1 Etimoti 2:8 - Ohwihwim Olehe

⁸ Ame e klo moarehwĩ okroyaŋ a mbo a fa olu. Ame e klo ba moarehwĩ la a shri eshri mo a da Ahogbrẽ a si abgo mo ongyeŋ nga a fa olu. Ame e klo mo a fa olu lo la olom esõ, ta la oklaodlo mbo ku-ku.

1 Etimoti 2:8 Referans Kwoze

MoaIbrani 10:22

Agimi e da gi e ba osusku ta la Ahogbrẽ la esõ ekyekyeŋ, la obmi ba adlidzi la ofueha mbo, nga la esõ moa a ndza lo ibu enzi eyi-esõ la o lbi ba odlobi, nga la egʼba ba moa a ndza lo la amihĩ la a wo leleleŋ.

Etitu 3:8

Odlo he lo o wo adlidzi angyiŋ. Ame e klo boŋ o bla ayakplo he lo o shĩ adzadzi, okyku o da moa la a bmi ba adlidzi ta la Ahogbrẽ a shri aga mo a zga okyku o kpo ayakplo la a wo adzadzi. Ayakplo he lo a wo adzi nga á kpo á ghwo la moare.

Eyakubu 4:8

Agimi e ba osusku ta la Ahogbrẽ, Ahogbrẽ a mbo á ba osusku ka la gimi. Agimi moarehwĩ ba odlobi, e ndza abgo bimi! Agimi abibli moarehwĩ, e ndza esõ bimi!

Oluka 24:50

Ambla he nga a da moa la a wo ka la ŋa a gre anwye osku ba moa a bzi lo Ebetanya. Ahe angyiŋ a si abgo baŋ ongyeŋ a fa anyuadzi a ygi mo.

1 Ebitru 3:7

Agimi arealom nga, eshri odzudzu bimi pa la moashe bimi, o raŋ o gre ba agimi e ka e bmye ba moa a wo oshye eka bimi mbo. Okyku okũ he lo, o raŋ o gre ba agimi e kom mo la olbi. Okyku eshi agimi pa la mo, agimi é hwiŋ esõ ba Ahogbrẽ á shri á di ototno otsotse angyiŋ. E kpo eka he lo okyku o da ekplokyeŋ é ba e bme egŋe ta la olu bimi mbo.

1 Etimoti 5:14

Okyku eka he, ame e ka alo o raŋ o gre ba ashe-eshaku la a yi a ra ola a kyu eŋa eble, okyku o daŋ a mbre moanwye nga a kpaŋ odne mo, okyku o da moafpu gi a hwiŋ ozhẽ a la a lu odlo ototno eshri bi mbo.

Otum 21:5

Ambla bi e dzu dum ma ple nga agi e gre egi. Moa a mvye pa la moashe mo, pa la moanwye mo, moa a dzi gi a ta ozhẽ a sku osku lo. Agi mvye e kʼpu obiŋ akaŋ anyuŋ-ondzu lo nga e fa olu.

Otum 10:4

A ka anwyeadga ba Ahogbrẽ lo dzo la eyiyli nga a zhĩ a lu mi le, Eshi angyiŋ, Andakʼpo? Anwyeadga ba Ahogbrẽ a tno ma a lu mi le, Ahogbrẽ a gno olu boŋ, a gre eso a ghre eka boŋ o la o kpo o ghwo la moa-agrogro mbo.

Otum 10:2

Aŋa a wo are la a kpo eyli Ahogbrẽ. Aŋa pa la moa-odne baŋ mvye, moa a la a hlu Ahogbrẽ eshko. Aŋa a la a zga gble nzenze okyku o kpo o ghwo moaEyahuda la a kpo ekŋe, nga a fa olu ombamba mvye.

Otum 7:60

Aŋa a kʼpu obiŋ nga a ta enzi angyangyeŋ a lu mi le, Adigi-odne! Aŋo o da olbi odlobi he lo o dzu eshri mo mbo! Aŋa a lu eka he a khwo nga a kpu.

1 MoaOkorinti 7:7

Ó raŋ me eso o wo ba moare pyeŋ a wo eka ba ame e wo hi. Ambo areyaŋ a mbo a wo la edgu okpogbu ba Ahogbrẽ a shri a daŋ ma.

Otum 10:31

A nyuŋ me a lu mi le, Okoniliyu! Ahogbrẽ a gno olu boŋ, nga a gre eso a ghre eka boŋ o la o kpo o ghwo la moa-agrogro mbo.

Eyohana 4:21

Eyesu a tno ashe lo ma a lu mi le, Ame e lu adlidzi angyiŋ e doŋ, omba o yi ó ba ba arekyeŋ a mbo á ba a hlu Adigi eshko aku hi, o mbo le Orushalima a mbo mbo.

Oluka 23:34

Eyesu a lu mi le, Ada, o kyu mo abgo! Okyku eshi moa a yi eka ekplo moa a kpo mbo! Moa a fye emvye nga moa a gʼba aknye ba Eyesu agʼbaha mo.

Amatiyu 21:21

Eyesu a nyuŋ mo a lu mi le, Agimi e tne e ka! O wo bimi e bmi ba adlidzi nga e fu eha esõ bimi ku-ku mbo, agimi a mbo é kpo é gbu ba gimi é kpo edgu ekplo ba ame e kpo ta la esĩ ebro he. Nga agimi é kpo ekplo la e gre ehi a mbo. O wo bimi e bmi ba adlidzi le, agimi é kpo é gbu bimi e nyuŋ akũ e lu mi le, Akũ o gʼbu o yi o gre anyuŋ-ondzu, ó dzu eka he lo.

Amatiyu 5:44

Ambo, ohuhuhi ame e lu e da gimi, agimi e klo moafpu gimi, nga e fa olu e tne aga moare la a la a kpo gimi efye,

Amatiyu 6:12

O kyu gi abgo odlobi ba agi e la e kpo egi ayi boŋ, Eka bi e la e kyu moa la a kpo odlobi agi ayi bi abgo.

1 MoaOkorinti 1:2

Agimi Eklisiya ba Ahogbrẽ la e wo osku ba Okorinti, pa la moarehwi pyeŋ ba Ahogbrẽ a bzi mo okyku o da mo a dzu moarehwi baŋ, moa la a wo moarehwi baŋ okro ba okŋeo-bga ba Ekristi Eyesu, nga pa la moarehwi ba okroyaŋ a mbo la a hlu Adigi-odne Eyesu Ekristi la a wo Adimo-odne, ta la Adigi-odne eshko.

2 MoaOkorinti 2:14

Agi e vye la Ahogbrẽ! Okyku eshi okro ba okŋeobga bi ta la Ekristi angyiŋ, Ahogbrẽ a la a kpaŋ gi eka moa-oprusuna okyku ba Ekristi a kpo a gre. Ahogbrẽ a la a kpo otum ka la gi okyku o da gi e nyum oshpa ba Ekristi e ygi moarehwi pyeŋ, eka ba efpi edzadzi la e ngla okro pyeŋ.

MoaEfilibi 1:12

Agimi anáŋ, ame e klo ba agimi e yi ba ayakplo la a kpo pa la me a kpo a ghwo la ovrevre Oshpaodzadzi.

1 MoaEtasolonika 1:8

Okyku eshi oshpa ba Adigi-odne he lo o zgi okro bimi o gre okro moare la a wo Amasidoniya ta la Egrise sha mbo. Ambo oshpa ba obmi ba adlidzi bimi o ngla o tsu o gre yoŋ. Okyku eka he ekplokyeŋ e ra ma ba agi é lu nga mbo.