ekakahelo a mi emabi e bile Ahawawu la eda ba akpro.

2 Etimoti 3:13

Ambo moarehwĩ ba odlobi pa la moarehwĩ la a la a bile moare, moa á tpi ayi á ta ma o ta-ta. Moa á bile moare, nga moare a mbo á sa á bile emo.

1 Eyohana 4:6

Ambo agi e wo moarehwĩ ba Ahogbrẽ angyiŋ. Areyaŋ a mbo la a yi Ahogbrẽ a la a ngli atuŋ a gno odlo bi. Nga areyaŋ a mbo la a wo arehwĩ ba Ahogbrẽ angyiŋ mbo le, a la a ngli atuŋ a gno odlo bi mbo. Ozhẽ he lo sha angyiŋ, agi e kpo e gbu ba agi e gʼba Ogbga ba adlidzi ta la ogbga ba akpro.

Eyohana 16:13

Ambo omba ba Ogbgaodzi ba adlidzi o ba le, ó tsa gimi adlidzi ba ekplo-yaŋ a mbo. Á lu odlo eshrishri eŋa angyiŋ mbo, ambo á lu ekplo baŋ a gno angyiŋ á ba a da gimi. Á lu odlo eshri ayakplo la á ba a kpo.

1 Eyohana 2:18

Agimi anwye me, omba ba amom-abgo o wo osusku a mo! Moa a lu a da gimi eka ba Afpu ba Ekristi á ba a ba. Nga ohuhuhi, moafpu ba Ekristi nzenze moa a sheŋ a ba bgu. Okyku eka he, agi e ka e bmye ba omba ba amom-abgo lo o wo osusku a mo.

Otsotsa 2:11

O wo ba agimi e wo la atuŋ ba o ngli o gno odlo le, agimi e ngli atuŋ e gno odlo ba Ogbgaodzi o la o lu o ygi moaEklisiya. Moare la a kpo a gre le, eku ba oha é ta mo etsa mbo ku-ku.

2 Etimoti 4:4

Moa á tla o gno oshpa ba adlidzi, nga moa á kpo nga, moa á klo o gno enzho ba ototno.

Otsotsa 20:10

Ambla he nga Areabi la a bile mo, moa a vu ŋa a shri a ta enzheovo la e shum la ovo ma nzenze. Moa a sheŋ a shri ebyi la e wo ebi lo ta la arehwĩ la a sheŋ akpro ma Ahogbrẽ angyiŋ a hom ŋa otum a shri a ndba a ygi enzheovo he lo. Nga ahe lo moa á kpo mo ewu la olulum ta la okyukyku gbagbu gbagbu-amo.

Otsotsa 3:6

O wo ba agimi e wo la atuŋ ma le, e ngli atuŋ e gno odlo ba Ogbgaodzi o lu o ygi moaEklisiya efoha!

Otsotsa 2:29

O wo ba agimi e wo la atuŋ ma le, e ngli atuŋ e gno odlo ba Ogbgaodzi o lu o ygi moaEklisiya!

1 Ebitru 1:20

Ahogbrẽ a sheŋ a sla ŋa ayga moa a kpo obiŋ hi. Nga moa a shri ŋa a tsa omba ba amom-abgo he okyku gimi.

Otsotsa 18:2

A ta enzi la anyuŋ enzi a lu mi le, Ashe lo a tsi a gbu! Ababilo agagre a tsi a gbu! Ohuhuhi nga ábili ta la egbgabi ba eshre sha e la e yi ibu baŋ a mo. Edgu awunuyaŋ a mbo la a wo eshre, moa a la a ta eygu mo osku lo eshyẽ,

MoaOkolosi 2:18

Are la a wo la okoka ba edguayakplokyeŋ, nga baŋ a la a tspi gaŋ la opresõ-obiŋ ba akpro, nga a la a hlu moanwyeadga ba Ahogbrẽ eshko, edgu are he lo a la a ka eŋa la ekʼpo a gre moahwõ okyku ohe lo. Agimi e daŋ a sõ gimi ombgu mbo ku-ku. Edgu are he lo a la a nyom egʼba ba ototno, okyku edgu aga ba arehwĩ la a wo esõ baŋ.

