1 Etimoti 1:2 - Ohwihwim Olehe

² Akpa he lo a wo okyku Etimoti anwye me ba adlidzi ibu obmi ba adlidzi. Ahogbrẽ la a wo Adigi, ta la Ekristi Eyesu Adigi-odne, moa a shri okpoghwo ta la okayiekŋe, ta la opyapyaŋ a shri a doŋ.

1 Etimoti 1:2 Referans Kwoze

Etitu 1:4

Ame e ta Etitu akpa. Aŋa a wo anwye me ba adlidzi ibu ba obmi ba adlidzi ba agi e wo ma. Ahogbrẽ la a wo Adigi, ta la Ekristi Eyesu Areoshla bi, moa a shri okpoghwo ta la opyapyaŋ a shri a doŋ.

2 Etimoti 1:2

Aŋo Etimoti, anwye me ba ame e klo ŋo, Ahogbrẽ la a wo Adigi, ta la Ekristi Eyesu Adigi-odne a shri okpoghwo ta la okayiekŋe, ta la opyapyaŋ a doŋ.

1 Ebitru 1:2

Ahogbrẽ la a wo Ada angyiŋ, aŋa ababgo baŋ a sla gimi okyku ohwihwim baŋ. A da gimi e dzu moarehwĩ ba esesla ozhẽ ba Ogbgaodzi baŋ, nga okyku o da gimi e kpaŋ odlo ba Eyesu Ekristi nga okyku o da amanzhli ba Eyesu a ndza gimi pse. Okpoghwo ta la opyapyaŋ, o dzu ka la gimi nzenze.

MoaOroma 1:7

Okyku eka he ame e ta akpa e kom gimi arehwĩ ba Oroma, ba Ahogbrẽ a klo. Aŋa a bzi gimi okyku o da gimi e dzu moarehwi baŋ. Ahogbrẽ la a wo Adigi, ta la Adigi-odne Eyesu Ekristi a kpo a ghwo la gimi nga a shri opyapyaŋ a da gimi.

2 Etimoti 2:1

Aŋo Etimoti anwye me, o tspi osheshye okpoghwo ba okŋeobga bi e wo la alo ma ta la Ekristi Eyesu.

1 Etimoti 1:18

Aŋo Etimoti anwye me, ame e shri odaŋ he lo e ghwo ŋo abgo. Odaŋ he lo o wo eshri ekplo ba moa a ka nga a lu odlo eshri boŋ ogbyigbyi angyiŋ. Okyku eka he o da odlo he lo angyiŋ o dzu anzho eko boŋ ibu eko edzadzi boŋ o la o ta he lo,

1 MoaEtasolonika 3:2

Nga omba lo agi e hom Etimoti otum, aŋa a wo anigi la a la a kpo otum ka la gi otsotse okyku Ahogbrẽ. Aŋa a la a nyum Oshpaodzadzi eshri ba Ekristi. Agi e hom ŋa otum okyku o daŋ a shĩ gimi nga okyku o daŋ a kpo a ghwo la gimi ozhẽ ba obmi ba adlidzi bimi,

MoaEgalasiya 1:3

Ahogbrẽ la a wo Adigi ta la Adigi-odne Eyesu Ekristi a shri okpoghwo, ta la opyapyaŋ a shri a da gimi.

1 Etimoti 1:12

Ame e vye Ekristi Eyesu Adigi-odne la a shri oshye a da me okyku o kpo otum he lo. Ame e vye la ŋa e gre eshri okyku baŋ a sko me a zga eka ba ame e tse ma, nga a sla me okyku o da me e kpo otum baŋ.

1 Etimoti 6:20

Aŋo Etimoti, o kpaŋ otum ba moa a shri a doŋ. Aŋo o ngʼba o sku odlo ba ototno la o wo o ba Ahogbrẽ mbo, ta la oklaodlo. Nga o tla oyioyi moare a bzi lo ma alo o wo adlidzi, ambo o wo akpu angyiŋ.

Etitu 2:2

O lu o da moakpoatsoŋ-alom, o da mo a nyuŋ eshri mo a zga, nga moa a wo la eda, nga moa a nyuŋ emo a zga, nga a tspi adzadzi ibu obmi ba adlidzi mo, nga a tspi osheshye la oklo ta la oghwo-esõ.

Etitu 3:15

Moare la a wo pa la me pyeŋ moa a shko ŋo. Aŋo o shko moakyegiazba la a wo la obmi ba adlidzi ma okyku gi. Okpoghwo ba Ahogbrẽ o dzu ka la gimi pyeŋ.

2 Eyohana 1:3

Ahogbrẽ la a wo Ada, ta la Eyesu Ekristi Anwye baŋ, moa a shri okpoghwo ta la okayiekŋe, ta la opyapyaŋ, a shri a da gi. Ahi lo pyeŋ a dzu anzho bi ozhẽ ba adlidzi ta la oklo.

3 Eyohana 1:4

Alo o raŋ me esõ o gre pyeŋ okyku eka ba ame e gno eka ba moanwye me a la a dzu la adlidzi.

Eyahuda 1:2

Nga okayiekŋe ta la opyapyaŋ, ta la oklo, ahi lo pyeŋ, moa a dzu ka la gimi fkatka.