1 Etimoti 3:2 - Ohwihwim Olehe

² O raŋ o gre ba apasto a wo are la a wo la akpu akplokyeŋ ma mbo. O dzu omgbybi baŋ a wo la ashe akyeŋ sha e ma, nga a dzu are la a nyuŋ a kpo-kpo ekployaŋ a mbo, ta la are la a vu eŋa a ghwo. Aŋa a dzu are la a dzu shasha, nga a la a yga moazhẽ la anyu eŋo-eŋo odne baŋ, nga o raŋ o gre baŋ a wo are la a nye moahwõ odlo ba Ahogbrẽ a gbu.

1 Etimoti 3:2 Referans Kwoze

2 Etimoti 2:24

O wo odzi ba anwyeotum ba Adigi-odne a kʼpi ohwa mbo ku-ku. O raŋ o gre baŋ a wo la okpoghwo ma okyku areyaŋ a mbo, nga baŋ a dzu are la a nye adzadzi la eda heheŋ.

MoaOroma 12:13

E gʼba ayakplo bimi e wo la alo ma pa la moanigimi la a wo ekŋe, nga agimi e yga moazhẽ adne bimi.

1 Etimoti 5:9

Aŋo o ta eshko ba ashe-eshaku eshki ba ashko lo mbo, ambo o ta eshko ba ashe-eshaku la a gbu eyi ekʼpoefĩ. Nga o dzu omgbybi baŋ a dzu ashe la a kyu eble odgo okyekyeŋ sha.

1 Ebitru 4:9

Agimi e yga egimi adne egimi la ovyevye, nga e nyi agla mbo.

1 Ebitru 5:8

Agimi e nyuŋ e dzu, nga e nyuŋ e kʼpu! Okyku eshi afpu gimi la a wo Eshitaŋ, a la a ngla agŋe eka ba embdze la e gbre, e la e klo are baŋ á ba a vu á taŋ.

MoaIbrani 13:2

Agimi e yga moazhẽ adne bimi. Moakyeŋ a la a yga moazhẽ eka he lo nga moa a yga moanwyeadga ba Ahogbrẽ la efĩ.

Etitu 2:2

O lu o da moakpoatsoŋ-alom, o da mo a nyuŋ eshri mo a zga, nga moa a wo la eda, nga moa a nyuŋ emo a zga, nga a tspi adzadzi ibu obmi ba adlidzi mo, nga a tspi osheshye la oklo ta la oghwo-esõ.

MoaEfilibi 2:15

okyku o da gimi e wo la ombgu eshri bimi mbo, nga okyku o da gimi e dzu moa la a wo odlobikyeŋ ma mbo. Nga okyku o da gimi e dzu moarehwĩ ba Ahogbrẽ la e wo shasha la a dzu obiŋ hi la o wo kyekye mbo, pa la moarehwĩ la a wo ototno. O raŋ o gre ba agimi e la e shka ayi egi ayi mo eka ba eyi enzo e la e shka ayi ahrẽ,

1 Ebitru 4:7

Amom-abgo ba ekployaŋ a mbo e wo osusku a mo. O raŋ o gre ba agimi e nyuŋ eshri bimi e zga nga e dzu e kʼpu, okyku o da gimi e kpo e gbu nga e fa olu.

MoaIbrani 3:14

Okyku eshi agi pyeŋ e pu ta la Ekristi, o wo ba agi e kom oyioyi bi la osheshye ba agi e zga esĩ la alo ma-me o tsa amom-abgo.

1 Etimoti 4:3

Moa edgu moare he lo a la a nye moare a lu ma alo o wo odzi ba moa a kyu ashe mbo, nga o raŋ o gre ba moa a ri edgu algokyeŋ mbo. Ambo Ahogbrẽ angyiŋ a kpo algo pyeŋ okyku o da mo a ri, ambla ba moa la a bmi ba adlidzi ka la ŋa nga a yi adlidzi, moa a vye la ŋa okyku lo.

Oluka 1:6

Moaha lo pyeŋ moa a wo moare ba odlodzi angyiŋ egi ayi Ahogbrẽ. Moa a kpaŋ odaŋ ba Ahogbrẽ adzadzi.

Oluka 2:36

Ashe ba Ahogbrẽ a hom ŋa otum a wo ma. Eshko baŋ e ri Ana. Aŋa a wo anwye Ejanuwe angyiŋ, a wo arehwĩ ba ogu ba Asha. Ana a sheŋ a tsoŋ bgu. A kyu eble okyku eyi efoha sha.

1 Etimoti 3:8

Nga eshri ba moandakʼpo ba Eklisiya, o dzu omgbybi ba moa a dzu moare la a wo la eda edzi, nga a kpo adlidzi, nga moa a dzu moa la a wa ami anab a gre eshri mbo, o mbo le a ri ayi mbo.

1 Etimoti 3:12

Andakʼpo ba Eklisiya, o dzu omgbybi baŋ a wo la ashe akyeŋ sha e ma nga a kpo a gbu baŋ a kpaŋ moanwye baŋ ta la odne baŋ adzadzi a gbu.

1 Etimoti 5:10

Nga o raŋ o gre baŋ a wo are la a wo la eda edzi ba moare a yi ŋa la alo. Nga baŋ a wo ashe la a la a nye moanwye baŋ adzadzi nga a la a yga moazhẽ la anyu eŋo-eŋo odne baŋ. O raŋ o gre baŋ a dzu awaghrẽ ba moarehwĩ la a lu Ahogbrẽ ozhẽyaŋ a mbo, nga baŋ a dzu are la a kpo a ghwo la moa la a wo ewu. Nga o raŋ o gre baŋ a dzu are la a shri eshri baŋ a di okyku o kpo otum andandandim la o wo odzi.

1 Etimoti 5:22

Aŋo o kpo omvro okyku o shki abgo boŋ eshri ba areyaŋ a mbo la a klo o kpo otum Adigi-odne mbo. Nga o kpo odlobi eka moahwõ a la a kpo mbo, ambo o kpaŋ eshri boŋ kyekye.