1 Etimoti 1:12 - Ohwihwim Olehe

¹² Ame e vye Ekristi Eyesu Adigi-odne la a shri oshye a da me okyku o kpo otum he lo. Ame e vye la ŋa e gre eshri okyku baŋ a sko me a zga eka ba ame e tse ma, nga a sla me okyku o da me e kpo otum baŋ.

1 Etimoti 1:12 Referans Kwoze

MoaEfilibi 4:13

Ame e wo la oshye okyku o tspi gaŋ ta la edgu odzudzuyaŋ a mbo okyku ekʼpo ba Ekristi a shri a da me.

2 Etimoti 4:17

Ambo Adigi-odne a dzu pa la me nga a shri oshye a da me, nga ame e hwiŋ oshye ba o nyum oshpa mvye e ygi moa la a wo moaEyahuda mbo pyeŋ. Nga moa a shla me anyu ba émbdze.

MoaOkolosi 1:25

Ahogbrẽ angyiŋ a da me e dzu awaghrẽ ba Eklisiya. Aŋa angyiŋ a shri otum he a shri a da me okyku o da gimi e hwiŋ owlama. Otum he lo o wo okyku o nyum eshyẽ oshpa lo pyeŋ.

MoaEfilibi 2:11

Nga areyaŋ a mbo á su eka ba Eyesu Ekristi angyiŋ a wo Adigi-odne lo, Okyku ohlueshko ba Ahogbrẽ Adigi.

2 MoaOkorinti 4:1

La okayiekŋe ba Ahogbrẽ angyiŋ, aŋa a shri otum he a shri a da gi. Okyku eka he, agi e da egʼba e shki gi ami mbo.

1 MoaOkorinti 7:25

Ohuhuhi, odlo eshri moaekpla. Odaŋ he lo o wo o ba Adigi-odne angyiŋ mbo, ambo ame e lu eka ba ame e ka angyiŋ, eka ba are ba Adigi-odne a bmi ka la ŋa okyku oka-yiekŋe baŋ.

Otum 9:22

Oshpa ba Eshawlu la a nyum, o bli la ekʼpo Ogbgaodzi, nga otsotsa baŋ la a tsa ba Eyesu angyiŋ a wo Emisiya o wo zhezheŋ, nga moaEyahuda la a wo Adamasku a tno ŋa akplo-kyeŋ a gbu mbo.

Otum 9:15

Adigi-odne a nyuŋ ŋa a lu mi le, Aŋo o yi, okyku eshi ame e sla ŋa okyku o daŋ a kpo otum okyku me, okyku o daŋ a nyum oshpa me a ygi moa la a wo moaEyahuda mbo, pa la moanyuŋ-areŋ, pa la moarehwi ba Esrayila.

Otum 16:15

Aŋa pa la moa-odne baŋ moa a kpo mo abaptisma. Elidiya a nyuŋ gi a lu mi le, Agimi e ba e tum odne me, o wo bimi e ka ame e lu Adigi-odne ma adlidzi. Aŋa a rba gi a da gi e gre odne baŋ.

1 Etimoti 1:11

Edgu onyenye he lo angyiŋ moa a ta lo Oshpaodzadzi. Moa a shri lo a da me okyku o da me e su lo. Alo o wo Oshpaodzadzi ba Ahogbrẽ la a wo la ekekʼpo a gre eshri angyiŋ.

1 MoaOkorinti 15:10

Ambo okyku okpoghwo ba Ahogbrẽ angyiŋ, ame e zhiŋ e dzu eka ba ame e wo hi. Nga okpoghwo baŋ a kpo a ghwo la me, alo o wo o ba ototno angyiŋ mbo, okyku eshi ame e kpo otum lo osheshye e gre moahwõ pyeŋ la a nyum oshpa. Ambo o wo eka he okyku ba ame angyiŋ e klo mbo, ambo okpoghwo ba Ahogbrẽ angyiŋ o la o kpo otum pa la me.

Eyohana 5:23

Okyku eka he moare mvye moa á hlu Anwye lo eshko eka ba moa a la a hlu Ada eshko. Areyaŋ a mbo la a hlu Anwye eshko mbo le, o dzu eka baŋ a tla o hlu Ahogbrẽ la a hom ŋa otum eshko.

1 MoaOkorinti 3:5

Ayi angyiŋ a wo Apolos? Nga ayi angyiŋ a wo Oblus? Agi e wo moawaghrẽ ba Ahogbrẽ sha. Okro bi angyiŋ agimi e bmi ba adlidzi. Areyaŋ a mbo eshki bi a la a kpo otum ba Adigi-odne a shri a daŋ.

MoaEgalasiya 3:26

Ozhẽ ba obmi ba adlidzi angyiŋ, agimi pyeŋ e dzu moanwye ba Ahogbrẽ ozhẽ ba okŋeobga ta la Ekristi Eyesu.

MoaEgalasiya 3:28

Okyku eka he egʼbakyeŋ e wo agʼbaha ba moaEyahuda pa la moa la a wo moaEyahuda mbo mbo, nga egʼbakyeŋ e wo agʼbaha moawaghrẽ pa la moa la a wo la odzudum mbo. Egʼbakyeŋ e wo agʼbaha moarealom pa la moashe mbo. Agimi e wo okyekyeŋ angyiŋ okŋeobga ta la Ekristi Eyesu.

1 Etimoti 1:1

Akpa he lo a zgi abgo me Oblus, are la a nyum oshpa ba Ekristi Eyesu la okoklo ba Ahogbrẽ la a wo Areoshla bi ta la Ekristi Eyesu la a wo okayiozhẽ bi.

1 Etimoti 1:2

Akpa he lo a wo okyku Etimoti anwye me ba adlidzi ibu obmi ba adlidzi. Ahogbrẽ la a wo Adigi, ta la Ekristi Eyesu Adigi-odne, moa a shri okpoghwo ta la okayiekŋe, ta la opyapyaŋ a shri a doŋ.

1 Etimoti 6:13

Egi ayi ba Ahogbrẽ la a shri esõ a da ekployaŋ a mbo, ta la egi ayi Eyesu Ekristi la a zgi egŋe adzadzi egi ayi ba Obuntu Ebilatu, ame e jygu ŋo odaŋ.

2 Etimoti 2:2

Aŋo o sko odlo boŋ o gno ba ame e nyum lo e ygi moare nzenze. Aŋo o shri lo o shri o da moarehwĩ boŋ o bmi pa la mo. Moa-rehwĩ he lo, o raŋ o gre ba moa a dzu moa la á ba a kpo á gbu moa á nye moahwõ odlo lo.

Etitu 1:4

Ame e ta Etitu akpa. Aŋa a wo anwye me ba adlidzi ibu ba obmi ba adlidzi ba agi e wo ma. Ahogbrẽ la a wo Adigi, ta la Ekristi Eyesu Areoshla bi, moa a shri okpoghwo ta la opyapyaŋ a shri a doŋ.

Efilimo 1:9

Ambo ekakahelo oklo me okyku ŋo angyiŋ o da me e vẽ ŋo eka he lo. Ame e wo Oblus, are ba Ekristi Eyesu a hom ŋa otum, nga ohuhuhi ame e wo oprusuna okyku eshko ba Ekristi.

Amatiyu 20:4

Nga a nyuŋ mo a lu mi le, Agimi a mbo e yi e kpo otum agbi me. Ame é hre gimi ekplo la e raŋ e gre.