1 MoaOkorinti 10:20

O mbo! Alo o wo eka he angyiŋ mbo. Ame e lu eka ba ekplo ba moa a shri a kpo ololo, ba alo e dzu e ba egbgabi angyiŋ, alo e wo e ba Ahogbrẽ angyiŋ mbo. Ame nga e klo bimi e ri ekpom ta la egbgabi mbo ku-ku.

Otsotsa 20:8

Nga á yi okroyaŋ a mbo obiŋ hi, nga á bile moarehwĩ ba obiŋ hi pyeŋ. Moarehwĩ he lo angyiŋ a wo Ogogu ta la Amagogu. Eshitaŋ é shri mo pyeŋ é ba okyku o da mo a ta eko. Moa a wo nzenze eka ba endase ba akaŋ anyuŋ-ondzu.

Otsotsa 19:20

Moa a vu ebyi la e wo ebi lo, ta la arehwĩ la a sheŋ akpro ma Ahogbrẽ angyiŋ a hom ŋa otum, eka moa-oprusuna. Arehwĩ he lo angyiŋ a kpo ayakplo ba egbregbre egi ayi ba ebyi lo. La ayakplo ba egbregbre angyiŋ aŋa a bile moare la a wo la egŋe ba ebyi la e wo ebi he lo ma, pa la moare la a hlu ambgu ba ebyi lo eshko. Ebyi he lo nga ta la arehwĩ la a sheŋ akpro ma Ahogbrẽ angyiŋ a hom ŋa otum, moa a shri mo pyeŋ a shri a ndba a ygi enzheovo la e shum la ovo ma nzenze.

Otsotsa 18:23

Moa á ka ayimom ba ovo osku he lo eshyẽ ku-ku nga mbo, nga enzi ba anwyeshe ta la enzi ba anwyealom la a kyu ashe, moa á gno lo osku he lo ku-ku nga mbo. Ayga moarehwĩ boŋ la a ta ekyku a wo oshye pyeŋ a gre obiŋ hi. Nga aŋo o bile moarehwĩ ba obiŋ hi pyeŋ la agum boŋ ba akpro!

Otsotsa 13:14

Ambla he nga e bile moarehwĩ la a dzu obiŋ hi pyeŋ la ayakplo ba egbregbre. Moa a bmi okyku o daŋ a kpo ayakplo ba egbregbre he lo egi ayi ba ebyi la e wo ebi ba ori. Ebyi he lo e da moarehwĩ ba obiŋ hi pyeŋ a mbdzi ambgu okyku o hlu ebyi ba moa a ta lo etsa la e ngro eshri la akõ, nga ba alo e kpu mbo, eshko.

Otsotsa 9:20

Moarehwĩ ba obiŋ hi la a ra, ba ewu he lo e bga mo mbo, moa a ka a ngʼba a sku ayakplo ba mo ababgo mo a kpo mbo. Moa a ka a ngʼba a sku egbga ba moa a la a hlu mo eshko mbo. Nga moa a ka a ngʼba a sku okpko ba azurfa ta la ezanariya, ta la agbro, ta la ezhim, ta la aki, ba moa a la a hlu mo eshko mbo. Okpko o wo la ayi ba moa a ka a gbu mbo, nga moa a wo la atuŋ ba moa a gno mbo, nga moa a dzi a gbu mbo.

Otsotsa 3:22

O wo ba agimi e wo la atuŋ ma le, e ngli atuŋ e gno odlo ba Ogbgaodzi o lu o ygi moaEklisiya!

Otsotsa 3:13

O wo ba agimi e wo la atuŋ ma le, e ngli atuŋ e gno odlo ba Ogbgaodzi o la o lu o ygi moaEklisiya.

Otsotsa 2:17

O wo ba agimi e wo la atuŋ ma le, agimi e ngli atuŋ e gno odlo ba Ogbgaodzi o la o lu o da moaEklisiya. Moare la a sheŋ a hwiŋ okpogre, ame é fa amana la a ghre é shri é da mo. Nga ame é shri ezhim ekyle é shri é da areyaŋ a mbo eshki mo. Nga moa á ta eshko elehe angyiŋ e ma. Arekyeŋ á yi lo mbo ku-ku, o wo le are la á ba a yga lo dne.

