1 Etimoti 1:16 - Ohwihwim Olehe

¹⁶ Ambo okyku ekplo he lo sha angyiŋ, Ahogbrẽ a ka me ayiekŋe, okyku o da moare a ka ota esõ akpyli ba Ekristi Eyesu okyku me la e wo la odlobi e gre moahwõ pyeŋ, okyku o da me e dzu egŋe egi ayi moarehwĩ pyeŋ la á ba a bmi ba adlidzi ka la ŋa, okyku o da mo a hwiŋ esõ ba gbagbu-amo.

1 Etimoti 1:16 Referans Kwoze

1 Etimoti 1:13

Ambo ayga ame e lu odlo ba ototno eshri baŋ, nga ame e kpo ŋa ewu, nga ame e dzĩ ŋa. Ambo Ahogbrẽ a ka me ayiekŋe okyku eshi ame e bmi ba adlidzi mbo, nga ame e ka e yi ekplo ba ame e kpo mbo ku-ku.

MoAfisu 2:7

Aŋa a kpo ohe lo okyku o tsa okpoghwo baŋ la o gre eshri omba pyeŋ la o ra, ibu ba oklo baŋ a tsa gi okyku Eyesu Ekristi.

Oluka 7:47

Ame e lu e doŋ, ekplo ba ashe he lo a kpo, a kpo lo okyku baŋ a wo la oklo ma nzenze. Oklo nzenze he lo o tsa ba moa a sheŋ a kyu ŋa abgo odlobi nzenze baŋ a kpo bgu. Areyaŋ a mbo ba moa a kyu ŋa abgo odlobi ple baŋ a kpo, are he lo a wo la oklo ple sha angyiŋ.

2 Ebitru 3:15

Agimi e ka oheheŋ ba Adigi-odne a shri a da gimi okyku o da gimi e hwiŋ ozhẽ ba o hwiŋ oshla, eka ba anigi la a ri Oblus a sheŋ a ta gimi akpa la okaobmye ba Ahogbrẽ a shri a daŋ.

2 Ebitru 3:9

Ahogbrẽ a la a ngingli angyiŋ ta la ekplo baŋ a sheŋ a hwim baŋ á ba a kpo mbo. Moakyeŋ a la a tne aga eka he. Ambo a la a kpo heheŋ ka la gimi okyku eshi a klo ba arekyeŋ a jygi mbo. Ambo a klo ba moare pyeŋ a zhiŋ ogbu á dzu odlobi ba moa a la a kpo á zga.

1 Ebitru 3:20

Egbga he lo e wo egbga ba moarehwĩ la a sheŋ a shye eshri ta la Ahogbrẽ omba baŋ a la a dzu a bli, omba ba Onuhu a la a mbdzi amgblami. Moare ple sha a gre amgblami he lo. Moarehwĩ afote angyiŋ moa a gro okyku ami.

Eyohana 20:31

Moa a ta ayakplo hi okyku o da gimi e ka e bmye ba Eyesu angyiŋ a wo Emisiya, Anwye Ahogbrẽ, nga okyku o da gimi e hwiŋ eso eshko baŋ okro obmi ba adlidzi.

Eyohana 3:36

Areyaŋ a mbo la a bmi ba adlidzi ta la Anwye le, aŋa á wo eso ba gbagbu-amo ma. Areyaŋ a mbo la a bmi ba adlidzi ta la Anwye lo mbo le, á hwiŋ eso mbo, nga ombgu ba Ahogbrẽ o dzu eshri baŋ gbagbu-amo.

MoaOroma 6:23

Okyku ba egbre odlobi e wo eku angyiŋ, ambo ototno ba Ahogbrẽ o wo eso ba gbagbu-amo ibu ba Ekristi Eyesu Adigi-odne.

Eyohana 6:54

Areyaŋ a mbo la a taŋ ebyi egʼba me, nga a wa amanzhli me le a wo la eso ba gbagbu-amo. Nga ame é shri eso é daŋ olum onda mi lo.

Eyohana 6:40

Eka he angyiŋ Adugu a klo, okyku o da moare mvye la a ka Anwye lo nga a bmi ka la ŋa a hwiŋ eso ba gbagbu-amo, nga ame é shri eso é da mo olum mi lo.

MoaIbrani 7:25

Okyku eka he, aŋa a kpo a gbu ohuhuhi ta la ombayaŋ a mbo baŋ a shla moare la a ba okro ba Ahogbrẽ ozhẽ baŋ. Okyku eshi a wo ma gbagbu-amo okyku o daŋ a la a vẽ Ahogbrẽ okyku mo.

2 MoaEtasolonika 1:10

omba baŋ á ba a ba Onda mi lo okyku o da moarehwĩ baŋ pyeŋ a hlu ŋa eshko, nga moa pyeŋ la a bmi ba adlidzi ka la ŋa, a fa olbi a daŋ. Agimi a mbo e wo eshki mo, okyku eshi agimi a mbo e bmi ba adlidzi ta la oshpa ba agi e nyum e da gimi.

MoAfisu 1:12

Agi nga la e wo moarehwĩ ba oriori la e sko aga bi e zga okro ba Ekristi, e da gi e hlu Ahogbrẽ eshko la ovyevye!

MoAfisu 1:6

Agimi e da gi e hlu Ahogbrẽ eshko okyku okpoghwo baŋ ba ekekʼpo, ta la ototno baŋ a shri a da gi okro ba Anwye baŋ a klo ŋa nzenze!

2 MoaOkorinti 4:1

La okayiekŋe ba Ahogbrẽ angyiŋ, aŋa a shri otum he a shri a da gi. Okyku eka he, agi e da egʼba e shki gi ami mbo.

MoaOroma 15:4

Ekployaŋ a mbo ba moa a ta Akpa ba Ahogbrẽ, moa a ta lo okyku o nye gi angyiŋ, okyku o da gi e ka ayi ozhẽ la oghwo-esõ, ta la oshioshĩ ba Akpa ba Ahogbrẽ a shri a da gi.

Eyohana 6:37

Areyaŋ a mbo ba Adugu a shri ŋa a da me, á ba okro me. Ame é nyom arekyeŋ la a ba okro me ku-ku nga mbo.

Eyohana 5:24

Ame e lu adlidzi angyiŋ e da gimi, areyaŋ a mbo la a yga odlo me nga a bmi ba adlidzi ta la are la a hom me otum le, a wo la eso ma gbagbu-amo. Moa á sõ ŋa omgbu nga mbo. O dzu eka baŋ a gro eku nga a hwiŋ eso.

Oluka 23:43

Eyesu a nyuŋ ŋa a lu mi le, Ame e lu e doŋ, olum anye hi, aŋo ó yi Aparades pa la me.

Oluka 15:10

Ekakahelo angyiŋ, ame e lu e da gimi, moanwyeadga ba Ahogbrẽ a la a kpo ovye Ongyeŋ, o wo ba arekyeŋ la a tsu a bgu, a ba a ghwo obiŋ odlobi baŋ.

1 MoaOkorinti 7:25

Ohuhuhi, odlo eshri moaekpla. Odaŋ he lo o wo o ba Adigi-odne angyiŋ mbo, ambo ame e lu eka ba ame e ka angyiŋ, eka ba are ba Adigi-odne a bmi ka la ŋa okyku oka-yiekŋe baŋ.