1 Etimoti 1:9 - Ohwihwim Olehe

⁹ O raŋ o gre bimi e ka e bmye ba moa a la a jygu odaŋ okyku moare la a wo eda edzi angyiŋ mbo, ambo okyku moare la a la a tsi odaŋ-okyeŋ a la a ghwo ayi mbo, pa la moare la a gre abgo, pa la moare la a yi Ahogbrẽ mbo, pa la moare ba odlobi. Odaŋ o wo okyku moa la a lu Ahogbrẽ ma mbo, pa la moa la a wo la Ogbgaodzi ma mbo, pa la moa la a bga moadimo pa la moanimo, pa la moa la a bga ebga,

1 Etimoti 1:9 Referans Kwoze

MoaEgalasiya 3:19

Odaŋ lo, moa a shri lo a di okyku eshi a mo? Moa a ta lo ma okyku o tsa ekplo la e wo la akpu. O wo okyku odzuma ma-me o tsa omba ba anwye ba Ebrahim á ba a ba. Moa a hwim ohwihwim lo ta la anwye he lo angyiŋ. Moanwyeadga ba Ahogbrẽ angyiŋ a shri odaŋ lo a shri a ba. Arekyeŋ nga a tspi agʼbaha mo pa la moarehwi.

1 Ebitru 4:18

Odlo Ahogbrẽ o lu mi le, O wo ba alo o wo ewu ba moarehwĩ la a wo la odlodzi ma á hwiŋ oshla le, Eshi é ba e kpo pa la moare la a tla Ahogbrẽ nga a la a kpo odlobi?

MoaOroma 5:20

Moa a zgi la odaŋ, okyku o da mo a tsa areyaŋ a mbo ayakplobi. Odlobi lo o ta ma-ma, ambo okpoghwo ba Ahogbrẽ o gre lo nzenze.

MoaEgalasiya 5:23

ta la opresõ-obiŋ, ta la ovueŋoghwo. Odaŋ-okyeŋ la o tla ayakplo edgu ahe o wo ma mbo.

Etitu 3:3

Okyku eshi agi a mbo ayga, agi e wo la eda ma mbo. Agi e fa olbi e di mbo nga e kpo ayakplo ba ototno ayga. Agi e dzu moawaghrẽ ba ogroayi ta la oraŋ andandandim ba obiŋ hi. Ayga agi e tpi omba bi ayi nga e kpo efye nga e ta efpu. Moare a la a tla gi, agi a mbo e tla mo.

MoaOroma 6:14

Okyku eshi odlobi ó hwiŋ ekʼpo eshri bimi nga mbo, okyku eshi agimi e wo ódaŋ nga mbo, ambo agimi e wo okpoghwo ba Ahogbrẽ a mo.

MoaOroma 1:30

moa a la a sa a lu odlobi eshri emo. Moa a klo Ahogbrẽ mbo. Moa a la a dzĩ moare, nga moa a la a nyom egʼba, nga moa a la a ka emo la anyuanyuŋ. Moa a la a tne aga ba o kpo ayakplobi sha, nga moa a la a fa olbi a da moadimo mbo.

Otsotsa 22:15

Moa la a tpi ayi pa la moa la a kpo ololo, pa la moa la a kpo ayakplo ba eshre, pa la moa la a bga ebga, pa la moa la a hlu okpko eshko, pa la moa la a la a gno oraŋ ta la osheŋ akpro nga ba moa a la a sheŋ akpro, moa á tspi egi edzi ba osku he lo.

Otsotsa 21:8

Ambo moa la a kpo eyli pa la moa la a so moare ayi, pa la moa la a tpi moare ayi, pa la moa la a bga ebga, pa la moa la a kpo ayakplo ba eshre, pa la moa la a kpo ololo pa la moa la a hlu okpko eshko, pa la moa la a sheŋ akpro, enzheovo la e shum ovo nzenze angyiŋ e wo ma okyku mo. Eku he lo angyiŋ e wo eku ba oha.

Etitu 1:16

Moa a la a lu ma moa a yi Ahogbrẽ, ambo odzudzu mo lo o kpo evom odlo mo. Moa a bli la efpu esõ mo pa la moare, nga moa a la a tsi Ahogbrẽ a ghwo ayi mbo. Moa a ka a kpo ekplokyeŋ la e wo edzi a gbu mbo.

1 Ebitru 3:20

Egbga he lo e wo egbga ba moarehwĩ la a sheŋ a shye eshri ta la Ahogbrẽ omba baŋ a la a dzu a bli, omba ba Onuhu a la a mbdzi amgblami. Moare ple sha a gre amgblami he lo. Moarehwĩ afote angyiŋ moa a gro okyku ami.

MoaIbrani 11:31

Obmi ba adlidzi angyiŋ o nyom mo a bga Arahab ashe eshra otsotse pa la moare la a tla Ahogbrẽ, okyku eshi a yga moa la a ba okyku o kpre okro o ka, la ovyevye.