Otsotsa 2:7

O wo ba agimi e wo la atuŋ ba o ngli o gno odlo le, agimi e ngli atuŋ e gno odlo ba Ogbgaodzi o la o lu o ygi moaEklisiya! Moare la a sheŋ a hwiŋ okpogre, ame é da mo ozhẽ okyku o da mo a ri ágbro ba esĩ aki ba esõ la a fu Agbi ba Ahogbrẽ.

1 MoaOkorinti 12:11

Ambo Ogbgaodzi okyekyeŋ angyiŋ o la o kpo edgu ayakplo he lo pyeŋ. A la a shri edgu okpogbu andandandim a shri a da areyaŋ a mbo eka baŋ a klo.

Otum 28:25

Moa a zhiŋ ogbu nga, moa a la a kla odlo ta la emo ambla ba Oblus a lu mi le, Alo o wo eka he lo angyiŋ. Ogbgaodzi o tsa Eshaya arehwĩ ba Ahogbrẽ a hom otum o daŋ a lu pa la moadigi.

Otum 17:18

MoaEpekuriya, ta la moaOsotoki moa la a nye mo egu eha he lo, moa a kla odlo ta la Oblus. Moakyeŋ a lu mi le, Alom hi la evbu eshri, a la a klo o lu eshi? Moakyeŋ a lu mi le, Aŋa a la a lu odlo eshri ahogbrẽ moazhẽ. Moa a lu eka he okyku eshi Oblus a lu odlo eshri Eyesu ta la oksongybi baŋ.

Otum 13:2

Omba moa a la a hlu Ahogbrẽ eshko nga moa a nyom eshri mo algo, Ogbgaodzi o nyuŋ mo o lu mi le, Agimi e sla Abarnaba ta la Eshawlu e zga agba okyku otum ba ame e bzi mo okyku lo.

Otsotsa 16:14

Egbga ba eshre etra he lo e wo egbga ba ábili la a kpo ayakplo ba egbregbre. Egbga etra he lo e zgi e gre ekro moanyuŋ-areŋ obiŋ hi pyeŋ, okyku o pla mo o shki okyku eko ba moa á ba a ta anyuŋ olum onda ba Ahogbrẽ ba ekʼpo pyeŋ.

Amatiyu 18:7

O wo ekplo ayiekŋe angyiŋ okyku eshi ayakplo la a da moare a tsi a gbu a wo obiŋ hi nzenze! Edgu ayakplo hi lo, á kpo ombamba pyeŋ, ambo a ba eshri are la a shri edgu ayakplo hi lo a shri a ba!

Oluka 17:1

Eyesu a nyuŋ moanwyeotum baŋ a lu mi le, O dzu omgbybi ba ayakplo la a bile moare, a ba a kpo. Ambo a ba eshri are la a da lo a kpo abgo baŋ!

Otum 20:23

Ekplokyekyeŋ ame e yi, oskuyaŋ a mbo Ogbgaodzi o la o tsa me o lu ma aslika, ta la ewu, ma moa a dzu a bli me.

Otum 21:11

A ba okro bi nga a ngla ashye akpa ba Oblus a bʼbu adga baŋ ta la abgo baŋ nga a lu mi le, Ogbgaodzi o lu mi ma are ashye akpa hi, ma moaEyahuda Orushalima á vu ŋa á bʼbu eka he nga moa á shri ŋa á da moa la a wo moaEyahuda mbo.

1 MoaOkorinti 2:10

Ambo Ahogbrẽ a hwile eshyẽ baŋ a da gi angyiŋ e ka. A kpo ohe lo ozhẽ ba Ogbgaodzi baŋ. Ogbgaodzi angyiŋ o la o mbga ekployaŋ a mbo o ka. O la o mbga okoklo ba Ahogbrẽ la o wo ogyugyuŋ a mbo.

1 MoaOkorinti 11:19

Ambo o wo ekplokyeŋ ba o fu eha mbo. Ogagʼba o wo agʼbaha bimi, okyku o da mo a yi moa la a wo shasha zhezheŋ.

Eyakubu 3:15

Edgu okaobmye he lo o zgi ongyeŋ angyiŋ o ba mbo ku-ku. Edgu okaobmye he lo o wo okaobmye ba obiŋ hi angyiŋ, nga alo o wo okaobmye ba aga ba egʼba angyiŋ, nga alo o wo okaobmye ba egbgabi.