1 Etimoti 2:3 - Ohwihwim Olehe

³ Eka he lo e wo edzi nga o raŋ Ahogbrẽ Areoshla bi esõ.

1 Etimoti 2:3 Referans Kwoze

MoaIbrani 13:16

Agimi e dzu ayakplo la a wo adzi e zga mbo, nga e tla e la e kpo e ghwo egimi mbo. Ahe lo angyiŋ a wo oshriondba la o raŋ Ahogbrẽ esõ.

1 Etimoti 1:1

Akpa he lo a zgi abgo me Oblus, are la a nyum oshpa ba Ekristi Eyesu la okoklo ba Ahogbrẽ la a wo Areoshla bi ta la Ekristi Eyesu la a wo okayiozhẽ bi.

1 Ebitru 2:20

Owlamakyeŋ o wo ándzu ba moa a bga gimi okyku ba agimi e ta akpu, o wo ba agimi e ghwo esõ? Ambo o wo ba agimi e ghwo esõ ta la ewu okyku o kpo otum la o wo shasha angyiŋ le, Ahogbrẽ á shri owlama á shri á da gimi okyku lo.

MoaOroma 14:18

Areyaŋ a mbo la a kpo otum ba Ekristi eka he angyiŋ le, Ahogbrẽ pa la moarehwi a mbo, moa á gno oraŋ ka la ŋa.

1 Ebitru 2:5

Agimi e ba eka ba ezhim la e wo la esõ ma, nga agimi e bmi okyku o da mo a mbdzi akulu ba Ogbgaodzi ka la gimi. Ahe lo nga agimi é kpo otum ma eka moandakʼpo olu ba Ahogbrẽ la a wo la esesla ma. Okyku o shri oshriondba ba esõ la o wo shasha e shri e ndba okro ba Ahogbrẽ ibu ba Eyesu Ekristi.

1 MoaEtasolonika 4:1

Agimi anáŋ, ekplo ba amom-abgo ekpyemgbyeŋ nga, agi e nye gimi edgu odzudzu la o raŋ Ahogbrẽ esõ, okyku o da Ahogbrẽ a gno oraŋ ka la gimi. Ambo agimi e dzu eka he lo angyiŋ. Nga ohuhuhi, agi e vẽ nga e shĩ gimi eshko ba Adigi-odne Eyesu okyku o da gimi e kpo otum la o gre eka he.

MoaOkolosi 1:10

O wo eka he, agimi é kpo é gbu ba agimi é dzu la edgu odzudzu ba Adigi-odne a klo, nga agimi é kpo é gbu ba o kpo ekployaŋ a mbo ombamba pyeŋ, okyku o raŋ ŋa esõ. Odzudzu bimi nga ó wo la owlama okyku edgu otumyaŋ a mbo la o wo odzi ba agimi e kpo. Nga agimi é hlu la oyioyi eshri ba Ahogbrẽ.

Oluka 1:47

Ame e wo la ovye eso ma okyku Ahogbrẽ, Areoshla me.

MoaEfilibi 1:11

Odzudzu bimi nga ó bli la edgu eda ba adlidzi ba Eyesu Ekristi sha ababgo baŋ a kpo a kpo a gbu baŋ a shri a da gimi, okyku ekekʼpo ta la ohlue-shko ba Ahogbrẽ.

1 Etimoti 5:4

Ambo o wo ba ashe-eshaku a wo la moanwye o mbo le moanwye ba moanwye baŋ ma le, o raŋ o gre ba moanwye lo a nye eda nga a dzu la odzudzu ba ozhẽ ba Ahogbrẽ pa la moadimo. Ozhẽ he lo moadimo á hwiŋ owlama mo. Moanwye he lo á raŋ Ahogbrẽ esõ ozhẽ he lo angyiŋ.

MoaEfilibi 4:18

Nga ohuhuhi, agimi e yga egŋe la e tsa ekployaŋ a mbo ba ame e hwiŋ okro bimi. Alo o gre eshri! Ame e wo la ekployaŋ a mbo ba ame e klo, okyku ba Ebafroditu a shri okpoghwo bimi pyeŋ a shri a ba ohuhuhi. Alo o wo eka efpi edzi ba ema ba moa a shri a ndba Ahogbrẽ angyiŋ, oshriondba baŋ a yga lo nga a gno oraŋ ta la lo.

2 Etimoti 1:9

Aŋa angyiŋ a shla gi, nga a bzi gi okyku o da gi e dzu moarehwĩ baŋ. A kpo ohe lo okyku ekplokyeŋ bi e kpo angyiŋ mbo, ambo okyku ekplo baŋ a sheŋ a hwim, ta la okpoghwo baŋ. Omba ba moa a kpo obiŋ hi a wo mbo a hwim baŋ a da Ekristi Eyesu á ba a shri lo á kom gi.

1 Etimoti 4:10

Okyku eka he lo agi e kpo nga e kpo otum la osheshye, okyku eshi agi e sko Ahogbrẽ la a wo la esõ ma angyiŋ e zga okayiozhẽ bi. Aŋa angyiŋ a wo Areoshla moarehwĩ pyeŋ, ambo esĩ ba oshla he lo e wo okyku moa la a bmi ba adlidzi ka la ŋa.