2 MoaEtasolonika 2:8

Omba he lo angyiŋ Areabi lo á ba a zgi. Nga Adigi-odne Eyesu á bga ŋa la ayaŋ ba anyu baŋ, nga á jygi ŋa la ekekʼpo baŋ a zgi la alo omba baŋ á ba.

MoaOroma 4:13

Ahogbrẽ a hwim ta la Ebrahim, pa la moanwye baŋ, baŋ á ba a shri obiŋ hi mvye á shri á daŋ. Ohwihwim he lo, moa a kpo lo okyku ba Ebrahim a kpaŋ odaŋ angyiŋ mbo, ambo okyku baŋ a bmi ba adlidzi angyiŋ. Okyku eka he nga Ahogbrẽ a yga ŋa eka ba arehwĩ ba odlodzi.

Amatiyu 10:21

Moare á shri moanimo á di, okyku o da mo a bga mo. Moadimo anwye nga á kpo ekakahelo angyiŋ pa la moanwye mo. Moanwye nga á tla moadimo, nga moa á bga mo.

1 Ebitru 2:7

Ezhim he lo e wo owlama nzenze okro bimi la e bmi ba adlidzi. Ambo okro bimi la e bmi ba adlidzi mbo, moa a lu mi le, Ezhim ba moa la a mbdzi a tla lo a ta eka ba alo e wo la owlama mbo, Alo angyiŋ e zhiŋ e dzu ezhim la e wo la anyuanyuŋ e gre pyeŋ.

MoaIbrani 12:16

Agimi e nyuŋ e kpo-kpo okyku o da arekyeŋ eshki bimi a zhiŋ a dzu arehwĩ ba eshre ta la arehwĩ la a dzu areabi la a tla Ahogbrẽ eka ba Esuwa mbo. Aŋa okyku atku ba ehrẽ, a shri ekʼpo baŋ ba andakʼpo a shri a gbmo.

MoaEgalasiya 5:21

Moa a la a kpo efpu, nga a wa ajige a kpo ayi, nga a la a kpo eshki ba o wa ajige. Nga moa a la a kpo edgu ayakplo he lo. Ame e shĩ gimi eka ba ame e shĩ gimi ayga, moa la a kpo edgu ayakplo he lo, moa á hwiŋ Oreŋ ba Ahogbrẽ mbo ku-ku.

MoaEgalasiya 5:18

O wo ba Ogbgaodzi angyiŋ o la o tsa gimi le, agimi é dzu moawaghrẽ ba odaŋ angyiŋ mbo.

1 Etimoti 4:7

Ambo o ngʼba o sku enzho ba ototno. Moa a wo ekplokyeŋ ozhẽ ba Ahogbrẽ mbo. O nyuŋ o tspi osheshye ozhẽ ba Ahogbrẽ.

1 Etimoti 6:20

Aŋo Etimoti, o kpaŋ otum ba moa a shri a doŋ. Aŋo o ngʼba o sku odlo ba ototno la o wo o ba Ahogbrẽ mbo, ta la oklaodlo. Nga o tla oyioyi moare a bzi lo ma alo o wo adlidzi, ambo o wo akpu angyiŋ.

2 Etimoti 2:16

O ngʼba o sku odlo ototno la o wo o ba Ahogbrẽ mbo ta la oklaodlo. Ohe lo o la o som moare ayi o la o sku Ahogbrẽ angyiŋ.

2 Etimoti 3:2

Okyku eshi moare á klo eshri, nga moa á kpo ogroayi, nga moa á nyom egʼba, nga moa á sko emo á zga eka moa a yi ayakplo nzenze. Nga moa á dzĩ moare, nga moa á fa olbi á da moadimo mbo. Moa á vye la ekplokyeŋ mbo ku-ku, nga moa á sko ozhẽ ba Ahogbrẽ á zga akplokyeŋ mbo.

Etitu 1:6

Okyku eshi o dzu omgbybi ba andakʼpo Eklisiya a dzu are la a wo shasha, nga baŋ a wo are la a wo la ashe akyekyeŋ sha e ma. Nga o dzu omgbybi ba moanwye baŋ, moa a bmi ba adlidzi, nga moa a dzu moa la a gbu atuŋ okyku moa a wo wayawaya nga a shye eshri mbo.

Etitu 1:10

Moare nzenze la a sla okro ayi a wo ma. Moa edgu he lo a la a bile moare la odlo ototno moa a la a lu. Onzenze eshki mo moa a wo moare la a kyu ozhẽ moaEyahuda abgo nga a ba a lu Ekristi ma.

Eyahuda 1:15

okyku o daŋ a sõ moarehwĩ pyeŋ ombgu. Nga á vu moarehwĩ ba odlobi la a kpaŋ odlo ba Ahogbrẽ mbo ombgu, okyku ayakplobi ba moa a kpo, ta la ekployaŋ a mbo la e wo shasha mbo ba moa edgu moarehwĩ he lo a lu eshri ba Ahogbrẽ!