1 Etimoti 2:2 - Ohwihwim Olehe

² nga okyku moareŋ, pa la moandakʼpo pyeŋ la a la a ri ekʼpo, okyku o da gi e dzi e hwile egʼba nga e dzu opya-pyaŋ, nga e fa olbi e da Ahogbrẽ la odzudzu la o wo shasha.

1 Etimoti 2:2 Referans Kwoze

1 MoaEtasolonika 4:11

Agimi e hwim esõ bimi nga e dzu la esõ-egbubiŋ. E ghwo abgo akplo moahwõ mbo, nga e nyuŋ otum bimi e kpo okyku o da gimi e hwiŋ algori eka ba agi e sheŋ e lu e da gimi ayga.

MoaIbrani 12:14

E zga ngre okyku o da opyapyaŋ o dzu agʼbaha bimi pa la moarehwĩ pyeŋ. Nga e zga ngre okyku o da gimi e dzu la odzudzu la o wo la esesla, okyku eshi arekyeŋ la a wo la odzudzu esesla he lo mbo, á ka Adigi-odne mbo ku-ku.

MoaOroma 12:18

E kpo ekployaŋ a mbo bimi e kpo e gbu, okyku o da gimi e dzu opyapyaŋ ta la areyaŋ a mbo.

MoaEfilibi 4:8

Ekplo ba amom-abgo nga agimi anáŋ, e shri esõ bimi e zga ayakplo la a wo adzi nga ba alo a tse ma ba moa a hlu lo eshko, ayakplo la a wo adlidzi ta la ofaolbi o di, ta la odlodzi, ta la ekplo la e wo pse, ta la ekplo la e shri oklo e ba, ta la ekplo la e gbu eshko adzadzi.

Otum 24:16

Okyku eka he, ame e zga ngre omba mvye okyku o da me e wo la eso ekyle ma egi ayi ba Ahogbrẽ, pa la moarehwi.

Otum 10:22

Moa a tno ma a lu mi le, Andakʼpo Okoniliyu angyiŋ a hom gi otum. Aŋa a wo arehwĩ adzadzi angyiŋ. Aŋa a la a hlu Ahogbrẽ eshko, nga moaEyahuda a fa olbi a daŋ nzenze. Anwyeadga ba Ahogbrẽ a nyuŋ ŋa a lu mi ma aŋa a bzi ŋo okyku o doŋ o ba o yi odne baŋ, okyku o doŋ o lu ekplo la e wo ma o daŋ a gno.

Oluka 2:25

Alomakyeŋ a la a dzu Orushalima, eshko baŋ e ri Esimiyo. A wo arehwĩ ba eda edzi, nga a wo are la a kpo eyli Ahogbrẽ. A ka ayi ozhẽ okyku omba ba moaEsrayila á ba a hwiŋ oshla. Ogbgaodzi o wo ka la ŋa.

Oluka 1:6

Moaha lo pyeŋ moa a wo moare ba odlodzi angyiŋ egi ayi Ahogbrẽ. Moa a kpaŋ odaŋ ba Ahogbrẽ adzadzi.