1 Etimoti 1:4 - Ohwihwim Olehe

⁴ O lu o da mo a kyu enzho ta la oshpa ba ashko ba egu moa a la a klo nzenze. Ohe lo o la o shri oklaodlo sha o shri o ba. Ohe lo ó bli ekplokyeŋ ba Ahogbrẽ a klo mbo. Moa a la a yi ekplo ba Ahogbrẽ a klo ozhẽ ba obmi ba adlidzi sha.

1 Etimoti 1:4 Referans Kwoze

Etitu 3:9

Ambo aŋo o ngʼba o sku oklaodlo ba ototno. Edgu odlo ba ototno lo angyiŋ o wo otsiashko ba moadigi ba ogbyigbyi, ta la okʼpiohwa, ta la oklaodaŋ. Edgu ayakplo he lo pyeŋ a wo a ba ototno angyiŋ.

Etitu 1:14

Nga okyku o da mo a kpo otum ta la enzho moaEyahuda nga a kpaŋ odaŋ moarehwĩ la a tla adlidzi lo nga mbo.

1 Etimoti 4:7

Ambo o ngʼba o sku enzho ba ototno. Moa a wo ekplokyeŋ ozhẽ ba Ahogbrẽ mbo. O nyuŋ o tspi osheshye ozhẽ ba Ahogbrẽ.

2 Etimoti 4:4

Moa á tla o gno oshpa ba adlidzi, nga moa á kpo nga, moa á klo o gno enzho ba ototno.

2 Ebitru 1:16

E ka, agi e shri eshri bi e zga enzho ba ototno angyiŋ mbo, omba ba agi e la e su osu oba-ba ba esesla ba Adigi-odne Eyesu Ekristi. Agi e ka ekʼpo baŋ lo la ayi bi.

1 Etimoti 6:20

Aŋo Etimoti, o kpaŋ otum ba moa a shri a doŋ. Aŋo o ngʼba o sku odlo ba ototno la o wo o ba Ahogbrẽ mbo, ta la oklaodlo. Nga o tla oyioyi moare a bzi lo ma alo o wo adlidzi, ambo o wo akpu angyiŋ.

MoaIbrani 13:9

Agimi e da edgu onyenyekyeŋ la o wo ondundum o sko gimi o sku ozhẽ ba adlidzi lo mbo. O wo odzi ba esõ bi e hwiŋ oshye okro ba okpoghwo ba Ahogbrẽ. O wo ozhẽ ba okpaŋ odaŋ ba algo angyiŋ mbo. Moa la a la a kpaŋ edgu odaŋ he lo, moa a hwiŋ owlama akplokyeŋ ba alo mbo ku-ku.

2 Etimoti 2:14

Aŋo o dzu moarehwĩ boŋ nga o shĩ mo osheshye egi ayi ba Ahogbrẽ okyku o da mo a kla odlo mbo. Alo o la o kpo o ghwo la moare mbo, o wo le o so mo ayi o so sha.

2 Etimoti 2:22

Aŋo o ngʼba o sku okoklo ba egʼba moa ola anwye, nga aŋo o la o zga gble okyku odlodzi, ta la obmi ba adlidzi, ta la oklo, ta la opyapyaŋ. Aŋo o kpo eka he lo otsotse pa la moa la a wo la esõ pse, nga ba moa a la a bzi Adigi-odne okyku o daŋ a kpo a ghwo la mo.

1 Etimoti 6:11

Ambo aŋo, arehwĩ ba Ahogbrẽ, o ngʼba o sku edgu ayakplo he lo pyeŋ. O zga ayi ngre okyku o kpo odlodzi, nga o tspi ozhẽ ba Ahogbrẽ la adlidzi ta la obmi ba adlidzi, ta la oklo, nga o kpo oheheŋ, nga o dzu la esõ ble ekployaŋ a mbo.

1 Etimoti 3:16

Arekyeŋ a kpo a gbu baŋ a dzu evom ta la anyuŋ eshyẽ ba ozhẽ bi mbo ku-ku! Aŋa a ba la egʼba arehwĩ, Ogbgaodzi nga o tsa baŋ a wo la adlidzi, Moanwyeadga ba Ahogbrẽ a mbo a ka ŋa. Moare ahwõ a su osu baŋ a ygi obiŋ hi pyeŋ. Nga moa a bmi ba adlidzi ka la ŋa obiŋ hi lo, Ambla he nga Ahogbrẽ a sko ŋa a gre Ongyeŋ.

Etitu 1:1

Akpa he lo a zgi abgo me Oblus la a wo awaghrẽ ba Ahogbrẽ, ta la are la a nyum oshpa ba Eyesu Ekristi. Moa a sla me okyku o da me e yi e kpo e ghwo la moarehwĩ ba Ahogbrẽ a sla ibu obmi ba adlidzi mo, nga e sa e tsa adlidzi ba ozhẽ bi e sõ la onyenye.

2 MoaOkorinti 1:12

Agi e wo la onyomegʼba ma okyku eshi enzi ba eso bi e tsa gi zhezheŋ ba esĩ ba odzudzu bi obiŋ hi ta la ekpom bi ka la gimi, e wo ibu ba ohwilesõ ta la adlidzi ba Ahogbrẽ a shri a di angyiŋ. Nga ohe lo o wo la okaobmye ba arehwĩ angyiŋ mbo, ambo alo o wo ibu ekʼpo ba okpoghwo ba Ahogbrẽ angyiŋ.

MoAfisu 3:2

Agimi e sheŋ e gno ba Ahogbrẽ ozhẽ ba okpoghwo baŋ angyiŋ, a shri otum he a shri a da me okyku o da gimi e hwiŋ owlama.

2 Etimoti 2:23

Ambo aŋo o ngʼba o sku oklaodlo ba ototno la o wo o ba evbueshri. Okyku eshi aŋo o yi ba alo ó shri okʼpiohwa ba ototno angyiŋ ó ba.