1 Etimoti 1:11 - Ohwihwim Olehe

¹¹ Edgu onyenye he lo angyiŋ moa a ta lo Oshpaodzadzi. Moa a shri lo a da me okyku o da me e su lo. Alo o wo Oshpaodzadzi ba Ahogbrẽ la a wo la ekekʼpo a gre eshri angyiŋ.

1 Etimoti 1:11 Referans Kwoze

MoaEgalasiya 2:7

Ambo moa a ka a bmye ba Ahogbrẽ angyiŋ a shri otum onyum oshpa a shri a da me okyku o da me e nyum oshpa e ygi moa la a wo moaEyahuda mbo, eka baŋ a shri otum ba onyum oshpa a shri a da Ebitru okyku o daŋ a nyum oshpa a ygi moaEyahuda.

Etitu 1:3

Nga, omba la o wo shasha lo angyiŋ a tsa areyaŋ a mbo alo ibu oshpa baŋ lo. Moa a shri oshpa he lo a da me, nga odaŋ ba Ahogbrẽ Areoshla bi angyiŋ o la o da me e su lo.

1 Etimoti 6:15

Ahogbrẽ nga á da Eyesu á ba omba la o wo shasha lo. Ahogbrẽ ba ohlueshko akyekyeŋ sha a la a ri ekʼpo pyeŋ. Aŋa angyiŋ a wo Areŋ ba moareŋ ta la Adaŋ-odne moadaŋ-odne.

2 MoaOkorinti 4:4

Moa a la a bmi ba adlidzi mbo okyku eshi ahogbrẽ abi ba obiŋ hi a sheŋ a shri oso-ayi a zga egi ayi mo. A nyom mo o ka ayimom la a la a shka ayi eshri mo. Oshpaodzadzi ba ayimom ba esesla ba Ekristi angyiŋ, o la o shri ayimom he lo o ba. Ekristi angyiŋ, a wo emle ba adlidzi ba Ahogbrẽ.

MoaOroma 2:16

Ozhẽ Oshpaodzadzi ba ame e nyum hi, o tsa eka ba Ahogbrẽ á ba a kpo onda mi lo. Á sõ moare ombgu eshko ba Eyesu Ekristi okyku ayakplo ba moa a ghre eso mo.

2 Etimoti 2:2

Aŋo o sko odlo boŋ o gno ba ame e nyum lo e ygi moare nzenze. Aŋo o shri lo o shri o da moarehwĩ boŋ o bmi pa la mo. Moa-rehwĩ he lo, o raŋ o gre ba moa a dzu moa la á ba a kpo á gbu moa á nye moahwõ odlo lo.

2 Etimoti 1:14

Ayakplo adzadzi ba moa a nye ŋo alo pyeŋ, o kpaŋ lo okro ekʼpo ba Ogbgaodzi la o dzu esõ bi.

2 Etimoti 1:11

Ahogbrẽ nga a sla me okyku o da me e su Oshpaodzadzi nga e nye moare alo.

1 Etimoti 6:20

Aŋo Etimoti, o kpaŋ otum ba moa a shri a doŋ. Aŋo o ngʼba o sku odlo ba ototno la o wo o ba Ahogbrẽ mbo, ta la oklaodlo. Nga o tla oyioyi moare a bzi lo ma alo o wo adlidzi, ambo o wo akpu angyiŋ.

1 Etimoti 2:7

Okyku eka he angyiŋ moa a da me e ba okyku o da me e nyum oshpa e ygi moa la a wo moaEyahuda mbo. Oshpa he lo o wo oshpa ba obmi ba adlidzi, ta la adlidzi angyiŋ. Ame e sheŋ akpro angyiŋ mbo, ame e lu adlidzi angyiŋ!

1 MoaEtasolonika 2:4

Ambo agi e lu odlo ombamba eka ba Ahogbrẽ a klo bi e lu angyiŋ, okyku eshi aŋa a bmi ka la gi nga a shri Oshpaodzadzi a shri a da gi. Agi e zga gble okyku o raŋ moarehwĩ angyiŋ esõ mbo, ambo okyku o raŋ Ahogbrẽ angyiŋ esõ. Aŋa a la a mbga aga esõ bi.

MoaOkolosi 1:25

Ahogbrẽ angyiŋ a da me e dzu awaghrẽ ba Eklisiya. Aŋa angyiŋ a shri otum he a shri a da me okyku o da gimi e hwiŋ owlama. Otum he lo o wo okyku o nyum eshyẽ oshpa lo pyeŋ.

MoAfisu 3:10

okyku o da moanwyeadga la a ri ekʼpo, ta la ekʼpo andandandim la e wo ahrẽ, a yi okaobmye ba Ahogbrẽ ezhẽ andandandim pyeŋ, ozhẽ ba Eklisiya ohuhuhi.

MoAfisu 2:7

Aŋa a kpo ohe lo okyku o tsa okpoghwo baŋ la o gre eshri omba pyeŋ la o ra, ibu ba oklo baŋ a tsa gi okyku Eyesu Ekristi.

MoAfisu 1:12

Agi nga la e wo moarehwĩ ba oriori la e sko aga bi e zga okro ba Ekristi, e da gi e hlu Ahogbrẽ eshko la ovyevye!

MoAfisu 1:6

Agimi e da gi e hlu Ahogbrẽ eshko okyku okpoghwo baŋ ba ekekʼpo, ta la ototno baŋ a shri a da gi okro ba Anwye baŋ a klo ŋa nzenze!

2 MoaOkorinti 4:6

Ahogbrẽ la a lu mi le, Ayimom lo á zgi evbu angyiŋ á ba a tra! Aŋa angyiŋ a da ayimom baŋ a tra eso bi, okyku o da gi e hwiŋ ayimom ba oyioyi ba esesla ba Ahogbrẽ la a shka ayi eyayi ba Ekristi.

1 MoaOkorinti 9:17

O wo ba ame e kpo otum me la okoklo me angyiŋ le, alo o dzu omgbybi ba moa a hre me. Ambo o wo ba alo o dzu otum ba moa a shri a da me okyku o kpo-kpo angyiŋ le, o dzu omgbybi ba ame e kpo lo.

Oluka 2:14

Ohlueshko okyku Ahogbrẽ la a wo Ongyeŋ ekpyemgbyeŋ! Nga opyapyaŋ o dzu pa la moarehwi baŋ a gno oraŋ pa la mo!