1 Etimoti 3:3 - Ohwihwim Olehe

³ O raŋ o gre baŋ a dzu are la a wa ami anab a kpo ayi mbo, nga a la a wo esõ khakha mbo. Ambo a dzu are la a wo la esõ ble la opyapyaŋ ba esõ ma. A dzu are la a ka ayi amgbaŋ mbo.

1 Etimoti 3:3 Referans Kwoze

Etitu 1:7

Otum ba Ahogbrẽ o wo abgo baŋ angyiŋ, okyku eka he lo o raŋ o gre baŋ a tspi shasha nga a dzu are la a shye eshri mbo, nga a kpo olom shoshoŋ mbo, nga a dzu are la a wa ami anab nzenze mbo. O raŋ o gre baŋ a wo are la esõ khakha mbo, nga a dzu are la a kpo oriayi mbo.

Etitu 3:2

O shĩ mo okyku o da mo a tsi etku arekyeŋ la onjygu mbo. O lu o da mo a dzu opyapyaŋ, nga a ri ekpom nga a ka areyaŋ a mbo la esõ ble-ble.

MoAfisu 5:18

Agimi e da owowa o kpo gimi ayi mbo. Alo ó tpi gimi ayi sha angyiŋ. Ambo e da Ogbgaodzi angyiŋ o bli gimi.

1 Etimoti 3:8

Nga eshri ba moandakʼpo ba Eklisiya, o dzu omgbybi ba moa a dzu moare la a wo la eda edzi, nga a kpo adlidzi, nga moa a dzu moa la a wa ami anab a gre eshri mbo, o mbo le a ri ayi mbo.

Eyakubu 4:1

Ambgu ta la okʼpioha pyeŋ eshki bimi moa a zgi ayaŋ a ba? Moa a zgi okayiogro bimi la o wo obi angyiŋ. Moa a la a kpo ambgu egʼba bimi ombamba pyeŋ.

1 Ebitru 5:2

okyku o da gimi e dzu moarehwĩ la a kpaŋ ékylu ba Ahogbrẽ a shri a da gimi, nga agimi e kpaŋ lo la oklo. Ahogbrẽ a klo bimi e kpo eka he lo. E kpo otum okyku ohre sha mbo, ambo la oklo ba adlidzi okyku o kpo otum.

MoaIbrani 13:5

Agimi e da oklo ba amgbaŋ o kpo ekʼpo ka la gimi mbo. Ambo agimi e la e kpo oheheŋ ta la ekplo ba agimi e wo la alo ma. Okyku eshi Ahogbrẽ a lu mi le, Ame é dzu gimi é zga ku-ku mbo nga ame é ndba gimi é ta ku-ku mbo.

Etitu 2:3

Nga o nyuŋ moakpoatsoŋ-ashe a mbo ekakahelo. O lu o da mo a kpo ayakplo eka moashe la a kpaŋ eshri mo adzadzi okyku Ahogbrẽ. Moa a kpo onjygu nga a dzu moawaghrẽ ba ami anab mbo. Ambo o raŋ o gre ba moa a nye ekplo la e wo edzi,

Otsotsa 1:9

Ame angyiŋ e wo Eyohana anigimi. Nga ibu okŋeogba ta la Eyesu angyiŋ, ame e pu ka la gimi ewu ba agimi e kpo, nga ame e sa e pu ka la gimi Oreŋ baŋ ta la ota esõ akpyli. Moa a shri me a gre a yi a ta anwye-obiŋ ba moa a bzi lo ma Abatmo okyku ba ame e nyum oshpa ba odlo ba Ahogbrẽ ta la adlidzi ba Ekristi a tsa.

Eyahuda 1:11

O wo ekplo ayiekŋe pa la mo o gre eshri! Moa a sõ ozhẽ ba Akayinu a sõ. Moa a shri eshri mo a zga okyku o kpo ayakplobi okyku amgbaŋ eka ba Abalam a kpo. Moa a bga mo okyku ba moa a shye eshri, eka ba Okora a mbo a shye eshri.

2 Ebitru 2:3

Nga okyku ohwlayi mo, moa la a nye onyenye ba akpro lo, moa á hwiŋ ohwihwiŋ okyku oshpa ba ototno ba moa a kpo, nga a lu ka la gimi. Omba o dga nzenze ba are la a sõ mo ombgu a la a dzu a bli mo. Nga omba o dga nzenze ba are la a jygi mo lo a la a dzu a kʼpu!

Etitu 1:11

O dzu omgbybi ba moa a tspi mo la edgu odlo he lo, okyku eshi moa a la a shoŋ moa-odne mvye egʼba la edgu onyenye la o wo ozhẽ mbo. Moa a la a kpo ekplo anzi he lo okyku o da mo a hwiŋ amgbaŋ.

1 MoaEtasolonika 5:14

Agi e shĩ gimi, agimi anáŋ, okyku o da gimi e shĩ moa la a da egʼba e shki mo ami pa la moa la a la a kpo eyli, e kpo e ghwo la moa la a wo la oshye ba esõ ma mbo, nga e kpo heheŋ pa la moare pyeŋ.

MoaOroma 16:18

Okyku eshi moa la a kpo eka he lo, moa a la a lu Ekristi Adigi-odne angyiŋ e ma mbo, ambo moa a lu eshri emo angyiŋ. Moa a la a lu arareŋ odlo nga moa a la a bile moarehwi la a wo la adlidzi ma.

Otum 20:33

Ame e gro ayi azurfa ta la ezanariya, ta la aknye arekyeŋ ku-ku mbo.

Amatiyu 21:13

nga a nyuŋ mo a lu mi le, Moa a ta Akpa ba Ahogbrẽ a lu mi ma Ahogbrẽ a lu mi le, Moa a bzi odne me ma odne olu. Ambo agimi e da lo a zhiŋ a dzu emvygi moasi!

2 Etimoti 3:2

Okyku eshi moare á klo eshri, nga moa á kpo ogroayi, nga moa á nyom egʼba, nga moa á sko emo á zga eka moa a yi ayakplo nzenze. Nga moa á dzĩ moare, nga moa á fa olbi á da moadimo mbo. Moa á vye la ekplokyeŋ mbo ku-ku, nga moa á sko ozhẽ ba Ahogbrẽ á zga akplokyeŋ mbo.